Yawˇlaˆ 1:10 - Akha

¹⁰ Deh yaˇ deuˬ neˇ leuꞈ ni jaˆ-awˇ, dzaˬ la gʼo cehˇ cawˆ-iˇ jiˇ-awˇ, aˬ gaꞈ baw duˆ koˆ-iˇ jiˇ-awˇ, saˬ loˬ aˇ bawˇ nyoeˬ jiˇ-euˬ gaˇ, miˇ tsaˬ tsawˇ ngoeˇ ngoeˇ luꞈ-eu meh.

Yawˇlaˆ 1:10 交叉參考

Aˇ dahˬ 4:12

Miˇ tsaˬ-ahˇ nawˇ aˬ geu jeˬ ka dzaˬ-eu maˬ kaˬ, miˇ tsaˬ nawˬ-ahˇ maˬ bi za le-ehˇ, nymˇ jiˇ maˬ baw ni miˇ tsaˬ kʼoeˇ taˆ doe doe-ehˇ cah cah-ehˇ ya jawˇ tehꞈ-a.”

Iˇsaˬyaˇ 15:6

Nymˇlmˬ lawˇ baˬ gui-iˇ-awˇ, yaˇ moꞈ dawˬ tawˆ luꞈ koˆ-iˇ jiˇ-awˇ, aˇ paꞈ yaw nyoeˇ tiˬ paꞈ-iˬ maˬ baw-a.

Iˇsaˬyaˇ 24:11

Aˬ gaꞈ dzaˇ uiˇ maˬ jaˆ ni byoˆ le-euˬ miˇ neh, poˆ ka doe ni guˇ guˇ-ehˇ cah-eu meh. Laˬ kʼaˬ cehˇ-eu jeˬ byoˆ tsehˆ-awˇ, byawˬ gʼa-eu jeˬ miˇ tsaˬ kʼoeˇ taˆ maˬ paˇ jaˆ meh.

Iˇsaˬyaˇ 24:7

Aˬ gaꞈ baw duˆ deuˬ nyoeˬ-iˇ-awˇ, aˬ gaꞈ dzaˇ uiˇ shaˬ le-euˬ miˇ neh, yaw beh laˬ kʼaˬ cehˇ-euˬ tsawˇ haˬ deuˬ, nymˬ-mˇ zahˬ leˇ luꞈ meh.

Yeˬlaˬmiˇ 12:11

Miˇ kʼahˬ kʼoeˇ-ahˇ kʼaˇ shuiꞈ deh yaˇ bi pyeuꞈ-iˇ-awˇ, ngaˬ-euˬ mehˬ shi yaw cawˆ-ehˇ jaˆ-eu meh. Miˇ kʼahˬ kʼahˬ lah kʼaˇ shuiꞈ deh pyeuꞈ-iˇ-awˇ, tsawˇ haˬ tiˬ gʼaˬ-iˬ myaˆ haw maˬ cawˬ-a.

Yeˬlaˬmiˇ 12:4

Nga maꞈ miˇ kʼahˬ aˇ myah keuˆ ni gui coˇ ni bi jaˆ-awˇ, deh ga kʼaˇ ngeuˇ gaˇ dehꞈ-eu yaˇ moꞈ deuˬ, aˇ myah keuˆ ni yaw koˆ-ehˇ bi jaˆ-eu gʼeh te. Naw maꞈ tsawˇ haˬ deuˬ yaw haiˬ jeˬ mˇ-eu miˇ neh, jeˬ zaˬ aˇ jiˇ deuˬ shiˇ luꞈ meh. “Nga maꞈ mˇ luꞈ-eu jeˬ Miˬyehˇ maˬ mawˇ-aˇ” lehˇ, aˬ yawꞈ maꞈ ehˇ luꞈ meh.

Yeˬlaˬmiˇ 48:33

Miˇ tsaˬ miˇ muiˬ muiˬ-eu Mawˇbaˆ miˇ kʼahˬ laꞈ kʼoeˇ jaˆ-eu laˬ kʼaˬ cehˇ nui saˇ za-eu jeˬ, bi yuˇ byoˆ gʼeh jiˇ-euˬ meh. Aˬ gaꞈ dzaˇ uiˇ nawˬ duˬ-ahˇ aˬ gaꞈ dzaˇ uiˇ maˬ paˇ yoeˇ ni ngaˇ bi naˬ leˇ-euˬ ma. Aˬ gaꞈ dzaˇ uiˇ nawˬ nawˬ-ehˇ laˬ kʼaˬ cehˇ-awˇ guˇ-eu tsawˇ haˬ maˬ paˇ jawˇ meh.

