Yawˇbaˆ 10:17 - Akha

¹⁷ Nawˇ ngaˬ-euˬ kʼoeˇ taˆ saˇ kiˇ saˇ seˬ aˬ myah luꞈ jaˆ luꞈ meh. Nawˇ ngaˬ-ahˇ nui ma pehˇ-eu jeˬ tiˬ jawˇ saˇ-iˬ tiˬ jawˇ huiˬ laˇ-awˇ, ngaˬ-ahˇ laˆ coeˬ-eu gʼaˇ duˬ aˬ myah luꞈ shaˇ noeˬ luꞈ meh.

Yawˇbaˆ 10:17 交叉參考

Yawˇbaˆ 13:24

“Aˬ jeˬ miˇ neh nawˬ-euˬ myaˆ pyawˬ ngaˬ-ahˇ maˬ bi mawˇ laꞈ te. Aˬ jeˬ miˇ neh muiˇ-eu tsawˇ haˬ tiˬ gʼaˬ loꞈ-ehˇ sawˇ nehˬ laꞈ te.

Yawˇbaˆ 16:8

Nawˇ ngaˬ-ahˇ nyehꞈ-awˇ, ngaˬ-ahˇ muiˇ-eu meh. Ngaˇ-aˬ, baˆ kʼoˆ hawˇ-eu shaˬ yoeˬ tehꞈ-ehˇ pyeuꞈ-iˇ taˬ-euˬ ma. Ngaˬ-euˬ iˬ baˇ baˬ da neh kʼoeˇ loꞈ-ehˇ pyeuꞈ-iˇ-euˬ nga lehˇ aˬ cawˬ ehˇ-eu meh.

Yawˇbaˆ 7:1

Tsawˇ haˬ zaˬ yaw dehꞈ dehꞈ-eu jeˬ-aˬ kʼaˆ behˆ baꞈ gaˇ duˇ-awˇ, myawˬ kʼaˆ ya mˇ dui dui-eu meh.

Jaceuq 55:19

Aˬ yawꞈ maꞈ nui ma maˬ paˇ-ehˇ, Miˬyehˇ-ahˇ maˬ guˆ-eu miˇ neh, mˬ hawˇ-eu miˇ maˬ bymˬ mi naˆ-ehˇ uˆ lahˇ luꞈ-eu Miˬyehˇ, ngaˬ-euˬ shaˇ dawˬ naˇ haˬ-awˇ, aˬ yawꞈ maꞈ-ahˇ kʼehˬ nehˬ kʼaˆ nehˬ tehꞈ-a.

Yeˬlaˬmiˇ 48:11

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ-aˬ, dzeuˇ laˇ ngeh tiˬ gaˇ-iˬ guˆ kʼaˇ maˬ za ni dehꞈ-awˇ, aˬ cawˬ miˇ kʼahˬ-ahˇ maˬ bi nyehꞈ gʼeh haw-aˬ siˬ. Mawˇbaˆ miˇ kʼahˬ-aˬ, ciˬ cuˇ yawˬ siˬ yawˬ-ahˇ maˬ kʼaˇ paˇ ahˇ haw-euˬ aˬ gaꞈ dzaˇ uiˇ-ahˇ duˇ-eu meh. Aˬ yawꞈ-euˬ yaw kuiˇ kui-eu jeˬ maˬ byoˆ-iˇ ni jaˆ luꞈ gaˇ duˇ-eu meh.

Zeˬpaˬniˇ 1:12

“Kʼoeˇ ngeh jawˇ ngaˇ tsiˇ kʼmˬ keuˬ-awˇ, Yeˬluˇsaˬlehˬ meuˬ poˆ doe ma. Yawˬ haˇ yawˬ ha nui kʼaˬ tsmˬ-awˇ, yaw muiˬ maˬ ehˇ, yaw doeˇ maˬ ehˇ, Sahˬpaˬ Miˬyehˇ maˬ mˇ-aˇ lehˇ, yawˬ haˇ yawˬ ha ehˇ-eu tsawˇ haˬ, ngaˇ kʼehˬ nehˬ gaˇ ya daˬ tehꞈ-a.

Luˇta 1:21

Heu gaˇ neh ngaˇ doˆ-iˇ ngeh, yawˬ jeˬ na luꞈ jaˆ-euˬ ma. Ehˇ kʼawꞈ ni, ngaˇ tiˬ jeˬ-iˬ maˬ ahˇ ni, yawꞈ ngehꞈ-ehˇ, Sahˬpaˬ Miˬyehˇ ngaˬ-ahˇ bi gʼoꞈ laˇ-euˬ meh. Baoˬ huiˬ-eu Sahˬpaˬ Miˬyehˇ neh byehˇ dzeh nehˬ laꞈ-awˇ, bi shaˬ bi zahˬ laꞈ-euˬ ngaˇ loꞈ-ehˇ gʼeh-eu tsawˇ haˬ-ahˇ, aˬ jeˬ miˇ neh Nawˇmi lehˇ kuˇ te.”