21 खोन्कि आन्कान खोक्कोएदाङ्का ओ लोमाय़ङ तोक्तुम्युङ्सुम, साङ्आ निनाम्हाङ सोमातुक्तु, मोसाआ अ़निछाछाङ सोमातुक्मादोत।
खानानिन्आ ओवात्नि य़ङ्माय़ङ त़एनुम्युङ्सुम, ‘खाना आम्तेन्पाङ सोमातुक्तु, खोन्कि आम्ङेङ ऩङाछिरु।’
मो मोसाओ अ़य़ङ्हुप काचिन्पा य़ङा, “खाक्कोसाआ मो म़ना सोमातुक्तु, मोङा।” येसुआ मो अ़लोवा, “खाराकि खानाछाङ मोवात्निङा चुवा।”
अ़ङ्को अ़ङ्लोमाय़ङ ओङा ओ, अ़ङ्का खानानिन देत्नि सोमातुक्नानिन, खानानिन्छाङ अ़क्छा निएदा मोवात्निङा सोमातुक्कातुक मुवानिन।
देकिनालो झारा य़ङ्हुप अ़क्तात य़ङ्आङा तालायुङ्सा, “खाना आम्तेन्पाङ आप्पिवात्निङा सोमातुक्तु।”
ख्रिस्त येसुएदा सिप्मायाम्बुन पाक्तुम्नुछाङ अ़पाक्तिमिन्नुछाङ मो अ़च़वाङ य़ङ माआङ। मेन साकोङ्छ़ङ सोमातुक्मालाम्पा खाङ्मु।
मेन साकोङ्छ़ङ कामुचिएदा सोमातुक्मुमाओ अ़तुक्वादा आन्कान्का खानानिन दित्छाङ छाप्मा अ़दोत्निन, देकिनालो अ़क्छा निएदा सोमातुक्मुमाओ निनाम्हाङ्आङा खानानिन ऩचिन्तिन्युङ्सिन।
अ़चिन्मादिमादा, खानानिन झारा साकोङ्वादा अ़क्तात लिसानिन, अ़क्छा निएदा फामुवानिन, अ़क्छा निएदा सोमातुक्कातुक मुवानिन, अ़नुवाक साकोङ्वा खोन्कि कासिम्नान्चिन मिन्माओ लिसानिन।
झारादाङ्का बुया आम्नुओ रादा अ़क्छा निएदा साकोङ्वादाङ्का सोम्तुक्मुवानिन। देकिनालो सोम्तुक्माआङा खिप्मा अ़ऱन्मिन्ओ हेवाचि दिप्तुचि।
सोमातुक्नाङ्नानिन्ओ अ़ङ्यावाचि ओ, अ़ङ्का अ़ऩङ्वा लोमाय़ङ छाप्तुङ्योङ्ओ माआङ, मेन बुयाओ लोमाय़ङ्ङा ओ, मो अ़पुङ्चिपुक्दाङ्काङा खानानिन्एदा युङाङा।
खानानिन्आ बुयादाङ्काङा त़एनुम्ओ य़ङ्खान ओङा ओ, “अ़क्छा निएदा आन्कान सोमातुक्मुमादोत।”
आन्कान सिन्तुम्योम, आन्कान स़मादाङ्का ह़ङ्म़ङ्दा सोत्तिन्युङ्सिन्चिन, देकिनालो आन्कान ख्रिस्तियान यावाचि सोमातुक्तुम्योम्च़म। साङ खासोमाअ़तुक्निन, मो स़मादा याक।
अ़चुप्पो सोमातुक्नाङ्नानिन्ओ छाचि ओ, य़ङ्सिवा खोन्कि हान्माआ ओन्ङा आन्कान सोमातुक्अ़मुन्मिन्ने, मेन काचि खोन्कि अ़छ़ङ्आ सोमातुक्मुन्ने।
खोक्कोसोओ अ़चुलोमाय़ङ ओङा ओ, खोक्कोसोओ अ़चुछा येसु ख्रिस्तओ अ़चुऩङ्दा आन्कान साकोङ्छ़ङ मुमादोत, खोन्कि खोक्कोसाआ म़लोवाओवात्नि आन्कान अ़क्छा निएदा सोमातुक्मुमादोत।
सोमातुक्नाङ्नानिन्ओ यावाचि ओ, ओवात्नि निनाम्हाङ्आ ओन च़लोक आन्कान सोमाम़तुक्तानालो आन्कान्छाङ अ़क्छा निएदा सोमातुक्मुमादोत।