Hawˇseˬ 4:3

Kʼoeˇ loꞈ-ehˇ gʼeh-eu baˬ da neh, miˇ kʼahˬ heu tsawˇ ngoeˇ ngoeˇ laˇ-awˇ, meuˬ zaˬ deh zaˬ dawˬ tawˆ hawˇ-eu, bawˇ tsahˬ jeˬ zaˬ dawˬ tawˆ maˬ ehˇ, kʼoeˇ taˆ zaw-eu aˇ jiˇ hawˇ-eu, laˆ shaˆ ngaˬ shaˬ ngaˬ deˇ maˬ ehˇ, piˬ-iˇ byoˆ-iˇ jiˇ gaˇ keuˆ meh.”

Hawˇseˬ 9:2

Ehˇ kʼawꞈ, gʼawˬ myahˇ ni maˬ gʼeh-ehˇ, naw maꞈ dzaˬ-eu dawˇ-eu gʼaˇ duˬ, cehˇ, saˬ loˬ tsiˇ, aˬ gaꞈ dzaˇ uiˇ, maˬ paˇ jaˆ-ehˇ pyeuꞈ-iˇ tehꞈ-a.

Yawˇlaˆ 1:12

Aˬ gaꞈ baw duˆ deuˬ koˆ jiˇ-awˇ, siˬ guˬ aˇ bawˇ nyoeˬ jiˇ-euˬ meh. Aˇ siˬ aˇ bawˇ deuˬ shiˇ jiˇ-awˇ, laˬ kʼaˬ cehˇ duˬ maˬ paˇ jaˆ meh.

Yawˇlaˆ 1:5

Jiˇ dawˇ kʼaˆ-eu tsawˇ haˬ deuˬ-oˇ, uˬ noeˬ beuˇ laˇ-awˇ neh ngoeˇ-awˬ. Aˬ gaꞈ dzaˇ uiˇ kʼaˇ dawˇ-eu deuˬ, yaw kʼaˆ-ehˇ guˇ guˇ-ehˇ ngoeˇ-awˬ. Aˬ gaꞈ baw duˆ laˆ cawˆ jiˇ-awˇ, aˬ gaꞈ dzaˇ uiˇ maˬ paˇ jaˆ meh.

Yawˇlaˆ 2:19

Aˬ yawꞈ maꞈ-ahˇ aˬ yawꞈ ehˇ-eu, “Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ naw maꞈ-ahˇ ngaˇ biꞈ-awˇ, nui kʼahˇ tiˬ shiˇ bi dzaˬ dehˆ ma. Aˬ cawˬ tsawˇ jeuˬ deuˬ naw maꞈ-ahˇ, yehˬ bawˬ-ehˇ maˬ paˇ bi gʼeh ma.

Uˬ duˬ 26:20

Naw maꞈ mˇ sehꞈ leꞈ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-euˬ miˇ tsaˬ naw maꞈ-ahˇ dzaˬ la gʼo cehˇ maˬ bi za le-eu uˬ taꞈ, aˇ siˬ aˇ bawˇ deuˬ kʼawꞈ, aˇ siˬ maˬ bi siˬ le-a.

Haˬbaˬkuˆ 3:17

Siˬ guˬ aˇ yehˆ maˬ yehˆ le-ehˇ, aˬ gaꞈ aˇ siˬ maˬ siˬ le kʼawꞈ, Saˬ loˬ aˇ siˬ maˬ sahˇ le-ehˇ, dzaˬ la gʼo cehˇ maˬ za le kʼawꞈ, ciˬ myehꞈ hawˇ-eu yawˇ shiˇ jiˇ-awˇ, mawˇ neˇ mawˇ kuˆ ciˬ cuˇ jaˆ kʼawꞈ,

Haˬgaiˇ 1:11

Deh ga hawˇ-eu gawˬ jawˬ-ahˇ maˬ ehˇ, cehˇ yaˇ hawˇ-eu aˬ gaꞈ yaˇ-ahˇ maˬ ehˇ, saˬ loˬ tsiˇ aˇ bawˇ bawˇ yaˇ hawˇ-eu sahˬ lahˬ dawˬ tawˆ luꞈ kʼoeˇ taˆ maˬ ehˇ, tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, naw maꞈ neh kʼaˇ ka-euˬ yawˬ jeˬ na luꞈ kʼoeˇ taˆ maˬ ehˇ, uˬ yehˇ maˬ bi yehˇ le ni ngaˇ jahˇ-euˬ ma.”

Maˬlaˬkiˇ 2:3

Naw maꞈ-euˬ zaˬ deuˬ-ahˇ ngaˇ yaˬ kʼehˇ yaˬ-awˇ, naw maꞈ neh lawˇ-euˬ shehˇ-euˬ jeˬ zaˬ deuˬ-euˬ keˬ neh, naw maꞈ-euˬ baˬ ba-ahˇ ngaˇ sawˆ lehꞈ nehˬ-awˇ, keˬ-euˬ gawˬ jawˬ-ahˇ bi sheuˬ gʼeh ma.