Neˬhaˬmiˇ 9:37 - Akha

³⁷ Miˇ kʼahˬ heu kʼahˬ-ahˇ nga maꞈ kʼaˇ mˇ za-euˬ jeˬ, nga maꞈ iˬ baˇ mˇ-euˬ miˇ neh nga maꞈ kʼoeˇ taˆ nawˬ neh bi uˆ lahˇ-euˬ sahˬ paˬ deuˬ-euˬ laꞈ-ahˇ le jiˇ-euˬ meh. Nga maꞈ hawˇ-eu nga maꞈ-euˬ jeˬ zaˬ deuˬ-ahˇ, sahˬ paˬ kʼoeˇ deuˬ kʼaˇ jahˇ mawˬ-eu jahˇ-eu miˇ neh, nga maꞈ nui ma cawˆ dui dui-eu ma.”

Neˬhaˬmiˇ 9:37 交叉參考

Eˇzaˬlaˬ 4:13

Sahˬ paˬ-oˇ, meuˬ kʼoeˇ meuˬ-ahˇ paˇ tsoˆ muiˬ gʼaˬ-awˇ, meuˬ meuˬ lahˇ paˇ gawˬ muiˬ gʼaˬ naˇ, tsawˇ haˬ kʼoeˇ deuˬ nawˬ-ahˇ kawˬ maˬ paˇ doˆ ni byehˇ-awˇ, nawˇ kawˬ taꞈ za-eu pyuˇ paw teˬ dui dui-iˇ tehꞈ-a.

Eˇzaˬlaˬ 6:8

Aˬ yawꞈ maꞈ kʼoeˇ loꞈ-ehˇ tsoˆ gaˇ caw ba nehˬ-awˬ lehˇ ngaˇ naw maꞈ-ahˇ dawˬ biꞈ-eu ma. Gaˇ maˬ tsehˆ leˇ ni mˇ daˆ leꞈ nya ni, kʼoeˇ gaˇ jiˇ leˇ-euˬ pyuˇ deuˬ-ahˇ, Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ taꞈ za-euˬ sahˬ paˬ-euˬ pyuˇ laꞈ kʼoeˇ yuˇ doˆ-awˇ yaw kawˇ-ehˇ biꞈ nehˬ-awˬ.

Eˇzaˬlaˬ 7:24

Piˇ ma deuˬ, Leˬbiˇ tsawˇ haˬ deuˬ, caˇ dawˬ caˇ-eu deuˬ, Uˬ duˬ tahˬ nymˇ nymˇ ma-ahˇ loꞈ piˇ-eu tsawˇ haˬ deuˬ hawˇ-eu gaˇ mˇ-eu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ taꞈ leˇ-eu tsawˇ haˬ deuˬ-ahˇ naw maꞈ kawˬ maˬ ya taꞈ-a.

Neˬhaˬmiˇ 5:8

heu loꞈ-ehˇ ehˇ nehˬ-euˬ ma. “Maˬ gʼeh nya-ehˇ pyeuꞈ laˇ-awˇ aˬ cawˬ tsawˇ jeuˬ-euˬ laꞈ-ahˇ ahˬ ahˇ nehˬ-eu lehˇ gʼeh-eu Yuˇdaˆ tsawˇ haˬ deuˬ-ahˇ aˬ dui kʼaˇ gʼeh nya-eu loꞈ-ehˇ zeuˇ kʼoꞈ nehˬ-euˬ ma. Nymˬ-mˇ poˆ jawˇ-aˬ, yawˬ ha tsawˇ jeuˬ pyeuꞈ-eu Yuˇdaˆ tsawˇ haˬ-ahˇ yawˬ ha paˇ zeuˇ geuꞈ-eu lehˇ naw maꞈ leh jeh luꞈ-eu nga laˬ.” Aˬ yuiꞈ aˬ tsu kʼoeˇ deuˬ ciˬ cuˇ ni jawˇ-awˇ tiˬ jeˬ-iˬ maˬ ngehˬ maˬ tmˇ nya ni pyeuꞈ-iˇ-euˬ meh.

Ngoeˇ dawˬ 5:5

Nga maꞈ-ahˇ kʼaˆ daˬ baꞈ daˆ-awˇ, maˬ naˬ ni teh nehˬ laꞈ-eu meh.

