Yawˇbaˆ 4:6 - Akha

⁶ Miˬyehˇ-ahˇ nawˇ uˬ duˬ tahˬ-awˇ, iˬ baˇ maˬ mˇ ni dehꞈ-euˬ meh. Kʼoeˇ miˇ neh nawˇ nui ma kʼaˬ duˬ ni taˬ-awˇ, noeˬ tmˬ-eu jeˬ bi jaˆ-eu tsaˬ meh.

Yawˇbaˆ 4:6 交叉參考

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

Yawˇbaˆ 1:1

Uˇzaˆ miˇ kʼahˬ laꞈ kʼoeˇ Yawˇbaˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Miˬyehˇ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ-eu meh. Yaw lehˬ jeˬ maˬ mˇ ni yahˇ yahˇ-ehˇ dehꞈ luꞈ-eu muiˬ-eu jaˬ-eu tsawˇ haˬ tiˬ gʼaˬ kʼawꞈ pyeuꞈ-eu meh.

Yawˇbaˆ 13:15

Ngaˇ noeˬ tmˬ duˬ tiˬ jeˬ-iˬ maˬ paˇ jaˆ-eu-aˬ, Miˬyehˇ ngaˬ-ahˇ sehꞈ kʼawꞈ aˬ jeˬ gʼeh nmˇ. Ngaˬ-euˬ gaˇ kawˆ aˬ yawꞈ nehˬ-ehˇ ngaˇ ja ma.

Yawˇbaˆ 16:17

Ehˇ kʼawꞈ, ngaˇ yaw haiˬ jeˬ mˇ taˬ-euˬ maˬ jaˆ-ehˇ, ngaˬ-euˬ guiˬ lahˬ shaˇ dawˬ shawˇ jehˆ ni gʼeh-eu ma.

Yawˇbaˆ 17:15

Ngaˬ-euˬ noeˬ tmˬ duˬ aˬ geu tsahˇ-ahˇ jaˆ ta. Ngaˬ-euˬ noeˬ tmˬ duˬ-ahˇ aˬ suˇ gʼa mawˇ ta.

Jaceuq 26:1

Sahˬpaˬ Miˬyehˇ-oˇ, Ngaˇyaw tsaˬyaw dawˇjeˬmˇ-awˇ, nawˬ-ahˇjah-eu ziꞈ-eu miˇneh, iˬbaˇ maˬahˇ-a lehˇ daˇ-awˬ.

Jaceuq 27:3

Guiˇmaꞈtiˬmaꞈmaꞈlah oe-awˇ, ngaˬ-ahˇjawˬlahˇjiˇkʼawꞈmaˬguˆ. Muiˇ-eu deuˬngaˬ-ahˇdeuˆle kʼawꞈ, ngaˬ-euˬnui ma ziꞈdah jaˆma.

Dawqdaq 14:26

Sahˬpaˬ Miˬyehˇ-ahˇ guˆ-eu jeˬ-aˬ, nymˇ tsoˆ ziꞈ gaˇ duˇ-awˇ, zaˬ ziˇ keuˆ ni gmˬ-eu meh.

Dawqdaq 3:26

Aˬ jeˬ miˇ neh ehˇ naˇ, Sahˬpaˬ Miˬyehˇ laꞈ kʼoeˇ nawˇ nui kʼaˬ tsmˬ kʼaˇ za-awˇ, nawˬ-euˬ aˬ kuiˇ lahˇ ju-ahˇ maˬ bi paꞈ leˇ ni, aˬ yawꞈ haw piˇ tehꞈ-a.

Iˇsaˬyaˇ 33:6

Naw maꞈ-euˬ aˇ nah aˇ yamˬ gʼaˇ duˬ, ziꞈ dah ni gʼeh-eu dawˬ pehˬ aˬ yawꞈ meh. Aˬ yawꞈ-euˬ tsawˇ haˬ-ahˇ ka kʼoꞈ nehˬ-awˇ, zaˬ siˬ nui gahˇ biꞈ nehˬ tehꞈ-a. Sahˬpaˬ Miˬyehˇ-ahˇ yaw zeu baw-eu jeˬ-aˬ, huiˬ dzehˬ-eu smˇ muiˬ muiˬ-eu jeˬ meh.

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.

1 Beˬtuˆluˆ 1:17

Tsawˇ haˬ dawˬ tawˆ luꞈ-ahˇ myaˆ pyawˬ huiˬ nyiˇ maˬ tseˇ ni, aˬ yawꞈ gʼaˬ yawꞈ neh kʼaˇ mˇ kʼaˇ shaˇ taˬ-euˬ gaˇ haw-awˇ yaˇ kʼaˬ daˇ-eu gʼaˬ pyeuꞈ-eu Miˬyehˇ-ahˇ naw maꞈ guiˬ lahˬ shaˇ ngeh, ‘Aˬda-oˇ’ lehˇ kuˇ-awˇ shaˇ-eu meh. Kʼoeˇ miˇ neh, naw maꞈ miˇ tsaˬ heu kʼoeˇ taˆ ya dehꞈ ya jawˇ daˆ leꞈ-eu aˇ nah aˇ yamˬ dawˬ tawˆ luꞈ, aˬ yawꞈ-ahˇ yaw zeu baw-awˇ dehꞈ-awˬ.