Yawˇbaˆ 23:7 - Akha

⁷ Ngaˇ-aˬ yaw sui yaw dawˇ miˇ neh Miˬyehˇ-ahˇ ja cawˬ peuˬ ma. Ngaˇ mˇ lehˬ taˬ-euˬ maˬ jaˆ-a lehˇ mˬ maˬ maˬ byaˆ zaˇ ziˇ aˬ yawꞈ daˇ tsehˆ tehꞈ-a.

Yawˇbaˆ 23:7 交叉參考

Yawˇbaˆ 13:16

Haiˬ-eu tsawˇ haˬ Miˬyehˇ-ahˇ maˬ tahˬ puˬ leˇ peuˬ-eu-aˬ, ngaˬ-euˬ nui kʼaˬ ngaˬ-ahˇ ka kʼoꞈ-eu maˬ siˬ.

Yawˇbaˆ 13:3

Ngaˇ Miˬyehˇ nehˬ-ehˇ ja dzaˬ luꞈ-eu ma. Naw maꞈ nehˬ-ehˇ ja dzaˬ-eu maˬ ngeuˇ. Ngaˬ-euˬ gaˇ kawˆ aˬ yawꞈ nehˬ-ehˇ ja duˬ mawꞈ-eu ma.

Yawˇbaˆ 23:10

Ehˇ kʼawꞈ, ngaˬ-euˬ kuiˇ toꞈ aˬ yawꞈ toꞈ yawˬ Miˬyehˇ siˬ nya meh. Aˬ yawꞈ ngaˬ-ahˇ lawˬ haw naˇ, ngaˇ shawˇ jehˆ ni gʼeh gaˇ aˬ yawꞈ ya mawˇ tehꞈ-a.

Yawˇbaˆ 9:15

Ngaˇ iˬ baˇ mˇ taˬ-euˬ maˬ jaˆ kʼawꞈ, ngaˬ-ahˇ yaˇ kʼaˬ daˇ-eu ngaˬ-euˬ Miˬyehˇ-ahˇ tahˬ shaˇ-eu tiˬ kahˇ dahˇ-eu tehꞈ miˇ-a.

Iˇsaˬyaˇ 1:18

Sahˬpaˬ Miˬyehˇ ehˇ-eu, “Laˇ-awˬ tiˬ kawˆ loꞈ-ehˇ shaˇ noeˬ shaˇ sawˇ ma. Naw maꞈ-euˬ iˬ baˇ neˇ tseuˆ ni gʼeh kʼawꞈ, saˬ laˬ naˆ maˬ tseˇ pyuˇ laˇ tehꞈ-a. Naw maꞈ-euˬ iˬ baˇ shiˬ loꞈ-ehˇ neˇ kʼawꞈ, yawˇ zaˬ caꞈ hm loꞈ-ehˇ bi ba laˇ ma.

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Yeˬlaˬmiˇ 3:5

Nawˇ nui ma pehˇ gʼaˬ-eu baw-awˇ, nui pehˇ shuꞈ-iˇ-eu baw tehꞈ-a.’ Iˇsaˬleˬlaˆ-oˇ, nawˇ kʼoeˇ loꞈ-ehˇ ehˇ kʼawꞈ, yaw haiˬ jeˬ-ahˇ nui kʼahˇ tiˬ shiˇ nawˇ mˇ-eu meh.”

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.