१ युहन्‍ना 1:7 - बान्‍तावा राई

⁷ मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

१ युहन्‍ना 1:7 交叉參考

मत्‍ति 6:12

खोन्‍कि आन्‍काओ हेवाचि लेत्‍निप़नि, देत्‍नि आन्‍कान्‍काछाङ आन्‍काओ देङ्‌सालाप्‍पादा हेवा कामुचि लेत्‍तुम्‍च़म्‍का।

युहन्‍ना 1:29

अ़माङ्‌कोलेन युहन्‍नाआ येसु म़बानाङाओ खाकि य़ङा, “खानुम, हेन्‍खामादाओ हेवा काखुन्‍खात निनाम्‍हाङ्‌ओ अ़चुथुबाछा!

युहन्‍ना 12:35

येसुआ मोचि म़लासुलोचि, “हान्‍छाङ अ़क्‍चित्‌तारि साम खानानिन्‌एदा युङ। साम खानानिन्‌एदा युङ्‌याङ्‌तारि कोलानिन, खोन्‌ओसा कुइयामाआ खानानिन त़भुक्‍तिमिन्‍ने। साङ कुइयामादा कोन, मोसाआ खो खादात्‍नि खात्‌ओ अ़सिन्‍तुन।

युहन्‍ना 5:4

देकिनालो निनाम्‍हाङ पापाओ अ़क्‍छा अ़चुकाफाआ अ़दु-अ़दु वाताम्‍खादा धाकि चाक्‌वा लोङ्‌सुप़ङुचि। लोङ्‌साङाओ ग़रि झारादाङ्‌का बुया वाताम्‍खादा कावाङ, दियाको सारिमाआ लाउओ नुछाङ मो नुवालावाङा।]

रोमि 13:12

अ़खाखुत खाराचिआ खोन्‍कि लेन च़क्‌दा ताचिआ। खोन्‌ओसा कुन्‌यामादाओ काचिचि छिरुम्‍च़म्‌कि आन्‍कान साम्‌ओ अ़बान्‍छुबिछु लोउम्‍ने।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

एफिसि 1:7

निनाम्‍हाङ्‌ओ अ़न्‍नुनु अ़चुसोम्‍तुक्‍माआ ख्रिस्‍तओ अ़चुहेन्‍खोक्‌वालाम्‍पा खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

एफिसि 5:8

देकिनालो अ़क्‍दु खानानिन कुइयामादा त़युङिन्‌येन्‌ओ, मेन हान हाङ्‌पाएदा खानानिन त़उसिन्‌युङ्‌सिन। खोन्‌ओसा साम्‌ओ अ़छाचिवात्‍नि कोलानिन।

१ तिमोथि 6:16

खोक्‍को ओन्‍ङा अ़धुन काह़ङ्‌युङ म़युङ्‌याङ, खोन्‍कि खोक्‍को साम्‌दा म़याक, खोक्‍कोसोओ अ़चुसाम्‌दा साङ्‌छाङ खात्‍मा अ़ऱन्‍मिन। खोक्‍को साङ्‌आछाङ देम्‍खाछाङ मान्‍खाङ्‌युक्‍तु माङ्‌लो साङ्‌आछाङ खोक्‍को खाङ्‌मा अ़ऱन। खोक्‍कोसोओ अ़चुसाऩङ्‌वा लिने खोन्‍कि खोक्‍को अ़धुन सावापोरिओ म़मुने! मोवात्‍निङा लिने।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

याकुब 1:17

झारा अ़नुवाक प़मायु खोन्‍कि अ़छ़ङ आसिखा निनाम्‍मादुङ्‌काओ, मो आसिखा निनाम्‍मादुओ साम कामुन्‍पा निनाम्‍हाङ्‌आ म़प़। खोक्‍को सोत्‍नान्‍लुक्‍नान्‍चिन्‌ओ लावाछामित्‌वात्‍नि अ़फान्‍नान्‍चिमिन।

