18 हारुक्चिओ, झारा सायाएनान आम्नुओ हाङ्पाचिआ ऩलोन्ओ काङ्सानिन। खानानिन सोमाकातुक खोन्कि नुलोक कामुचि ओन्ङा माआङ मेन सोमामान्तुक्कादाचिआ ऩलोन्ओदाछाङ काङ्सानिन।
खा-खाक्को म़नाचि म़य़ङ, अ़ङ्का पावल, आम्नुओ बुदा खोन्कि सिम्ङान्च़ङ, मेन अ़थाया लिङाहिदा खानानिन्एदा छाक्लो लिङा! ख्रिस्तओ अ़चुसिम्मान्चिन खोन्कि अ़चुसोम्तुक्मालाम्पा अ़ङ्का खानानिन लोनाङ्नानिन।
मेन सेङ्लावाओ अ़चुसिवा सोम्तुक्मा, मिन्माचानुमा, सेवाङ्नि, हुङ्मा, सोम्तुक्मा खाङ्मुमा, नुलोक मुमायु, सोम्कुवामुमायु,
मोचिआ साङ्कोछाङ अ़देङ्सालाप्पादा सोज्जे ऩचेप्निन्ने, खोन्किना ऩखिनिन्ने मेन झारा म़नाचिएनान कासिम्नान्चिन खोन्कि कातोङ म़लिने।
मेन निनाम्मादुङ्का य़ओ खारु बुयाङा अ़च़क़ल़क खोन्कि मो तोङ्मा काऱ मु, हुङ्मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्पा मान्वाङ्कादा मु खोन्कि कोङ्क़त्वा अ़मुनिन।
