1 सोमातुक्नाङ्नानिन्ओ अ़ङ्छाचि ओ, खानानिन हेवा मान्मुदानिन निकिना अ़ङ्का ओ य़ङ छाप्तुङ्योङ। मेन साङ हेवा मुनुछाङ निनाम्हाङ पापाएदा आन्लिप्पादा काचेप अ़क्छा साम्योक्मि येसु ख्रिस्त म़युङ्याङ।
अ़ङ्पापाआ झारा सामाचिएदा पाङ्मुमा सावा अ़ङ्का ऩपुवाङ्युङ्साङ। निनाम्हाङ्ओ अ़चुछा साङ निकि अ़ङ्पापाएदाङ्का साङ्आछाङ अ़सिन्तुन। अ़ङ्पापा साङ निकिना अ़ङ्काएदाङ्का साङ्आछाङ अ़सिन्तुन। खोन्कि अ़ङ्का साङ्एदा खाङ मुमानि मिन्ङा, मोएदाङ्का नि साङ्आछाङ अ़ङ्पापा साङ निकिना अ़सिन्तुन।”
देत्नि अ़ङ्पापाआ अ़ङ्का ऩसिन्ङा, मोवात्निङा अ़ङ्का अ़ङ्पापा सिन्तुङ। अ़ङ्का अ़ङ्भेराचिओ निम्पाङ अ़ङ्ह़ङ्म़ङ प़ङ्च़ङ।
अ़चुप्पो छाचिओ, अ़क्ग़रि अ़ङ्का खानानिन्एनान युङ्ङा! खानानिन्आ अ़ङ्का त़लाम्ङाऩङ, खोन्कि देत्नि अ़ङ्का यहुदि बुसुवाचि लोङ्च़ङ, हान खानानिन्छाङ अ़ङ्का लोनानिन, ‘खादा अ़ङ्का खात्ङाङा, खानानिन तामा त़ऱन्मिन।’
खोन्कि अ़ङ्का अ़ङ्पापा लोङ, खोन्कि खोक्कोसाआ आम्नुओ निम्पाङ नि यायोक काप़ ऩप़न, खोन्कि खोक्को खानानिन्एदा अ़धुन म़युङ।
येसुआ अ़लासालोवा, “लाम, अ़छ़ङ खोन्कि ह़ङ्म़ङ अ़ङ्काङा ओ। अ़ङ्काएदाङ्का नि साङ्लाम्पाछाङ अ़ङ्पापाएदु खात्मा अ़ऱनिन।
येसुआ मोचि म़लोचि, “छाचि ओ, खानानिन्एदा देम ङाचि म़युङ्याङ?” मोचिआ खोक्को अ़लासालोवा, “मात्द़ङ।”
खोन्किना येसुआ निनाम्हाङ ब़क्खाखिम्दा मो अ़धिराकि अ़लोवा, “खाखो, खाना त़नुवायुङ्सा। हान्दाङ्का हेवा मान्मुदा, खोन्कि खानाएदा च़लोक अ़अ़त्पा अ़तानिन्ने।”
देकिनालो अ़ङ्काएदा खाक्को सालुम्स़ङ युङ्याङ, मो युहन्नाओदाङ्का तोक्पो मुयाङ। खाक्को काचिचि तालासि अ़ङ्पापाआ अ़ङ्का ऩपुवाङ्युङ्साङ, मो काचि अ़ङ्का मुङ्योङ, खोन्कि अ़ङ्पापाआ अ़ङ्का ऩछुत्ताङ्ओ निकिना मोचिआङा अ़ङ्तुक्वादा सालुम्स़ङ अ़प़याङ।
लुक्खात्ओ चामायुओ निम्पाङ काचि मान्मुदानिन, मेन अ़लुक्निन्ओ ह़ङ्म़ङ काप़ चामायुओ निम्पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्हाङ्आ म़नाओ अ़चुछाएदा अ़चुओ सेप्मा पाङ अ़पुवायुङ्सा।”