Uˬ duˬ 26:17

Aˬ cawˬ naw maꞈ-ahˇ bi gʼaˬ leˇ ni, naw maꞈ-ahˇ ngaˇ byehˇ dzeh-awˇ, naw maꞈ-ahˇ muiˇ-eu tsawˇ haˬ deuˬ naw maꞈ kʼoeˇ taˆ uˇ lahˇ tehꞈ-a. Naw maꞈ tsawˬ guˆ-iˇ dui dui-eu miˇ neh, aˬ cawˬ naw maꞈ-ahˇ maˬ teh kʼawꞈ, naw maꞈ cehˆ cehˆ-ehˇ jawˇ tehꞈ-a.

Yoˇhaˬ 8:33

Aˬ yawꞈ maꞈ ehˇ-eu, “Nga maꞈ Aˬbyaˬhaˬ-euˬ zaˬ deuˬ uˆ deuˬ ma. Aˬ cawˬ-euˬ zaˬ kʼaˆ kʼawꞈ tiˬ jawˇ-iˬ maˬ geuꞈ haw-aˬ. ‘Naw maꞈ ya buˬ-iˇ tehꞈ-a’ lehˇ nawˇ ehˇ-eu teu, aˬ jeˬ ehˇ mawꞈ te.”

Dawˬmehˬ 28:33

Shaˬ-eu zahˬ-eu laꞈ kʼoeˇ nawˬ neh ka taˬ-euˬ dzaˬ la gʼo cehˇ deuˬ-ahˇ, maˬ siˬ maˬ suˇ-eu boeˇ miˬ siˬ kʼaˬ deuˬ neh bi yuˇ geuꞈ jiˇ tehꞈ-a. Nawˬ-euˬ gʼaˇ duˬ tiˬ pawꞈ-iˬ maˬ bi dzeˇ yaꞈ-eu uˬ taꞈ, aˬ cawˬ neh bi kʼehˬ-awˇ, bi kʼaˆ dzaˬ gaˇ keuˆ ni nawˇ ya daˬ tehꞈ-a.

Dawˬmehˬ 28:39

Aˬ gaꞈ aˇ bawˬ ka-awˇ laˆ saˆ kʼawꞈ, aˬ gaꞈ aˇ bawˬ-ahˇ boeˬ dzaˬ-eu miˇ neh, aˬ gaꞈ aˇ siˬ maˬ za le-ehˇ, aˬ gaꞈ dzaˇ uiˇ maˬ ya dawˇ ni ya jawˇ tehꞈ-a.

Dawˬmehˬ 28:48

Kʼoeˇ miˇ neh, Sahˬpaˬ Miˬyehˇ neh nawˇ jawˇ gaˇ pyehˬ gʼeh leꞈ-euˬ muiˇ-eu deuˬ-ahˇ nawˇ gaˇ ya mˇ nehˬ tehꞈ-a. Nawˇ-aˬ, hawˬ hawˇ-eu iˇ cuꞈ ya dzahˬ-awˇ, mehˬ tsoeˬ maˬ ya dm-ehˇ neˇ nyawˆ ni ya jawˇ-eu uˬ taꞈ, maˬ loˬ-eu tiˬ jeˬ-iˬ maˬ baw ni ya dehꞈ tehꞈ-a. Nawˇ ya luˬ ya seˇ-iˇ ngeh keuˆ ni, Sahˬpaˬ Miˬyehˇ nawˬ-ahˇ yaw kʼaˆ kʼaˆ-ehˇ kʼehˬ nehˬ laꞈ tehꞈ-a.

Dawˬmehˬ 28:51

Nawˬ-euˬ mawˇ neˇ hawˇ-eu dzaˬ la gʼo cehˇ deuˬ-ahˇ aˬ yawꞈ maꞈ dzaˬ-awˇ, nawˇ gʼaˬ-aˬ, ya mehꞈ sehꞈ leꞈ tehꞈ-a. Dzaˬ la gʼo cehˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, mawˇ neˇ maˬ ehˇ, aˬ yawꞈ maꞈ tiˬ pawꞈ-iˬ maˬ bi jaˆ yaꞈ-eu miˇ neh, nawˇ ya shiˇ tehꞈ-a.