Yeˬlaˬmiˇ 5:4 - Akha

⁴ Kʼoeˇ naˇ ngaˇ heu loꞈ-ehˇ shaˇ noeˬ-euˬ ma. “Tsawˇ haˬ heu deuˬ iˇ shaˬ dawˇ ga tehꞈ meh. Aˬ yawꞈ maꞈ aˬ dzawˬ aˇ gah gah-eu meh. Miˬyehˇ-euˬ zahˇ sahˇ kʼoꞈ hawˇ-eu, aˬ yawꞈ-euˬ nui kʼahˇ-ahˇ maˬ siˬ nya-a.

Yeˬlaˬmiˇ 5:4 交叉參考

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Iˇsaˬyaˇ 29:12

Sahˬ boꞈ maˬ gui nya-eu tsawˇ haˬ jawˇ gaˇ yuˇ gʼeh-awˇ paˇ bi gui haw ngeh, “Ngaˇ sahˬ boꞈ maˬ siˬ nya nya” lehˇ ehˇ tehꞈ-a.

Yeˬlaˬmiˇ 10:8

Aˬ yawꞈ maꞈ dawˬ tawˆ luꞈ aˬ dzawˬ aˇ gah tehꞈ meh. Daˇ kawˬ neh jahˇ taˬ-euˬ tahˬ pahˬ aˬ ma, aˬ yawꞈ maꞈ-ahˇ aˬ jeˬ paˇ mehˬ nya nmˇ.

Yeˬlaˬmiˇ 4:22

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”

Yeˬlaˬmiˇ 7:8

“Haw yawˬ. Jaˬ myawꞈ myawꞈ-eu dawˬ-ahˇ naw maꞈ naˇ haˬ-awˇ jah-euˬ meh.

Yeˬlaˬmiˇ 8:7

Yawˬ ha bahˬ-ahˇ ya gʼoꞈ leˇ-eu yamˬ law, uiˇ dzoeˬ deuˬ kʼawꞈ siˬ nya luꞈ meh. Jawˬ jiˇ jawˬ gʼaꞈ hawˇ-eu kʼaˬ guˬ, miˇ kʼahˬ jawˇ paˇ yamˬ siˬ nya meh. Ehˇ kʼawꞈ, ngaˬ-euˬ tsawˇ haˬ pyeuꞈ-eu naw maꞈ, ngaˬ-euˬ zahˇ dawˬ maˬ siˬ nya-a.

Yeˬlaˬmiˇ 9:3

Aˬ yawꞈ maꞈ aˬ myah luꞈ jaˬ myawꞈ myawꞈ-awˇ, yaw sui yaw dawˇ jeˬ uˆ lahˇ-eu dah zaˇ, maˬ sui maˬ dawˇ-eu jeˬ miˇ kʼahˬ heu-ahˇ uˆ lahˇ luꞈ meh. Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ heu deuˬ yaw haiˬ kʼoeˇ taˆ yaw haiˬ jeˬ mˇ daˆ-awˇ, ngaˬ-ahˇ aˬ yawꞈ maꞈ-euˬ Miˬyehˇ lehˇ maˬ sawˇ-a.”

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.