मो मेत्छामा य़ङा, “हाङ्पो, साङ्आछाङ मान्प़ऩदाङ।” येसुआ अ़लोवा, “अ़ङ्काछाङ खाना दन्दा अ़प़नान। खारा, खोन्कि हेवा मान्लामुदा।”]
आम्नुओ सुन्तुम्चिआ दुखा मान्प़म़दोचिओ निनाम्हाङ्य़ङ खाकालुचि साङ्छाङ मात्द़ङ्चि। आम्नुओ सुन्तुम्चिआ साम्योक्मि म़ना मसिह म़ताङाओ अ़तुक्वादा निनाम्हाङ्य़ङ खाकालुचि झारा म़सेरुचि। आइमित खानानिन खोक्को मसिह साकोङ्छ़ङ्दा त़धान्तुम, खोन्कि त़सेरुम।
आन्कान निनाम्हाङ्ओ अ़चुङेङ्चि मुन्येन्नुछाङ मेन खोक्कोसाआ अ़चुछाओ अ़चुस़मालाम्पा आन्कान खोक्कोसोओ अ़चुयावाचि म़मुवा। हान आन्कान निनाम्हाङ्ओ अ़चुयावाचि लिसिन्युङ्सिन्नालो अ़नुछ्याङा खोक्कोसोओ अ़चुछाओ अ़चुह़ङ्म़ङ्लाम्पा आन्कान म़ह़ङ।
हान दि म़ल़क? दि आन्कान य़ङ्हुप्ओ अ़क़म्मादा अ़याइमिन्येन, मेन सोम्तुक्माओ अ़क़म्मादा आन्कान याइन्येन्ओसा हेवा मुमा म़ल़क? देम्खाछाङ माआङ।
निनाम्हाङ्ओ अ़चुम़नाचि हेवामिचिओ निकिना लाहिपाक्मा काऱ साङ ओ? साङ्छाङ मात्द़ङ, देकिनालो ख्रिस्त आन्को निम्पाङ म़सुवा, मोदाङ्का च़लोक, खो म़सुवादाओदाङ्का अ़ह़ङ म़लिसा खोन्कि निनाम्हाङ्ओ अ़चुचुप्ताङ्छुक्लिप्पा म़युङ्याङ खोन्कि आन्को निम्पाङ याम़मात्याङ।
नुलोक आम्नुओ खारुच़ङ्तानुम, खोन्कि हेवा मुमा छिरानुम। खानानिन्एदा देम्कापाङ्आ ना निनाम्हाङ्ङा मान्सिन्त़युक्तुम्ओसा खानानिन लेजो मेत्मा निम्पाङ अ़ङ्का ओवात्नि य़ङाङ्ओ।
खोन्ओसा आन्कान खोक्कोएदा निनाम्हाङ्आ अ़नुवाक कान्मा म़ऱने निम्पाङ हेवाङा मान्मुकादा ख्रिस्त निनाम्हाङ्आ आन्को निम्पाङ हेवाओ हेन्खोक्वा अ़मुवा।
सोमातुक्निङ्निओ अ़ङ्छाचि ओ, ख्रिस्तओ अ़चुच़माथाङ्मा खानानिन्एदा मान्पोन्युक्तारि हान्छाङ छातोक्मा सारिमाआ लाउओ अ़क्छा मेत्छामावात्नि अ़ङ्का दुखा तोक्ङा।
देकिनालो ख्रिस्तलाम्पाङा आन्कान झारा यहुदि खोन्कि निरावा अ़क्तात सेङ्लावालाम्पा आन्निनाम्हाङ पापाएदा तामालामा ऱन।
माइसुङ त़मुन्नुछाङ, हेवा मान्मुदानिन। नाम लुन्मा बुयाङा आम्नुओ माइसुङ सेम्ने,
देकिनालो निनाम्हाङ अ़क्छा ओन्ङा म़युङ्याङ, निनाम्हाङ खोन्कि म़नाचिओ अ़चुरादा कातुम अ़क्छा ओन्ङा म़युङ्याङ, म़ना ख्रिस्त येसु।
