Yawˇbaˆ 20:25 - Akha

²⁵ Kaˆ myaˬ neh aˬ yawꞈ-euˬ gʼawˇ mawˇ-ahˇ deh byoe-awˇ, guiˇ nyiˬ ni gʼeh-eu kaˆ myaˬ uˬ duˬ-ahˇ aˬ yawꞈ-euˬ shiˬ jaˆ ka-eu miˇ neh, aˬ yawꞈ guˆ dui dui-eu meh.

Yawˇbaˆ 20:25 交叉參考

2 Saˬmeuˬlaˆ 18:14

Kʼoeˇ ngeh, “Ngaˇ nawˬ nehˬ-ehˇ ja ja-ehˇ jawˇ-eu aˇ yamˬ maˬ jaˆ” lehˇ Yoˇbaˬ ehˇ-awˇ, gahˬ smˬ kahˇ yuˇ-awˇ, tsuiꞈ kaˆ aˇ bawˇ-ahˇ yaw dehꞈ-ehˇ ngeuˬ luꞈ-eu Aˬbaˇsaˬloˬ-euˬ kʼahˬ-ahˇ joeˬ tsoˆ gʼeh-euˬ meh.

Yawˇbaˆ 15:21

Guˆ-eu gaˆ-eu teˇ saˇ aˬ yawꞈ-euˬ naˬ bawˇ-ahˇ ya gaˬ-awˇ, kʼahˬ lahˇ kʼaˇ maˬ za ma lehˇ noeˬ ngeh, tahˇ joe joe gaˇ ya daˬ tehꞈ-a.

Yawˇbaˆ 16:13

Yawˬ pyawˬ na luꞈ jawˇ jawˇ-ehˇ ngaˬ-ahˇ kaˆ myaˬ neh beuˆ-awˇ, kaˆ myaˬ deh byoe-awˇ beuˆ tahˬ beuˆ naˇ jiˇ kʼawꞈ, gʼawˬ shaˬ gaˬ nehˬ laꞈ-eu maˬ baw-a.

Yawˇbaˆ 18:11

Guˆ-eu gaˆ-eu jeˬ aˬ yawꞈ-euˬ tiˬ jawˬ loꞈ luꞈ-awˇ aˬ yawꞈ kuiˇ toꞈ kʼaˇ ciˬ gaˇ caw teh luꞈ meh.

Yawˇbaˆ 18:14

Aˬ yawꞈ ziꞈ dah ni dehꞈ-euˬ sehˬ gʼawˆ-ahˇ neh bi tsahˇ doˆ laꞈ-awˇ, shiˇ-eu miˇ kʼahˬ-euˬ sahˬ paˬ jawˇ gaˇ bi gʼeu gʼeh-euˬ meh.

Yawˇbaˆ 27:20

Ja pyuˬ ni oe-euˬ iˇ jeuˬ loꞈ-ehˇ aˬ yawꞈ maꞈ kʼoeˇ taˆ guˆ-eu gaˆ-eu jeˬ keuˆ le-awˇ, uˬ ciꞈ paw baw-eu jaˬ lehˇ aˬ yawꞈ maꞈ-ahˇ baw byoˆ gʼeh tehꞈ-a.

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Jaceuq 7:12

Yawꞈmaꞈnui ma maˬnoeˬpaˇnaˇ, Miˬyehˇ mi cehˇshiˬtaˆ taˬ-awˇ, kaˆngoꞈdaˆ-awˇ loꞈluꞈ-eu meh.

Jaceuq 73:19

Aˬ yawꞈ maꞈ ja pyuˬ ni ya dehꞈ byoˆ leꞈ-awˇ, aˇ saˬ saˬ laˇ jawˬ-ehˇ ya noeˬ shaˬ dui dui tehꞈ-a.

Jaceuq 88:15

Nyiˇ ngeh neh shaˬ-eu zahˬ-eu jeˬ-ahˇ shiˇ taw tehˬ ni ngaˇ ya daˬ-euˬ ma. Nawˬ neh kʼehˬ nehˬ kʼaˆ nehˬ laꞈ-euˬ jeˬ-ahˇ, ngaˇ maˬ paˇ daˬ coeˇ miˇ-a.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

Dawˬmehˬ 32:41

Ngaˬ-euˬ mi cehˇ ngaˇ siˬ taˆ-awˇ, yaw tsaˬ yaw dawˇ jeˬ mˇ byah ma. Muiˇ-eu deuˬ-ahˇ laꞈ poˆ poˆ-awˇ, ngaˬ-ahˇ bye gaˇ ngaˇ kʼehˬ nehˬ ma.