1 अ़पुङ्चिपुक्दाङ्का युङाङाओ, मो आन्कान्का एनुम्काओ, आन्काओ म़क्आङा आन्कान्का खाम्का ओ, खोन्कि आन्काओ छुक्आ नोप्तुम्काओ, मोक्को ह़ङ्म़ङ य़ङ्ओ अ़तुक्वादा आन्कान्का छाप्तुम्योम्का।
अ़पुङ्मादाङ्काङा आप्पिओ अ़चुम़क्आ काखाङ म़नाचि खोन्कि निनाम्हाङ्ओ अ़चुय़ङ खाकाएत्चिआ आन्कान्का खाऩएत्तिन्काओ य़ङ्चि खोचिआ म़छाप्तुयुङ्सुचि।
अ़ङ्छुक, अ़ङ्लाङ्चि खानुम्च़म, अ़ङ्काङा ओ! अ़ङ्का नोप्ताङ्खाङ्ऩङ। स़लावाओ अ़सा, अ़य़वा अ़याक्निन, मेन खानानिन त़खाम्योम, अ़ङ्को ना म़याक्याङ।”
खानानिन ओछाङ साकोङ्छ़ङ मुमा रुवानिन निकिना ओ काखाङ्आ सालुम्स़ङ प़ओ, खोन्कि खोसोओ अ़सालुम्स़ङ अ़नुछ्या ओ, खोन्कि खोसाआ आप्पि अ़छ़ङ खालुसुङ्योङ निकिना सिन्तुङु।
खोन्किना खोक्कोसाआ थोमा अ़लोवा, “आम्छुक कुसिप ओदा पाउ, खोन्कि अ़ङ्छुक्चि खाचि। आम्छुक बात्तुकि अ़ङ्हेबेक्दा पाउ। मान्केङ मान्मुदा, मेन साकोङ्छ़ङ मुवा।”
देत्नि पापा आप्पिएदा ह़ङ्म़ङ प़मा सावा याक्याङ, मोवात्निङा खोक्कोसाआ अ़चुछाछाङ अ़धुन्ओ ह़ङ्म़ङ प़माओ सावा अ़पुवायुङ्सा।
येसुआ मोचि म़लासुलोचि, “अ़नुछ्या अ़ङ्का खानानिन लोनानिन, अब्राहाम लिमा बुयाङा अ़ङ्का युङाङ्याङ।”
येसु क्रुस्दा म़सुवा खोन्कि खोक्को म़खोन्तालोन्ताकि चालिस्कालेन्तारि छाम्माय़ङ्चिएदा ब़द्धेकादु खाङ्म़मुसान्चिन। मोन्ग़रि खोक्को खोचिएनान निनाम्हाङ्ओ अ़चुहाङ्होन्ओ अ़तुक्वादा म़चेवा। खोक्कोसाआ मो म़नाचिएनान हान्छाङ ह़ङ्ङाङा निकिना ब़द्धे अ़नुछ्याओ सालुम्स़ङ्चि खाङ्अ़मुसा।
देकिनालो येसुआ अ़मुवाओ काचि आन्काच्या खाचुवाओ खोन्कि एनाचुवाओ य़ङ म़नाचि खामान्एत्माङ आन्काच्या युङ्माङा अ़ऱचिन्का।”
हान आन्कान ओन तोक्पो लेन्मा ऩङाछिरुम्नालो आन्कान देत्नि निनाम्हाङ्ओ अ़चुदन्दादाङ्का फुङ्मा ऱन? अ़ऱन्मिन! देकिनालो ओ लेन्मा बुयाओदु हाङ्पाआङा खाअ़लुसा ओ, खोन्कि खोक्कोसोओ अ़चुय़ङ काएन म़नाचि आन्कान अ़छ़ङ सालुम्स़ङ म़पुवा।
निनाम्हाङ पापाआ अ़चुओ छा हेन्खामादाओ म़नाचि लेइसि अ़य़साओ आन्कान्का खाम्का खोन्कि अ़चुसालुम्स़ङ प़म्योम्च़म्का।
खोन्कि सालुम्स़ङ काप़ ना सेङ्लावाङा म़युङ्याङ, देकिनालो सेङ्लावा अ़छ़ङ म़मुयाङ।
मो य़ङ्आ लो, “खाना दि त़खा, मो अ़क्तात छाप्लाखा भोङ्दा छाप्तु, खोन्किना ओ सात्कातात्माङ साम्भुङ्चि छोक्तुचि: एफिसस, स्मुर्ना, पर्गामम, थिआतिरा, सार्दिस, फिलादेल्फिया खोन्कि लाउदिकिया।”
“अ़पुङ्चिपुक खोन्कि अ़लुक्मा अ़ङ्काङा ओ” नि झारा सावाकातोक हाङ्पा निनाम्हाङ म़य़ङ्याङ। खोक्को म़युङ्याङ, खोक्को म़युङाङा खोन्कि खोक्को म़तायाङ।
खोक्को ह़आ वाहोवाओ तित हुम्साङा। खोक्को ‘निनाम्हाङ्ओ अ़चुय़ङ’निकिना सिन्ताङा।
स्मुर्नादाओ साम्भुङ्ओ निनाम्हाङ काफा खाना ओ य़ङ छाप्तु। साङ सुवादा खोन्कि लासाह़ङा, ओ य़ङ्खान खोक्कोसोओ ओ, खोक्को अ़पुङ्चिपुक खोन्कि अ़लुक्मा म़युङ्याङ।
