3 Ngaˬ-euˬ tsawˇ gahˇ-ahˇ teh ngehˬ laˇ-eu tsawˇ gahˇ tiˬ pawꞈ-iˬ maˬ ahˇ-eu tsawˇ haˬ heu gʼaˬ aˬ suˇ gʼaˬ-a lehˇ, nawˇ ngaˬ-ahˇ naˇ haˬ-eu meh. Ngaˬ-euˬ gʼaˇ duˬ zahˬ dui dui leˇ paˬ-ehˇ gʼeh-eu ngaˇ maˬ siˬ nya-eu gaˇ kawˆ deuˬ-ahˇ ngaˇ ngehˬ dzeuˇ tmˇ dzeuˇ-euˬ ma.
Miˬyehˇ-euˬ yaw shehꞈ kʼahˬ sehˇ hawˇ-eu baoˬ aˇ hui ni ahˇ-awˇ aˬ gaˇ keuˆ ni jaˆ-eu nawˇ poˆ mawˇ duˬ nya ma loˇ.
Miˬyehˇ-euˬ yaw shehꞈ kʼahˬ sehˇ-aˬ, miˇ tsaˬ tahˬ kʼawˇ naˆ maˬ tseˇ huiˬ-awˇ, iˬ ma laˆ shaˆ naˆ maˬ tseˇ jeˇ-eu meh.
Naw maꞈ kʼaˇ ehˇ-eu yawˬ jeˬ na luꞈ-ahˇ ngaˇ myaˆ mawˇ haw-awˇ, naˬ gaˬ haw-euˬ ma.
“Tsawˇ gahˇ maˬ ahˇ-eu dawˬ ngehˬ-awˇ ngaˬ-euˬ zaˬ siˬ tsawˇ gahˇ gaˇ kawˆ naˇ haˬ-eu aˬ suˇ gʼaˬ te.
Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.
Sahˬpaˬ Miˬyehˇ-oˇ, nui ma huiˬ-eu mahˇ-eu jeˬ ngaˇ byehˇ dzeh-awˇ, nui nahˬ nui yu laꞈ kʼoeˇ dehꞈ ma. Ngaˇ maˬ gʼaˬ leˇ-eu kʼaˆ-eu shaˬ-eu gaˇ deuˬ ngaˇ maˬ mˇ.
Nawˇ ngaˬ-euˬ gaˇ kawˆ siˬ nya-eu naꞈ dui dui-awˇ, ngaˇ maˬ noeˬ keuˆ coeˇ gaˇ keuˆ ni siˬ nya-eu meh.
Nga maꞈjah-eu Miˬyehˇpyeuꞈ-eu, nga maꞈ-euˬSahˬpaˬMiˬyehˇ-oˇ, kʼaˆjeˬ-ehˇgʼeh-eu gʼawˬmya jeˬ, nga maꞈgʼaˇduˬnawˇmˇ-euˬmeh. Nawˇloꞈ-ehˇgaˇkawˆkawˆnya-eu, nawˬ-ahˇduˇ-eu gʼaˬmaˬjawˇ-a. Nawˬneh mˇnehˬlaꞈ-euˬgaˇdeuˬ, kʼaˬmeh neh maˬja jiˇcoeˇnya.