20 अ़त्लो काचि त़मुन्किना धात्खावा त़चान्येन्हिदा दिसुवा मान्मिन्माङ त़आङ्तुम्नालो खानानिन दि त़तोक्तुम? मेन खानानिन अ़नुवाक काचि त़मुन्कि दुखा त़आङ्तुम्नालो निनाम्हाङ्आ खानानिन ऩचोन्तिन।
खोन्किना मोचिआ खोक्कोसोओ अ़चुङाइवादा अ़थुक्ता, खोन्कि खोक्को अ़धात्ता, खोन्कि खा-खाक्कोचिआ ओवात्नि य़ङ्सा अ़फेङ्सा,
खानानिन आम्नुओ बुवा-निछाचि ओन्ङा सेवा त़मेत्तुम्च़म्नालो निचिदाङ्का च़लोक दि त़मुम कि? निरावाचिछाङ मोवात्नि ना म़च़!
खोन्किना खा-खाक्कोसाआ खोक्को थुक्मा अ़पुक्ता, खोन्कि खोक्कोसोओ अ़चुम़क अ़दिप्तापुवाकि धात्याङ्सा अ़लोवा, “साङ्आ त़धात्याङ, निनाम्हाङ्य़ङ आन्कान्का खाएत्नि!” खोन्कि रात्खामिचिआ खोक्को अ़खात्ताकि अ़धात्ता।
खानानिन सोमाकातुक्चि ओन्ङा सोमात़तुक्तुम्च़म्नालो खानानिन्आ दिसु सिरिफा त़तोक्तुम? खोचि सोमाकातुक्चि ना हेवामिचिआछाङ सोमाम़तुक्तुचि।
आइमित्छाङ आन्कान्का सास़न्का खोन्कि वामित्मा स़न्का, आन्काओ कालाङ्द़क मुन्येन्का, आन्कान्का धात्खावा चान्युङ्सिन्का खोन्कि आन्काओ खिम मात्द़ङ।
अ़नुवाक मित्चिऩङ्ओ निम्पाङ अ़धुन राक मुमा खान्नु, मेन अ़ङ्का आम्नुओ रादा युङाङ्याङ्हिदा ओन्ङा राक मुमा अ़नुवाक अ़लिनिन।
खोन्कि हाङ्पा दिसाआ अ़चुऩङानु, मो चिन्मान्चिन लामानिन।
अ़ङ्का तोक्मादोत्ओदाङ्का च़लोक्ङा तोक्तुङ्युङ्सुङ। इपाफ्रोदितस्लाम्पा त़छोक्निओ आम्नुओ छुक्तुप्मा अ़ङ्का तोक्तुङ्युङ्सुङ। मो निनाम्हाङ्ओ अ़चुऩङानुओ नाम्नुओ अ़सुङ अ़क्तात लोक्माखान्तुओ हेन्खोक्वा ओ।
देकिनालो खाक्कोसाआ निनाम्हाङ मित्तुकिना अ़त्लो मुमाय़ङ दुखा आङ्तुनालो मो चोन्मा खान्तु।
मेन अ़नुछ्या साम्योक्मिओ निम्पाङ्छाङ दुखा आङ्मादोत्नालो खानानिन देम आसिखा कातोक ओ। मोचिएदाङ्का मान्क़दानिन ना आन्नुओ मिन्माङा स़ने।
निनाम्हाङ्ओ अ़चुमित्चिऩङ ओवाकोङानालो अ़त्लो काचि मुमाकि दुखा आङ्मादाङ्का अ़नुवाक काचि मुमाकि दुखा आङ्मा देम अ़नुवाक ओ।
