Ngoeˇ dawˬ 5:2 - Akha

² Nga maꞈ za taˬ-euˬ jeˬ biˇ deuˬ, aˬ cawˬ tsawˇ jeuˬ yuˇ geuꞈ jiˇ-awˇ, nga maꞈ neh tsoˆ-euˬ nymˇ laꞈ kʼoeˇ, boeˇ miˬ siˬ kʼaˬ deuˬ jawˇ luꞈ meh.

Ngoeˇ dawˬ 5:2 交叉參考

Jaceuq 109:11

Aˬ yawꞈ-euˬ myawˬ gahˬ dawˬ tawˆ luꞈ aˬ yawꞈ-ahˇ pyuˇ paˇ nehˬ-euˬ gʼaˬ yuˇ kʼoꞈ jiˇ-awˇ, aˬ yawꞈ neh kʼaˇ mˇ doˆ taˬ-euˬ jeˬ-ahˇ boeˇ miˬ siˬ kʼaˬ deuˬ yuˇ geuꞈ jiˇ luꞈ-uˇ.

Iˇsaˬyaˇ 1:7

Naw maꞈ-euˬ miˇ kʼahˬ pu tsoeˬ tsoeˬ jiˇ-awˇ, naw maꞈ-euˬ meuˬ deuˬ miˬ dzaˬ puiˆ byoˆ jiˇ-euˬ nga. Boeˇ miˬ siˬ kʼaˬ deuˬ naw maꞈ-euˬ mehˬ shi, naw maꞈ-euˬ miˇ kʼahˬ laˆ cawˆ-awˇ, yaw muiˬ tiˬ hmˬ-iˬ maˬ dzeˇ ni, neˇ leuꞈ ni jaˆ luꞈ nga.

Iˇsaˬyaˇ 5:17

Cawˆ-iˇ taˬ-euˬ meuˬ tsoeˬ laꞈ kʼoeˇ, yawˇ zaˬ deuˬ yaˇ moꞈ tseuˆ dzaˬ-awˇ, ciꞈ myehꞈ ciꞈ zaˬ deuˬ gaˆ kʼaˇ za tehꞈ-a.

Iˇsaˬyaˇ 63:18

Muiˬ-eu shawˇ-eu nawˬ-euˬ tsawˇ haˬ pyeuꞈ-eu nga maꞈ, muiˇ-eu deuˬ neh tiˬ kʼehˬ tiˬ yamˬ bi teh doˆ-awˇ, nawˬ-euˬ muiˬ-eu shawˇ-eu jawˇ duˬ kʼoeˇ-ahˇ, aˬ yawꞈ maꞈ tsawˬ nawˬ nawˬ-euˬ meh.

Yeˬlaˬmiˇ 17:4

Ngaˬ neh naw maꞈ-ahˇ biꞈ taˬ-euˬ miˇ kʼahˬ naw maꞈ ya byehˇ dzeh-awˇ, maˬ siˬ maˬ suˇ-eu miˇ kʼahˬ laꞈ kʼoeˇ, naw maꞈ-ahˇ muiˇ-eu tsawˇ haˬ deuˬ neh kʼehˇ-euˬ gaˇ-ahˇ naw maꞈ ya mˇ tehꞈ-a. Aˬ jeˬ miˇ neh ehˇ naˇ, ngaˬ-euˬ nui pehˇ miˬ dzaˬ doꞈ gaˇ duˇ-awˇ, tiˬ jawˇ-iˬ maˬ miˆ-iˇ-a.”

Yeˬlaˬmiˇ 6:12

Aˬ yawꞈ maꞈ-euˬ nymˇ deuˬ aˬ cawˬ-ahˇ ya biꞈ-awˇ, deh yaˇ hawˇ-eu miˬ zaˬ ya a nehˬ gaˇ keuˆ ni, miˇ kʼahˬ heu kʼahˬ-ahˇ ngaˇ kʼehˬ ma.

Yeˬsaˬgeˬlaˇ 7:21

Sahˬpaˬ Miˬyehˇ ehˇ-eu, “Aˬ cawˬ tsawˇ jeuˬ deuˬ neh aˬ yawꞈ maꞈ-ahˇ tahˇ joe bi joe dzaˬ ma. Haiˬ dui dui-eu tsawˇ haˬ deuˬ aˬ yawꞈ maꞈ-euˬ pyuˇ shuiˇ myawˬ gahˬ dawˬ tawˆ luꞈ yuˇ geuꞈ jiˇ-awˇ, laˆ jawꞈ jiˇ tehꞈ-a.

Yeˬsaˬgeˬlaˇ 7:24

Haiˬ dui dui-eu tsawˇ jeuˬ deuˬ-ahˇ ngaˇ kuˇ ahˇ-awˇ, naw maꞈ-euˬ nymˇ laꞈ kʼoeˇ bi jawˇ geuꞈ ma. Naw maꞈ uˬ duˬ tahˬ-euˬ jawˇ duˬ kʼoeˇ deuˬ-ahˇ aˬ cawˬ tsawˇ jeuˬ deuˬ neh ngaˇ yehˬ bawˬ-ehˇ bi jahˇ ngeh, gʼaˬ kʼaˆ dui dui-eu naw maꞈ-euˬ tsawˇ haˬ deuˬ laˇ baˇ-iˇ tehꞈ-a.

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

Hawˇseˬ 8:8

Iˇsaˬleˬlaˆ-euˬ miˇ kʼahˬ kʼawꞈ, aˬ cawˬ-euˬ miˇ kʼahˬ deuˬ loꞈ-ehˇ, saˇ baoˬ yaw pehꞈ-ahˇ duˇ-eu meh.

Zeˬpaˬniˇ 1:13

Aˬ yawꞈ maꞈ tahˇ joe bi joe-awˇ, nymˇ deuˬ bi deh pyaˆ jiˇ tehꞈ-a. Yawˬ ha neh tsoˆ taˬ-euˬ nymˇ muiˬ, yawˬ ha maˬ ya jawˇ gaˇ keuˆ-awˇ, yawˬ ha mˇ-euˬ aˬ gaꞈ yaˇ kmˇ, aˬ gaꞈ dzaˇ uiˇ maˬ ya dawˇ-aˇ.”