7 सोमातुक्नाङ्नानिन्ओ यावाचि ओ, आन्कान अ़क्छा निएदा सोमातुक्मुन्ने, देकिनालो सोम्तुक्मा निनाम्हाङ्एदाङ्का ता। खोन्कि झारा साङ खासोमातुक, खो निनाम्हाङ्एदाङ्का लिसाओ, खोन्कि मोसाआ निनाम्हाङ सिन्तु।
अ़क्तात अ़ऩङ्वा लोमाय़ङ अ़ङ्का खानानिन प़नानिन: खानानिन अ़क्छा निएदा सोमातुक्कातुक मुवानिन। खानानिन अ़ङ्का देत्नि सोमातुक्नानिन, खानानिन्आछाङ अ़क्छा निएदा मोवात्निङा सोमातुक्कातुक मुवानिन।
खानानिन अ़क्छा ओन्ङा ओ अ़नुछ्याओ निनाम्हाङ त़युङिन्येन, खोन्कि खानानिन्आ येसु ख्रिस्त त़छुत्तुम। खानानिन खोन्कि खो सिन्मालाम्पा अ़लुक्निन्ओ ह़ङ्म़ङ अ़तोक।
मेन निनाम्हाङ सोमाकातुक म़ना निनाम्हाङ्आ अ़सिन।
निनाम्हाङ्आ “कुन्चियाधेक्धेक्ओदा साम लेत्ने!”नि म़य़ङा। मो निनाम्हाङ्आङा येसु ख्रिस्तओ अ़चुङाइवादा निनाम्हाङ्ओ अ़चुसाम आन्कान सिन्मा ऱम्ने निकिना आन्साकोङ्वादा खोक्कोसोओ अ़चुसाम अ़लेइसायुङ्सा।
मेन हान ना खानानिन्आ निनाम्हाङ त़सिन्तुम्युङ्सुम, माङ्लो ब़द्धे अ़च़वाङ निनाम्हाङ्आ खानानिन ऩसिन्तिन्युङ्सिन। हान देत्नि खानानिन मान्ऱकादा खोन्कि बुयाओ अ़चुप्पो लाम्चिदा त़लासिन? दि खानानिन हान्छाङ मोचिओ अ़चुहारुक लिमा त़स़न्येन?
मेन सेङ्लावाओ अ़चुसिवा सोम्तुक्मा, मिन्माचानुमा, सेवाङ्नि, हुङ्मा, सोम्तुक्मा खाङ्मुमा, नुलोक मुमायु, सोम्कुवामुमायु,
देकिनालो निनाम्हाङ्आ आन्कान क़माओ लावा माआङ, मेन सावा, सोम्तुक्मा खोन्कि आप्पि क़म्मान्चिन्ओ लावा म़पुवायुङ्सा।
हान खानानिन अ़छ़ङ य़ङ्दा लोमाय़ङ्वा त़च़न्किना आम्नुओ मिन्मा त़सेङ्सुम्ओसा आम्नुओ साकोङ्छ़ङ कामु यावाचि सोमातुक्तानुम्च़म। अ़क्छा निएदा साकोङ्वादाङ्का राक्एनान सोम्तुक्मुवानिन।
साङ्आ अ़निछा सोमातुक्तु, मो साम्दा युङ, खोन्कि खो मोदा धुङ्माओ अ़तुक्वाङा मात्द़ङ।
ख्रिस्त साम्योक्मि म़मुयाङ निकिना खानानिन त़सिन्तुम्नालो खानानिन सिन्मादोत झारा नुलोक काच़चि निनाम्हाङ्एदाङ्का म़लिसाओ।
आन्कान खोक्कोसोओ अ़चुलोमाय़ङ्चिवा च़न्नालो अ़नुछ्याङा आन्कान खोक्को सिन्तुम्योम निकिना ओ य़ङ्दाङ्काङा आन्कान सिन्मा ऱम।
साङ्आ “खोक्को अ़ङ्का सिन्तुङ्योङ”नि य़ङ, मेन खोक्कोसोओ अ़चुलोमाय़ङ अ़लोउन्नालो मो सोज्जे ओ, खोन्किना मोएदा अ़छ़ङ मात्द़ङ।
सोमातुक्नाङ्नानिन्ओ अ़ङ्यावाचि ओ, अ़ङ्का अ़ऩङ्वा लोमाय़ङ छाप्तुङ्योङ्ओ माआङ, मेन बुयाओ लोमाय़ङ्ङा ओ, मो अ़पुङ्चिपुक्दाङ्काङा खानानिन्एदा युङाङा।
झारा निनाम्हाङ्दाङ्का म़लिसाओचिआ हेवा ऩमुनिन्युङ्निन, देकिनालो खोक्कोएदा निनाम्हाङ्ओ अ़चुच़माथाङ्मा याक, खोन्कि खो हेवा मुमायुङ्माङा अ़ऱनिन, देकिनालो खो निनाम्हाङ्एदाङ्का लिसाओ।
सोमातुक्नाङ्नानिन्ओ यावाचि ओ, ओवात्नि निनाम्हाङ्आ ओन च़लोक आन्कान सोमाम़तुक्तानालो आन्कान्छाङ अ़क्छा निएदा सोमातुक्मुमादोत।
साङ्आछाङ निनाम्हाङ देम्खाछाङ मान्खाङ्युक्तु। मेन आन्कान अ़क्छा निएदा सोमातुक्मुन्नालो निनाम्हाङ आन्कान्एदा म़युङ, खोन्कि खोक्कोसोओ अ़चुसोम्तुक्मा आन्कान्एदा ताला।
खोन्कि ओवात्नि निनाम्हाङ्आ आन्कान सोमाम़तुक्ताओ आन्कान सिन्तुम्योम, खोन्कि साकोङ्छ़ङ मुन्येन। निनाम्हाङ सोमाकातुक म़युङ्याङ, खोन्कि साङ सोमातुक्मादा युङ, मो निनाम्हाङ्एदा युङ, खोन्कि निनाम्हाङ मोएदा म़युङ।
साङ “अ़ङ्का निनाम्हाङ सोमातुक्तुङ”नि य़ङ, मेन अ़निछा अ़ऩङाछिरुनालो मो काम़प ओ, देकिनालो खोसाआ खाओ अ़निछाङा सोमामान्तुक्कादाआ मान्खाङ्युक्तुओ निनाम्हाङ सोमातुक्मा अ़ऱन।
साङ खासोमाअ़तुक्निन, मोसाआ निनाम्हाङ अ़सिन्तुन, देकिनालो निनाम्हाङ सोमाकातुक म़मुयाङ।
येसुङा ख्रिस्त म़युङ्याङ निकिना साकोङ्छ़ङ कामु झारा निनाम्हाङ्ओ अ़चुछा ओ। साङ्आ निनाम्हाङ पापा सोमातुक्तु, मोसाआ अ़चुछाछाङ सोमातुक्तु।
खोन्कि मेत्छामा, अ़ङ्का खाना अ़क्तात अ़ऩङ्वा लोमाय़ङ छाप्तुङ्योङ्ओ माआङ, मेन मो बुयादाङ्काङा आन्कान्एदा युङाङा, आन्कान अ़क्छा निएदा सोमातुक्मुमादोत।
