19 आन्कान सोमातुक्मुन्येन, देकिनालो बुया निनाम्हाङ्आ आन्कान सोमाम़तुक्ता।
सोमातुक्मानिओ ओङा ओ, आन्कान निनाम्हाङ सोमातुक्तुम्ओ माआङ, मेन खोक्कोसाआ आन्कान सोमाम़तुक्ता ओ, खोन्कि आन्हेवा लेत्मा निम्पाङ हेन्खोक्वा लिसि अ़चुछा अ़य़सा।
अ़ङ्का खानानिन्आ मान्छेन्त़दाङ्ऩङ, मेन अ़ङ्का खानानिन छेन्नानिन खोन्कि खानानिन खात्मा छाम्नानिन। खानानिन खारानिन खोन्कि सिवा लिसानिन, खोन्कि आम्नुओ सिवा याक्युङ्ने। खोन्किना खानानिन्आ अ़ङ्पापा अ़ङ्ऩङ्दा दि त़दोत्तुम, खोक्कोसाआ खानानिन मो ऩप़न।
निनाम्हाङ्आ हेन्खामा ओवात्नि सोमाअ़तुक्ता, खोक्कोसाआ आप्पिओ अ़क्छा ओन्ङा ओ अ़चुछा म़पुवा, खोन्कि खोक्कोएदा साकोङ्छ़ङ कामु साङ्छाङ अ़स़निन्ने, मेन मोसाआ अ़लुक्निन्ओ ह़ङ्म़ङ तोक्तुने।
खोन्ओसा अ़ङ्का खाना लोना, ओसोओ ब़द्धे अ़हेवाचि लेत्तुङ्युङ्सुङ्निओ य़ङ ओसाआ अ़ङ्का ब़द्धे सोमाअ़तुक्ताङ्निओ य़ङ्आ खाङ्मुसु। मेन साङ्को उन्नि अ़हेवा लेत्तुङ, मोसाआ उन्नि ओन्ङा अ़ङ्का सोमाअ़तुक्ङा।”
मेन सेङ्लावाओ अ़चुसिवा सोम्तुक्मा, मिन्माचानुमा, सेवाङ्नि, हुङ्मा, सोम्तुक्मा खाङ्मुमा, नुलोक मुमायु, सोम्कुवामुमायु,
साङ “अ़ङ्का निनाम्हाङ सोमातुक्तुङ”नि य़ङ, मेन अ़निछा अ़ऩङाछिरुनालो मो काम़प ओ, देकिनालो खोसाआ खाओ अ़निछाङा सोमामान्तुक्कादाआ मान्खाङ्युक्तुओ निनाम्हाङ सोमातुक्मा अ़ऱन।