१ पत्रुस 1:19

मेन खेन मान्‌वान्‍माय़ङ खोन्‍कि थुपि मात्‍द़ङ्‌ओ अ़क्‌तात थुबाछावाको ख्रिस्‍तओ छ़ओ अ़चुह़आ खानानिन ऩफोङ्‌सिन्‌ओ।

१ युहन्‍ना 1:3

मो आन्‍कान्‍का खाम्‍काओ खोन्‍कि एनुम्‌युङ्‌सुम्‍काओ, आन्‍कान्‍का खानानिन्‌छाङ खाएत्‍निङ्‌नि, खोवात्‍निओसा आन्‍कान्‍काएनान आम्‍नुओ यावायोक लिने। खोन्‍कि आन्‌यावायोक निनाम्‍हाङ पापा खोन्‍कि खोक्‍कोसोओ अ़चुछा येसु ख्रिस्‍तएनान ओ।

१ युहन्‍ना 1:5

आन्‍कान्‍का निनाम्‍हाङ्‌ओ अ़चुछाएदाङ्‌का एनुम्‍काओ य़ङ्‌खान ओङा ओ, खोन्‍कि आन्‍कान्‍का खानानिन खाएत्‍निङ्‌नि, मेन निनाम्‍हाङ साम म़युङ्‌याङ खोन्‍कि खोक्‍कोएदा कुन्‌यामा मात्‍माइमात्‍द़ङ।

१ युहन्‍ना 5:6

मो खोक्‍कोङा ओ, येसु ख्रिस्‍त चाक्‌वा खोन्‍कि ह़लाम्‍पा म़ता। खोक्‍को चाक्‌वादा ओन्‍ङा माआङ, मेन चाक्‌वा खोन्‍कि ह़लाम्‍पा म़ता।

१ युहन्‍ना 5:8

देकिनालो सालुम्‍स़ङ काप़चि सुम्‌कातात म़युङ्‌याङ: सेङ्‌लावा, चाक्‌वा खोन्‍कि ह़, खोन्‍कि सुम्‌कातात्‍माङ अ़क्‌तात्‌ङा म़मुयाङ।

२ युहन्‍ना 1:4

आम्‍छाचिएदा खा-खाक्‍कोचि निनाम्‍हाङ पापालाम्‍पा आन्‍कान म़लोवाओवा अ़छ़ङ्‌दा म़कोलाङाओ धिरुङ्‌च़ङ्‌कि अ़न्‍नुनु अ़ङ्‌ऩङानुवा।

३ युहन्‍ना 1:4

अ़ङ्‌छाचि अ़छ़ङ्‌दा म़कोन्‌याङ्‌निओ य़ङ एन्‍माओन्‍तेका तोक्‍पो अ़ऩङानुमा अ़ङ्‌को निकि दित्‍छाङ मात्‍द़ङ?

खाङ्‌मुमा 1:5

ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।

खाङ्‌मुमा 12:11

ब़ब़, नाना खोन्‍कि निछाचिआ थुबाछाओ अ़चुह़ खोन्‍कि अ़चुओ सालुम्‍स़ङ य़ङ्‌ओ अ़तुक्‌वाआ मोएदा म़छोसायुङ्‌सा। मोचिआ अ़चुस़मातारिछाङ अ़चुह़ङ्‌म़ङ सोमामान्‍तुक्‌अ़दा।

खाङ्‌मुमा 7:14

खोन्‍कि अ़ङ्‌का मो लासुङ्‌लोङ, “उवा, खानानिन्‌ङा त़सिन्‍तिन।” खोन्‍कि खोसाआ अ़ङ्‌का अ़लोवाङ, “ओचि तोक्‍पो ल़क्‍माचिदा निनाम्‍हाङ्‌एदा सोम्‍कुवा कामु म़लिसाओ म़नाचि ओ। मोचिआ अ़चुतित्‌चि थुबाछाओ अ़चुह़दा वाअ़सुवाकि ओम्‍पुवाचिचिओ अ़मुवायुङ्‌सा।