16 खोन्कि ओवात्नि निनाम्हाङ्आ आन्कान सोमाम़तुक्ताओ आन्कान सिन्तुम्योम, खोन्कि साकोङ्छ़ङ मुन्येन। निनाम्हाङ सोमाकातुक म़युङ्याङ, खोन्कि साङ सोमातुक्मादा युङ, मो निनाम्हाङ्एदा युङ, खोन्कि निनाम्हाङ मोएदा म़युङ।
खोन्कि आन्कान्का साकोङ्छ़ङ मुनियुङ्नि खोन्कि सिन्नियुङ्नि, खानानिन निनाम्हाङ्ओ त़सेङिन्येन्ओ अ़चुम़ना ओ।”
येसुआ म़लासुलोचि, “ओसाआ ना हेवा मु ना ओसोओ अ़मा खोन्कि अ़पाआङा। निनाम्हाङ्ओ अ़काचि ओ म़नाओ अ़ह़ङ्म़ङ्दा खाङ्मुने निकिना ओ दोप्म़क लिसाओ।
मेन ओवात्नि छाप्याङ, “म़नाआ देम्खाछाङ मान्खाङ्युक्तुओ, अ़नाबाक्आ मान्एन्युक्तुओ, देम्खाछाङ मान्मित्दोओ य़ङ निनाम्हाङ्आ खोक्को सोमाकातुक्चिओ निम्पाङ म़चुम्सुप़युङ्सुचि।”
खानुम, निनाम्हाङ पापाआ आन्कान देम ब़द्धे सोमाम़तुक्तायुङ्सा! खोन्ओसा आन्कान निनाम्हाङ्ओ अ़चुछाचिनि लोमादोत, खोन्कि अ़नुछ्याछाङ ओ। हेन्खामादाओ म़नाचिआ आन्कान मान्सिन्दामाङा मोचिआ निनाम्हाङ मान्सिन्दामा ओ।
ओदाङ्काङा सोम्तुक्मा दि ओ निकिना आन्कान सिन्तुम, देकिनालो ख्रिस्तआ आन्को निकिना अ़चुह़ङ्म़ङ म़पुवा। खोन्ओसा आन्कान्छाङ ख्रिस्तियान आन्यावाचिओ निम्पाङ आन्ह़ङ्म़ङ प़मादोत।
झारा निनाम्हाङ्ओ अ़चुलोमाय़ङ्चि काकाङ निनाम्हाङ्एदा म़युङ, खोन्कि मोचिएदा निनाम्हाङ म़याक। खोक्कोसाआ आन्कान म़पुवाओ सेङ्लावालाम्पाङा निनाम्हाङ आन्कान्एदा म़युङ्याङ्ओ य़ङ आन्कान सिन्तुम्योम।
सोमातुक्नाङ्नानिन्ओ यावाचि ओ, आन्कान अ़क्छा निएदा सोमातुक्मुन्ने, देकिनालो सोम्तुक्मा निनाम्हाङ्एदाङ्का ता। खोन्कि झारा साङ खासोमातुक, खो निनाम्हाङ्एदाङ्का लिसाओ, खोन्कि मोसाआ निनाम्हाङ सिन्तु।