Apocalipsis 17:1 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹ Quia joꞌ cwii na ntquieeꞌ ángelesꞌñeeⁿ na tyoleiꞌcho ntquieeꞌ watso, tyjeꞌcañoom ja. Tsoom no̱o̱ⁿ: —Candyoꞌ luaa ndoꞌ mꞌmo̱o̱ⁿya njomꞌ na nntuꞌxeⁿndye nnꞌaⁿ tsjoom tꞌmaⁿꞌñeeⁿ na wacatyeeⁿnaꞌ cjooꞌ jndye ndaa. Juu tsjoomꞌñeeⁿ matseijomnaꞌ chaꞌcwijom cwii sculjaaꞌ.

Apocalipsis 17:1 交叉參考

Lucas 24:32

Tyoluena nda̱a̱ ntyjeena: —Aa tiyuuꞌ sꞌaanaꞌ jndaꞌjom teiiⁿ nꞌo̱o̱ⁿya yocheⁿ na matseineiiⁿ nda̱a̱ya xjeⁿ na ñjomndyo̱ nato quia na seicano̱o̱ⁿ chiuu maꞌmo̱ⁿ ñꞌoomꞌ Tyꞌo̱o̱tsꞌom na teiljeii.

Lucas 9:30

Ndoꞌ teitquiooꞌndye we naⁿnom na cwilaꞌneiⁿ ñꞌeⁿñê, Moisés ñꞌeⁿ Elías joꞌ.

Apocalipsis 1:1

Ñꞌoommeiiⁿ tquiaa Tyꞌo̱o̱tsꞌom nnom nquii Jesucristo na jom caꞌmo̱o̱ⁿ joonaꞌ nda̱a̱ nquiee nnꞌaⁿ na cwindyeꞌntjom nnoom. Ñequio ꞌndyoo ángel cwentaaⁿꞌaⁿ seicaꞌmo̱o̱ⁿ ñꞌoomꞌñeeⁿ no̱o̱ⁿ ja Juan na mandiꞌntjo̱ⁿya nnoom. Ee joo ñꞌoommeiiⁿ cwilaꞌneiⁿnaꞌ cantyja na jnda̱ teicandyooꞌ na nluii.

Apocalipsis 15:1

Quia joꞌ ntyꞌiaya cwiicheⁿ ꞌnaaⁿ tꞌmaⁿ cañoomꞌluee na seicatyꞌuenaꞌ ja. Ntyꞌiaya ntquieeꞌ ángeles na cwileiꞌcho ntquieeꞌ nnom nawiꞌ na nntjoom nnꞌaⁿ. Joonaꞌ laꞌxmaⁿnaꞌ nawiꞌ na macanda̱ ee quia na jnda̱ teinom cantyja ꞌnaaⁿ joonaꞌ, mana cwintycwii na matseiwꞌii Tyꞌo̱o̱tsꞌom nnꞌaⁿ.

Apocalipsis 16:19

Seityuiiꞌñꞌeⁿnaꞌ tsjoom tꞌmaⁿ Babilonia, ndoꞌ seiꞌndaaꞌnaꞌ jndye njoom chaꞌwaa tsjoomnancue. Ee Tyꞌo̱o̱tsꞌom ticatsuuꞌ tsꞌoom nnꞌaⁿ na laꞌxmaⁿ cwentaaꞌ tsjoom tꞌmaⁿ Babilonia na nnjoom cantyja na ñelꞌana. Sꞌaaⁿ na jndeiꞌnaꞌ cweñꞌeⁿna na ñjom waso ꞌnaaⁿꞌaⁿ na jeeⁿ matseiwꞌeeⁿ joona.

Apocalipsis 18:1

Quia jnda̱ teinom na tuii na luaaꞌ, ntyꞌiaya cwiicheⁿ ángel na jnaⁿ cañoomꞌluee na jndyocue. Jeeⁿ tꞌmaⁿ najndeii tseixmaaⁿ ndoꞌ juu na caxueeñê seixueeñenaꞌ chaꞌwaa tsjoomnancue.

Apocalipsis 19:2

Macuꞌxeeⁿ nnꞌaⁿ chaꞌxjeⁿ na matyꞌiomyanaꞌ ndoꞌ ñequio ñꞌoom na mayuuꞌ. Ee jnda̱ tuꞌxeeⁿ juu sculjaaꞌ na jndye ñꞌoom niom cantyja ꞌnaaⁿꞌ, tsaⁿ na seiꞌndaaꞌ nnꞌaⁿ tsjoomnancue na cweꞌ tyomꞌaⁿyana ñꞌeⁿñe. Ee jnaaⁿꞌ juu na tja̱ nnꞌaⁿ cwentaaꞌ Tyꞌo̱o̱tsꞌom na tyondyeꞌntjom nnoom, joꞌ chii sꞌaaⁿ na tioomñe tsaⁿꞌñeeⁿ.

Apocalipsis 19:9

Quia joꞌ tso ángel no̱o̱ⁿ: —Luaa catseiljeiꞌ: “Jeeⁿ neiiⁿ nnꞌaⁿ na maqueeⁿꞌ Tyꞌo̱o̱tsꞌom na calaꞌjomndye nantquie na macoco juu Catsmaⁿ.” Jnda̱ chii tsoom no̱o̱ⁿ: —Ñꞌoommeiⁿꞌ laꞌxmaⁿnaꞌ ñꞌoom na mayuuꞌ na matseineiⁿ nquii Tyꞌo̱o̱tsꞌom.

Apocalipsis 21:15

Nquii ángel na seineiⁿ ñꞌeⁿndyo̱ maleiñꞌoom cwii tsꞌoomxjeⁿ na tuiinaꞌ ñꞌeⁿ sꞌom cajaⁿ. Ñꞌeⁿ juunaꞌ nncwjeeⁿꞌeⁿ xjeⁿ tsjoomꞌñeeⁿ, ñequio tatiom na meintyjeeꞌ ndiocheⁿ ndoꞌ ñequio ndyueelꞌa tatiomꞌñeeⁿ.

Apocalipsis 21:9

Quia joꞌ tyjeeꞌcañoom cwii na ntquieeꞌndye ángeles na ñejleicho ntquieeꞌ waso na tooꞌ ntquieeꞌ nnom nawiꞌ na macanda̱. Tqueeⁿꞌ tsaⁿꞌñeeⁿ ja, tsoom: —Candyoꞌ ndoꞌ mꞌmo̱o̱ⁿya njomꞌ yuscu na waa ñomcaaꞌ, juu nluiiñe scuuꞌ nquii Catsmaⁿ.

Apocalipsis 4:1

Jnda̱ jndii ñꞌoommeiⁿꞌ, quia joꞌ tcoꞌnndaꞌnaꞌ no̱o̱ⁿ na ntyꞌiaya cwii ꞌndyootsꞌa na wanaaⁿ cañoomꞌluee. Ndoꞌ jndiinndaꞌa na seineiⁿ juu na jndiijndya̱a̱ na teicꞌuaa jndyeeꞌ chaꞌcwijom ntu, tso no̱o̱ⁿ: —Candyoꞌwaaꞌ ñjaaⁿ, ndoꞌ mꞌmo̱o̱ⁿya njomꞌ chiuu waa na quia wjaaluiiti.