Yawˇbaˆ 23:12 - Akha

¹² Aˬ yawꞈ-euˬ ehˇ dawˬ-ahˇ ngaˇ aˬ myah luꞈ naˇ haˬ geuꞈ-awˇ, ngaˬ-euˬ nui kʼahˇ maˬ mˇ ni aˬ yawꞈ-euˬ nui noeˬ-ahˇ caw teh luꞈ-eu ma.

Yawˇbaˆ 23:12 交叉參考

Yawˇbaˆ 15:11

“Miˬyehˇ nawˬ-ahˇ gʼawˬ shaˬ gaˬ nehˬ laꞈ gaˇ, nawˇ aˬ jeˬ gʼeh maˬ ha geuꞈ te. Aˬ yawꞈ dawˬ nahˬ yu ni ngehˬ gaˇ, nawˇ aˬ jeˬ gʼeh maˬ naˇ haˬ te.

Yawˇbaˆ 22:22

Aˬ yawꞈ mehˬ-eu tsoˆ-eu jeˬ-ahˇ naˇ haˬ geuꞈ-awˇ, aˬ yawꞈ-euˬ dawˬ nawˬ-euˬ nui ma laꞈ kʼoeˇ bi ahˇ-awˬ.

Yawˇbaˆ 23:13

Aˬ yawꞈ tiˬ jawˇ-iˬ poˆ laˇ paˇ laˇ-eu maˬ baw-ehˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ ciˬ daˬ leˇ peuˬ-a. Aˬ yawꞈ mˇ mawꞈ-eu jeˬ mˇ gaˇ kʼawꞈ, tiˬ gʼaˬ-iˬ maˬ laˆ tsoeˬ leˇ nya-a.

Yawˇbaˆ 33:9

‘Ngaˇ yaw lehˬ mˇ-euˬ tiˬ jeˬ-iˬ maˬ jaˆ-ehˇ shawˇ jehˆ ni gʼeh-eu iˬ baˇ maˬ ahˇ-eu tsawˇ haˬ ma.

Yawˇbaˆ 6:10

Aˬ yawꞈ ngaˬ-ahˇ sehꞈ tehꞈ-a lehˇ ngaˇ ya siˬ duˬ law nmˇ-aˬ, aˇ naˆ ni ya naˇ ya gawˇ kʼawꞈ ehˬ-ehˇ ngeuˇ-iˬ. Ngaˇ laˬ kʼaˬ cehˇ cehˇ-ehˇ tsawˬ ma. Miˬyehˇ-aˬ, muiˬ meh shawˇ meh lehˇ ngaˇ siˬ nya ma. Aˬ yawꞈ-euˬ dawˬ-ahˇ ngaˇ tiˬ jawˇ-iˬ maˬ leuˇ haw-aˬ.

Jaceuq 119:103

Nawˬ neh mehˬ nehˬ tsoˆ nehˬ-euˬ jeˬ aˇ naˆ ni coeˇ-eu nga. Byaˬ byaˬ uiˇ naˆ maˬ tseˇ coeˇ-eu meh.

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Jaceuq 119:127

Shuiˇ naˆ maˬ tseˇ nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu ma. Muiˬ dui dui-eu shuiˇ naˆ maˬ tseˇ gaˬ-euˬ ma.

Jaceuq 33:11

SahˬpaˬMiˬyehˇ-euˬbawˬtoˆ-aˬ, mˬmaˬmaˬbyaˆzaˇziˇgmˬ-awˇ, aˬyawꞈneh shaˇnoeˬtaˬ-euˬjeˬ, mˬmaˬmaˬbyaˆzaˇziˇziꞈmeh.

Dawqdaq 30:8

Jaˬ myawꞈ myawꞈ-eu tsawˇ haˬ taˬ bi pyeuꞈ laꞈ. Smˇ muiˬ muiˬ-eu tsawˇ haˬ maˬ ehˇ, iˇ shaˬ shaˬ-eu tsawˇ haˬ maˬ ehˇ, taˬ bi pyeuꞈ laꞈ. Aˬ yawꞈ nah yawꞈ dzaˬ loꞈ dawˇ loꞈ-eu guiˬ lahˬ biꞈ laꞈ.

Yeˬlaˬmiˇ 15:16

Nawˇ ngaˬ-ahˇ dawˬ ngehˬ cawˬ le ngeh, yawˬ dawˬ na luꞈ ngaˇ naˇ haˬ-euˬ ma. Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ nawˬ-euˬ zaˬ pyeuꞈ-awˇ, nawˬ-euˬ dawˬ baˬ da neh ngaˬ-euˬ nui ma laꞈ kʼoeˇ laˬ kʼaˬ cehˇ-eu jeˬ byah-eu ma.

Luˇkaꞈ 12:42

Sahˬpaˬ Yeˬsuˇ ehˇ-eu, “Saˇ jaˇ ziꞈ-awˇ zaˬ siˬ tsawˇ gahˇ ahˇ-eu zaˬ kʼaˆ aˬ geu gʼaˬ-a. Aˬ yawꞈ-aˬ, nymˇ jiˇ-ahˇ haw-eu pyaˆ-eu gʼaˇ duˬ hawˇ-eu, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Luˇkaꞈ 12:46

tiˬ nah keuˆ laˇ ngeh, zaˬ kʼaˆ kʼoeˇ gʼaˬ maˬ noeˬ maˬ duˇ-ehˇ jawˇ gaˇ, baw leˬ gʼaˬ gʼoꞈ keuˆ le tehꞈ-a. Kʼoeˇ ngeh, baw leˬ gʼaˬ zaˬ kʼaˆ kʼoeˇ gʼaˬ-ahˇ shiˇ taw tehˬ ni diˬ-awˇ, saˇ jaˇ maˬ ziꞈ-eu zaˬ kʼaˆ deuˬ nehˬ-ehˇ tiˬ kawˆ loꞈ-ehˇ bi jawˇ tehꞈ-a.

Yoˇhaˬ 4:32

Ehˇ kʼawꞈ, Yeˬsuˇ ehˇ-eu, “Naw maꞈ maˬ siˬ nya-eu dzaˬ-eu jeˬ ngaˇ dzaˬ gʼaˬ-euˬ ma.”

Yoˇhaˬ 4:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Yoˇhaˬ 8:31

Kʼoeˇ naˇ, Yeˬsuˇ-ahˇ jah-eu tsawˇ haˬ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Naw maꞈ ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ naˇ haˬ geuꞈ naˇ, maˇ maˇ ni ngaˬ-euˬ zaˬ lahˇ ma.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

1 Beˬtuˆluˆ 2:2

Zaˬ nahˬ aˬ coeˇ mehꞈ-eu loꞈ-ehˇ, aˬ myah luꞈ maˇ jawˆ ni gʼeh-eu saꞈ laˇ aˬ coeˇ mehꞈ-awˬ. Aˬ coeˇ kʼoeˇ dawˇ-eu ba da neh naw maꞈ saꞈ laˇ paw huiˬ laˇ mahˇ laˇ-awˇ, ka kʼoꞈ-eu jeˬ za tehꞈ-a.

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.