अ़ङ्का च़क्नि खानाएदा बान्माकि तुप्मानि मिन्ङाङा, खोन्नुछाङ अ़ङ्का ओ खाना छाप्नाङ्ना।
ख्रिस्त म़नाओ अ़छुक्आ मुमाय़ङ सेङ्याङ्ओदा मान्वाङ्चि। मो अ़नुछ्या निनाम्मादुओ अ़मात्ऩङ ओन्ङा ओ। मेन खोक्को निनाम्मादुङा म़वाङा, खोन्कि खोक्को आन्लिप्पादा निनाम्हाङ्ओ अ़चुबुदा म़खारायुङ्सा।
आन्निनाम्हाङ पापाओ अ़चुबुदा सेङ्याङ्ओ खोन्कि मान्पोप्ओ साम्योक ओङा ओ: अ़चाअ़त्मादा म़छुक्ताओ हेत्छाकुवाचि खोन्कि मेन्मित्माचि खाङ्माचि खोन्कि हेन्खामादाओ अ़अ़त्पा य़ङ्चिदाङ्का मान्पोप्दामान्चिन ओ।
ओ लेम्आ आन्कान हाङ्पा खोन्कि निनाम्हाङ पापा चोन्तुम्योम, खोन्कि ओ लेम्आङा आन्कान निनाम्हाङ्ओ अ़चुकात्मादा म़मुयुचिओ म़नाचि माङ्हिम्सुम्च़म।
“खोक्को ना हेवाङा म़मुवा, ना खोक्कोसोओ अ़चुदोदाङ्का म़प्मा य़ङ्ङा लोन्ता।”
देकिनालो ख्रिस्त्छाङ आन्कान निनाम्हाङ्एदा तात्मा निम्पाङ साम्योक्मि म़ना मान्साम्योक्मिचिओ निकि खोक्को अ़धुन्ओ निम्पाङ हेवामिचिओ अ़चुफान्दा अ़क्दु म़सुवा। खोक्को पोक्दा म़सुवा, मेन लावादा म़खोन्तालोन्ता।
अ़चुप्पो सोमातुक्नाङ्नानिन्ओ छाचि ओ, य़ङ्सिवा खोन्कि हान्माआ ओन्ङा आन्कान सोमातुक्अ़मुन्मिन्ने, मेन काचि खोन्कि अ़छ़ङ्आ सोमातुक्मुन्ने।
आन्हेवा लेत्सि ख्रिस्त म़ताओ य़ङ खानानिन त़सिन्तुम्योम, खोन्कि खोक्कोएदा हेवा मात्द़ङ।
सोमातुक्नाङ्नानिन्ओ अ़चुप्पो छाचि ओ, खाक्कोछाङ म़नाआ खानानिन ऩधान्तिमिन्ने! साङ अ़नुवाक काचि मु, मोङा साम्योक्मि ओ, येसु साम्योक्मि म़मुयाङ।
सोमातुक्नाङ्नानिन्ओ छाचि ओ, खानानिन निनाम्हाङ्दाङ्का ओ, खोन्कि सोज्जेओ निनाम्हाङ्य़ङ खाकालुचिएदा त़छोसिन्युङ्सिन। देकिनालो खानानिन्एदा कायुङ सेङ्लावा हेन्खामादाओ लावादाङ्का तोक्पो म़मुयाङ।
झारा अ़अ़त्पा काचि हेवा ओ। मेन मो झारा हेवाआ स़मादा अ़खात्तुन्चिन।
अ़चुप्पो छाचि ओ, सेम्पोक्चिदाङ्का खानानिन अ़थाया युङानिन।
अ़ङ्छाचि अ़छ़ङ्दा म़कोन्याङ्निओ य़ङ एन्माओन्तेका तोक्पो अ़ऩङानुमा अ़ङ्को निकि दित्छाङ मात्द़ङ?
