16 Joona ticalaxmaⁿna cantyja ꞌnaaⁿꞌ tsjoomnancue chaꞌxjeⁿ ja meiⁿ ticatseixmaⁿya cantyja ꞌnaaⁿꞌnaꞌ.
Jnda̱ tquiaya ñꞌoom naya ꞌnaⁿꞌ nda̱a̱na, sa̱a̱ nnꞌaⁿ tsjoomnancue ticueeꞌ nꞌom joona ee ticalaꞌxmaⁿna cantyja ꞌnaaⁿꞌ tsjoomnancue, chaꞌxjeⁿ ja meiⁿ ticatseixmaⁿya cantyja ꞌnaaⁿꞌnaꞌ.
Joꞌ chii tꞌo̱o̱ⁿ nda̱a̱na, tsoom: —ꞌO ticalaxmaⁿꞌyoꞌ cantyja ꞌnaaⁿꞌ cañoomꞌluee sa̱a̱ ja tseixmaⁿya joꞌ. ꞌO laxmaⁿꞌyoꞌ cantyja ꞌnaaⁿꞌ tsjoomnancuewaañe, sa̱a̱ ja nchii joꞌ tseixmaⁿya.
Naⁿꞌñeeⁿ cwilaxmaⁿna cantyja ꞌnaaⁿꞌ tsjoomnancue, ncꞌe na ljoꞌ ñꞌoom na cwilaneiⁿna laxmaⁿnaꞌ cantyja ꞌnaaⁿꞌnaꞌ. Ndoꞌ nnꞌaⁿ na cwilajomndye cantyja ꞌnaaⁿꞌnaꞌ cwindyena ñꞌoom na cwiñequia naⁿꞌñeeⁿ.
