Yawˇbaˆ 42:16 - Akha

¹⁶ Yawˇbaˆ-aˬ, kʼoeˇ sahˇ miˇ tsa tiˬ yaˇ oeˬ tseˇ kʼoꞈ paˇ dehꞈ-awˇ, oeˬ paˬ oeˬ ma deuˬ uˬ taꞈ, oeˬ lehˬ deuˬ-ahˇ kʼawꞈ mawˇ yaꞈ-euˬ meh.

Yawˇbaˆ 42:16 交叉參考

Aˇ dahˬ 11:32

Teˬlah nyiˬ yaˇ ngaˬ kʼoꞈ kʼawˆ ngeh, meuˬ kʼoeˇ meuˬ laꞈ kʼoeˇ ziˇ jiˇ-euˬ meh.

Aˇ dahˬ 25:7

Aˬbyaˬhaˬ-aˬ, tiˬ yaˇ shiꞈ tseˇ ngaˬ kʼoꞈ keuˆ ni dehꞈ-euˬ meh.

Aˇ dahˬ 35:28

Iˇtsaˆ-aˬ, tiˬ yaˇ yehꞈ tseˇ kʼoꞈ keuˆ ni dehꞈ-euˬ meh.

Aˇ dahˬ 47:28

Yaˬkoˆ-aˬ, Iˇjiˇtuˆ miˇ kʼahˬ laꞈ kʼoeˇ tseˇ shiꞈ kʼoꞈ paˇ dehꞈ-awˇ, aˬ yawꞈ-euˬ aˇ kʼoꞈ tiˬ yaˇ oeˬ tseˇ shiꞈ kʼoꞈ byah laˇ-euˬ meh.

Aˇ dahˬ 50:23

Eˇpaˬleˬ-euˬ zaˬ deuˬ hawˇ-eu oeˬ paˬ oeˬ ma deuˬ mawˇ le ngeh keuˆ ni, aˬ yawꞈ dehꞈ keuˆ-euˬ meh. Maˬnaˇseˬ-euˬ aˬ li Maˬkiˬlaˇ-euˬ zaˬ deuˬ-ahˇ kʼawꞈ, aˬ yawꞈ maˬ shiˇ mi naˆ-ehˇ aˬ yawꞈ-euˬ miˬ sawˇ zaˬ deuˬ laꞈ kʼoeˇ ha ahˇ nehˬ yaꞈ-euˬ meh.

Aˇ dahˬ 50:26

Kʼoeˇ naˇ, Iˇjiˇtuˆ miˇ kʼahˬ laꞈ kʼoeˇ Yoˇsehˆ ziˇ jiˇ-euˬ meh. Aˬ yawꞈ ziˇ jiˇ ngeh, aˬ yawꞈ-euˬ aˇ kʼoꞈ yaˇ tseˇ byah-eu meh. Aˬ yawꞈ-euˬ gʼawˇ mawˇ maˬ ya buꞈ-iˇ ni, aˬ yawꞈ maꞈ yaw muiˬ paˬ-ehˇ laˆ saˆ-awˇ saˬ paˇ neh lahˇ cuꞈ gʼaˬ miˇ tsa, mawˇ dmˬ laꞈ kʼoeˇ baꞈ ahˇ taˬ-euˬ meh.

Yawˇbaˆ 42:15

Miˇ tsaˬ dawˬ tawˆ luꞈ kʼoeˇ taˆ, Yawˇbaˆ-euˬ aˬ buˇ kʼoeˇ deuˬ loꞈ-ehˇ aˬ gʼehˇ muiˬ-eu zaˬ miˬ zaˬ maˬ jawˇ-a. Aˬ yawꞈ maꞈ-euˬ aˬ da-aˬ, aˬ yawꞈ maꞈ-euˬ aˬ mahˇ aˬ da deuˬ-ahˇ jeˬ biˇ biˇ nehˬ-euˬ loꞈ-ehˇ, aˬ yawꞈ maꞈ-ahˇ kʼawꞈ biˇ nehˬ-euˬ meh.

Yawˇbaˆ 42:17

Kʼoeˇ naˇ, aˬ yawꞈ tsawˇ mawˬ mawˬ dui dui laˇ gʼaˬ miˇ tsa, ziˇ jiˇ-euˬ meh.

Jaceuq 128:6

Nawˬ-euˬ oeˬ paˬ oeˬ ma-ahˇ ya mawˇ ngeh keuˆ ni, nawˇ ziˇ baw ziˇ za le luꞈ-uˇ. Iˇsaˬleˬlaˆ tsawˇ jeuˬ nui saˇ oꞈ luꞈ-uˇ.

Jaceuq 90:10

Aˇ kʼoꞈ shiꞈ tseˇ tehꞈ-ehˇ ya dehꞈ byah-awˇ, ziˇ shehˇ-eu deuˬ yehꞈ tseˇ dehꞈ byah kʼawꞈ, guˆ-eu gaˆ-eu jeˬ hawˇ-eu noeˬ shaˬ noeˬ zahˬ-eu jeˬ tehꞈ-ehˇ puˬ le miˇ-a. Tiˬ kʼehˇ laˇ kʼehˬ laꞈ kʼoeˇ ziˇ dehꞈ jiˇ-awˇ, piˬ-iˇ byoˆ-iˇ miˇ-a.

Dawqdaq 17:6

Tsawˇ mawˬ-euˬ kʼahˬ sehˇ oeˬ paˬ oeˬ ma pyeuꞈ-awˇ, zaˬ-euˬ kʼahˬ sehˇ aˬ da meh.

Dawˬmehˬ 34:7

Moˇseˬ ziˇ jiˇ ngeh, tiˬ yaˇ nyiˬ tseˇ kʼoꞈ kʼawˆ-awˇ, gʼaˬ maˬ juˬ-iˇ-euˬ uˬ taꞈ, myaˆ nuiˆ kʼawꞈ yaw muiˬ paˬ-ehˇ mawˇ nya-eu meh.

Yawˇshuˆ 24:29

Kʼoeˇ naˇ, Sahˬpaˬ Miˬyehˇ-euˬ zaˬ kʼaˆ pyeuꞈ-eu Nuˬ-euˬ aˬ li Yawˇshuˆ shiˇ-euˬ meh. Aˬ yawꞈ shiˇ ngeh, aˬ yawꞈ-euˬ aˇ kʼoꞈ yaˇ tseˇ byah-eu meh.