2 साङ अ़ङ्का सिन्ङाङानि मिन्नालो खोसाआ दि सिन्मादोराङा ओ, मो य़ङ दित्छाङ मान्सिन्युक्तु।
ओन्ग़रि आन्कान दर्पनादावा थेम्बुवारिरि खाम, मेन मोन्ग़रि छेङ्छेङ्छेङ्वा खाङ्मुन। ओन्ग़रि अ़ङ्का अ़क्चिलोक ओन्ङा तुप्तुङ, देत्नि निनाम्हाङ्आ अ़ङ्का नुलोक ऩसिन्ताङ्युङ्साङ मोवात्नि मोन्ग़रि अ़ङ्का झारा तुप्तुङ।
साङ्छाङ आप्पि अ़धान्नान्चिमिन्ने। आम्नुओ रादा साङ्आ आप्पि ओ जुगादाओ ताया कातोक्नि मित्नान्चिन्नालो मो खामान्सिन लिने, खोवात्निओसा खो ताया कातोक लिमा ऱ।
मेन दित्छाङ माआङ्ओ अ़ङ्का अ़च़वाङ्ओनि मित्नान्चिन्नालो मो आप्पि धान्नान्चिन।
ब़ब़, नाना खोन्कि निछाचि ओ, आम्नुओ आप्पिओ तोक्पोदा काले लिमा त़लामिन हे निकिना खानानिन्आ ओ अ़कोङ्दुम त़तुप्तुम्नेनि अ़ङ्का मिन्ङाङा। तामादोत्ओ झारा निरावाचि ख्रिस्तदा ऩतानिन्तारि इस्राएलिचिओ अ़चुसाकोङ्वा छाक्लो लि।
