Yawˇbaˆ 19:11 - Akha

¹¹ Miˬyehˇ ngaˬ-ahˇ nui ma pehˇ dui dui-awˇ, aˬ yawꞈ-ahˇ muiˇ dui dui-eu gʼaˬ loꞈ-ehˇ jahˇ nehˬ laꞈ-euˬ meh.

Yawˇbaˆ 19:11 交叉參考

Yawˇbaˆ 13:24

“Aˬ jeˬ miˇ neh nawˬ-euˬ myaˆ pyawˬ ngaˬ-ahˇ maˬ bi mawˇ laꞈ te. Aˬ jeˬ miˇ neh muiˇ-eu tsawˇ haˬ tiˬ gʼaˬ loꞈ-ehˇ sawˇ nehˬ laꞈ te.

Yawˇbaˆ 15:24

Guiˇ deuˆ-eu lehˬ hmˬ taˬ-euˬ baoˬ huiˬ-eu sahˬ paˬ tiˬ gʼaˬ loꞈ-ehˇ, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-eu lehˇ lehˬ hmˬ luꞈ meh.

Yawˇbaˆ 16:9

Miˬyehˇ nui ma pehˇ-awˇ ngaˬ-ahˇ ngawˬ paˆ ngawˬ shaˆ-euˬ meh. Aˬ yawꞈ ngaˬ-ahˇ bye-awˇ mˇ guiˇ haw laˇ-eu meh.

Yawˇbaˆ 33:10

Ehˇ kʼawꞈ, Miˬyehˇ ngaˬ-ahˇ iˬ baˇ poˆ-awˇ, muiˇ-eu tsawˇ haˬ tiˬ gʼaˬ loꞈ-ehˇ jahˇ nehˬ laꞈ-euˬ meh.

Jaceuq 89:46

Sahˬpaˬ Miˬyehˇ-oˇ, aˇ myah keuˆ ni dzuˇ zaꞈ-eu gʼeh te. Aˇ myah keuˆ ni nawˇ nui ma pehˇ-eu miˬ dzaˬ bi doꞈ-eu gʼeh te.

Jaceuq 90:7

Nawˬ-euˬ nui pehˇ nga maꞈ-ahˇ laˆ cawˆ-awˇ, nawˬ-euˬ nui kʼaˬ nga maꞈ-ahˇ laˆ guˆ laꞈ-eu meh.

Ngoeˇ dawˬ 2:4

Muiˇ-eu deuˬ neh jahˇ-euˬ loꞈ-ehˇ, nga maꞈ-ahˇ kaˆ ngoꞈ daˆ taˬ-awˇ, nga maꞈ nui kʼahˇ shiˇ-eu deuˬ-ahˇ, aˬ yawꞈ neh sehꞈ dzeh jiˇ-euˬ meh. Yeˬluˇsaˬlehˬ meuˬ heu laꞈ kʼoeˇ, aˬ yawꞈ-euˬ nui ma pehˇ-eu jeˬ, miˬ dzaˬ loꞈ-ehˇ luˬ laˇ-euˬ meh.

Ngoeˇ dawˬ 2:5

Muiˇ-eu tsawˇ haˬ tiˬ gʼaˬ loꞈ-ehˇ, Iˇsaˬleˬlaˆ-euˬ miˇ kʼahˬ-ahˇ, Sahˬpaˬ Miˬyehˇ laˆ cawˆ-euˬ meh. Sahˬ paˬ jawˇ-eu hawˇ nymˇ hawˇ-eu, ziꞈ dah ni gʼeh-eu taˆ deuˬ-ahˇ, aˬ yawꞈ laˆ cawˆ jiˇ nehˬ-euˬ meh. Yuˇdaˆ tsawˇ haˬ tsawˇ ngoeˇ ngoeˇ-eu, maˬ naˬ nya ni jahˇ nehˬ-euˬ meh.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.