१ युहन्‍ना 3:8 - बान्‍तावा राई

⁸ साङ हेवा मु, खो सैतानादाङ्‌का ओ, देकिनालो सैतानाआ ना अ़पुङ्‌चिपुक्‌दाङ्‌काङा हेवा मुवायुङ्‌सा। निनाम्‍हाङ्‌ओ अ़चुछा खाङ्‌मुमान्‍चिन्‌ओ अ़तुक्‌वा ना सैतानाओ अ़काचिचि लुक्‍मा दोराङाओ।

१ युहन्‍ना 3:8 交叉參考

मत्‍ति 12:28

मेन मोवात्‍नि अ़ङ्‌का निनाम्‍हाङ्‌ओ अ़चुलावालाम्‍पा चाकावालावाचि लोइसुङ्‌योङ्‌च़ङ्‌नालो निनाम्‍हाङ्‌ओ अ़चुहाङ्‌होन खानानिन्‌एदा ताचिआयुङ्‌सा।

मत्‍ति 13:38

व़क हेन्‍खामा ओ, खोन्‍कि अ़नुवाक बिउ निनाम्‍हाङ्‌होन्‌दाओ अ़चुछाचि ओ, खोन्‍कि सामा सैतानाओ अ़छाचि ओ।

मत्‍ति 4:3

खोन्‍कि काधान्‌आ खोक्‍कोएदा ताकिना लो, “खानानिन निनाम्‍हाङ्‌ओ अ़चुछाङा त़युङिन्‌येन्‌नालो ओ लुङ्‌चि पेम्‍पाक म़लिनेनि लोवानुम्‍च़म।”

मर्कुस 1:24

“नासरत्‌ओ येसु, खानानिन्‌आ आन्‍कान्‍का दे मुमा त़लाप्‍निङ्‌निओ? दि खानानिन आन्‍कान्‍का लुक्‍सि त़तान्‌ओ? खानानिन साङ ओ, अ़ङ्‌का सिन्‍नाङ्‌नानिन, खानानिन निनाम्‍हाङ्‌आ ऩछुत्‍तिन्‌ओ अ़चुसेङ्‌ताङ्‌पा ओ।”

लुका 10:18

खोसाआ मोचि म़लोचि, “सैताना निनाम्‍मादुङ्‌का नाम्‍चिम्‍पिलेक्‌वात्‍नि धाङाओ अ़ङ्‌का खाङ।

युहन्‍ना 12:31

हान ओ हेन्‍खामाओ अ़छ़ङ छेन। ओ हेन्‍खामादा हाङ काचि कामु सैताना बुङ्‌खाया लोन्‍खान।

युहन्‍ना 16:11

छ़ङ्‌छेन्‍माओ अ़तुक्‌वादा निनाम्‍हाङ्‌आ ओ हेन्‍खामादाओ हाङ्‌कामु बुयाङा छ़ङ्‌अ़छेन्‍तायुङ्‌सा। ओ काचि यायोक काप़आ खाङ्‌म़मेत्‍तुचि।

युहन्‍ना 8:44

खानानिन आम्‍नुओ पापा सैतानाओ अ़छाचि ओ, खोन्‍कि आम्‍नुओ पापाओ अ़चुमिन्‍माचि तामालामानि खानानिन त़मिनिन। मो ना बुयादाङ्‌काङा कासेत्‍पा ओ, खोन्‍कि अ़छ़ङ्‌लिप्‍पा देम्‍खाछाङ अ़वाङ्‌निन, देकिनालो मोएदा अ़छ़ङ मात्‍द़ङ। मो सोज्‍जे चेप्‌हिदा मो अ़मिन्‍मालाम्‍पा चेप, देकिनालो मो सोज्‍जेओ खोन्‍कि झारा सोज्‍जेओसोओ अ़पा ओ।

रोमि 16:20

सेवाङ्‌नि काप़ निनाम्‍हाङ्‌आ च़क्‍निङा सैताना आम्‍नुओ लाङ्‌थेम भेन्‌यु अ़नेप। आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन्‌एदा याक्‍ने।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

कलस्‍सि 2:15

निनाम्‍हाङ्‌आ हाङ्‌काचि कामु अ़अ़त्‍पा लावा खोन्‍कि पाङ्‌कातोक अ़अ़त्‍पा लावाचि अ़चुसावा मात्‍द़ङ्‌ओ म़मुचिकि क्रुस्‌दा म़छोसाकि झारासोओ अ़चुबुदा लेजो म़मेत्‍तुचि।

१ तिमोथि 3:16

आन्‍कान काङ्‌सिन, आन्‍साकोङ्‌छ़ङ्‌ओ अ़तुप्‍माय़ङ अ़न्‍नुनु तोक्‍पो मुयाङ: खोक्‍को पोक्‌दा खाङ्‌म़मुसान्‍चिन, सेङ्‌लावालाम्‍पा खोक्‍को साम्‌योक्‍मि अ़काइसा। निनाम्‍हाङ काफाचिआ खोक्‍को अ़खा, खोक्‍कोसोओ अ़चुतुक्‌वादा रावा-रावाचिओ अ़चुरादा खालुसा। खोक्‍को झारा हेन्‍खामादाओ म़नाचिआ साकोङ्‌छ़ङ अ़मुवा, खोन्‍कि खोक्‍को साम्‌दा निनाम्‍मादु अ़थेन्‍ताखात्‍ता।

