Yawˇbaˆ 22:25 - Akha

²⁵ Baoˬ huiˬ-eu Miˬyehˇ-ahˇ nawˬ-euˬ shuiˇ bi pyeuꞈ-awˬ. Aˬ yawꞈ-ahˇ nawˬ-euˬ gʼaˇ duˬ baꞈ cu taˬ-euˬ pyuˇ bi pyeuꞈ-awˬ.

Yawˇbaˆ 22:25 交叉參考

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Yawˇbaˆ 22:24

Nawˬ-euˬ shuiˇ biˬ dzeh-awˬ. Muiˬ dui dui-eu nawˬ-euˬ shuiˇ deuˬ-ahˇ gui coˇ ni gʼeh-eu lawˇ baˬ dawˬ dah tahˬ dzeh-awˬ.

Yawˇbaˆ 22:26

Kʼoeˇ ngeh Miˬyehˇ-ahˇ nawˇ aˬ myah luꞈ gʼoe-awˇ, aˬ yawꞈ nawˬ-euˬ laˬ kʼaˬ cehˇ duˬ pyeuꞈ gaˇ ya mawˇ tehꞈ-a.

Yawˇbaˆ 3:15

Nymˇ laꞈ kʼoeˇ shuiˇ hawˇ-eu pyuˇ tawˬ byah taˬ-euˬ sahˬ paˬ zaˬ yo deuˬ loꞈ-ehˇ, ngaˇ ya yuꞈ luꞈ tehꞈ-a.

Jaceuq 18:2

SahˬpaˬMiˬyehˇngaˬ-euˬlo guˇ, ziꞈdui dui-eu taˆpyeuꞈ-eu ma. Ngaˬ-euˬMiˬyehˇngaˬ-euˬlo guˇ, guˆgaˆdzeuˇni awˆshmˇduˬma. Dehˬdaˬduˬloꞈ-ehˇtahˬ piˇ-awˇ, ka kʼoꞈ-eu uˬcoeˇ pyeuꞈ-eu meh.

Jaceuq 84:11

Sahˬpaˬ Miˬyehˇ-aˬ, nga maꞈ-ahˇ haw piˇ-eu yaw shehꞈ kʼahˬ sehˇ muiˬ-eu sahˬ paˬ meh. Nga maꞈ-ahˇ gʼawˬ shaˬ gaˬ-awˇ ciˬ huiˬ ciˬ mahˇ nehˬ laꞈ-eu meh. Yaw tsaˬ yaw dawˇ jeˬ mˇ-eu tsawˇ haˬ deuˬ kʼoeˇ taˆ, muiˬ-eu guiˬ lahˬ tiˬ hmˬ-iˬ maˬ bi dzeuˇ-iˇ ni bi keuˆ le-eu meh.

Iˇsaˬyaˇ 33:6

Naw maꞈ-euˬ aˇ nah aˇ yamˬ gʼaˇ duˬ, ziꞈ dah ni gʼeh-eu dawˬ pehˬ aˬ yawꞈ meh. Aˬ yawꞈ-euˬ tsawˇ haˬ-ahˇ ka kʼoꞈ nehˬ-awˇ, zaˬ siˬ nui gahˇ biꞈ nehˬ tehꞈ-a. Sahˬpaˬ Miˬyehˇ-ahˇ yaw zeu baw-eu jeˬ-aˬ, huiˬ dzehˬ-eu smˇ muiˬ muiˬ-eu jeˬ meh.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Ngoeˇ dawˬ 3:24

Ngaˬ neh za taˬ-euˬ pyuˇ pahˬ-aˬ, Sahˬpaˬ Miˬyehˇ pyeuꞈ-eu miˇ neh, aˬ yawꞈ-ahˇ ngaˇ noeˬ tmˬ luꞈ ma.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

2 Gawˇliˬtu 6:10

Noeˬ shaˬ dui dui luꞈ gaˇ duˇ kʼawꞈ, aˬ myah luꞈ laˬ kʼaˬ cehˇ luꞈ-eu tsawˇ haˬ ma. Iˇ shaˬ shaˬ gaˇ duˇ kʼawꞈ, aˬ cawˬ gʼawˬ mya ni smˇ muiˬ muiˬ laˇ ni jahˇ nehˬ-euˬ tsawˇ haˬ ma. Tiˬ jeˬ-iˬ maˬ jaˆ gaˇ duˇ kʼawꞈ, yawˬ jeˬ na luꞈ jaˆ kuꞈ-eu tsawˇ haˬ ma.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.