हिब्रु 2:14

मो छाचिएदा सा खोन्‍कि ह़ओ पोक याक्‌याङ्‌ओसा, येसुछाङ सा खोन्‍कि ह़ओ पोक म़लिसा। मोवात्‍नि खोक्‍कोसोओ अ़चुस़मालाम्‍पा स़मा सावाकातोक मो सैताना खोक्‍कोसाआ लुक्‍मा अ़ऱने।

हिब्रु 9:26

माङ्‌नालोना हेन्‍खामाओ अ़पुङ्‌चिपुक्‌दाङ्‌काङा खोक्‍कोसाआ अ़दु-अ़दु अ़चाअ़त्‍मा आङ्‌मादोराओ। मेन ओ जुगाओ अ़देङ्‌दा खोक्‍कोसोओङा अ़चुहेन्‍खोक्‌वालाम्‍पा हेवा चुम्‍खाइसि खोक्‍को अ़धुन्‌ओ निम्‍पाङ अ़क्‍धुवा खाङ्‌म़मुसान्‌युङ्‌सान्‍चिन।

२ पत्रुस 2:4

निनाम्‍हाङ काफाचि हेवा म़मुवाहिदा निनाम्‍हाङ्‌आ मोचि मान्‍लेत्‍म़दोचि, मेन मोचि सित्‍म़ङ्‌चि दुखा तोक्‍खायु म़वेइसुदिसुचि, खोन्‍कि छ़ङ्‌छेन्‍माओ लेन्‌तारिओ निम्‍पाङ हेन्‍खामा भेन्‌युओ कुन्‍चियाधेक्‍धेक्‌ओहुत्‌दा म़छ़सुयुङ्‌सुचि।

१ युहन्‍ना 1:2

अ़नुछ्‍याङा मो ह़ङ्‌म़ङ खाङ्‌म़मुसान्‍चिन, खोन्‍कि आन्‍कान्‍का मो खाम्‍काकि सालुम्‍स़ङ प़म्‍का, खोन्‍किना खानानिन अ़लुक्‍निन्‌ओ ह़ङ्‌म़ङ आन्‍कान्‍का खाएत्‍नि, मो निनाम्‍हाङ पापाएदा याआङा खोन्‍कि आन्‍कान्‍का खाङ्‌ऩमेत्‍तिन्‌युङ्‌सिन्‍का।

१ युहन्‍ना 3:10

निनाम्‍हाङ्‌ओ अ़चुछाचि साङ्‌चि ओ, खोन्‍कि सैतानाओ अ़छाचि साङ्‌चि ओ, ओदाङ्‌काङा आन्‍कान सिन्‍तुम, साङ नुलोक काचि अ़मुनिन माङ्‌लो साङ्‌आ खोसोओ ख्रिस्‍तियान अ़यावाचि सोमाअ़तुक्‍तुन्‍चिन।

१ युहन्‍ना 3:5

आन्‍हेवा लेत्‍सि ख्रिस्‍त म़ताओ य़ङ खानानिन त़सिन्‍तुम्‌योम, खोन्‍कि खोक्‍कोएदा हेवा मात्‍द़ङ।

१ युहन्‍ना 5:19

आन्‍कान सिन्‍तुम्‌योम आन्‍कान निनाम्‍हाङ्‌ओ अ़चुछाचि ओ, खोन्‍कि झारा हेन्‍खामा सैतानाओ अ़क़म्‍मादा याक्‌याङ।

यहुदा 1:6

खोन्‍कि निनाम्‍हाङ काफाचि अ़चुपाङ्‌ओ छान्‌वा मान्‍च़चि, मेन खान्‍तुचिओ अ़चुयुङ्‌खा काछित्‌चि खोक्‍कोसाआ मो तोक्‍पो छ़ङ्‌छेन्‍माओ लेन्‌तारिओ निम्‍पाङ अ़धुन्‌तारि चोक्‍माय़आ कुन्‍चियाधेक्‍धेक्‌ओहुत्‌दा म़छ़सुयुङ्‌सुचि।

खाङ्‌मुमा 20:10

मोचि काधान मो सैताना लेराङाओ गन्‍दक्‌ओ मिराक्‌दा वेइसादिसा, मोदा मो साक्‍स़ङ खोन्‍कि सोज्‍जेओ निनाम्‍हाङ्‌य़ङ खाकालुछाङ याआङा। मोदा मोचिआ अ़खोलेन अ़खाखुत अ़धुन्‌ङा दुखा अ़आङ्‌युङ।

खाङ्‌मुमा 20:15

साङ्‌कोओ अ़ऩङ ह़ङ्‌म़ङ्‌ओ छाप्‍लाखादा मान्‍छाप्‌याङ, मो लेराङाओ मिराक्‌दा वेइसादिसा।