Neˬhaˬmiˇ 9:11 - Akha

¹¹ Iˬ ma laˆ shaˆ-ahˇ nawˇ gaˇ ma shaˇ dahˇ-awˇ, nawˬ-euˬ tsawˇ haˬ deuˬ gui coˇ ni tsehˆ doˆ-euˬ meh. Aˬ yawꞈ maꞈ-euˬ mehˬ nah teh le-euˬ tsawˇ haˬ deuˬ, laˆ shaˆ-ahˇ ga puꞈ-euˬ kʼaˬ lo loꞈ-ehˇ, yaw naꞈ-ahˇ bi dahˬ sehꞈ-euˬ meh.

Neˬhaˬmiˇ 9:11 交叉參考

Jaceuq 66:6

Iˬ ma laˆ shaˆ-ahˇ gui coˇ ni gʼeh-eu miˇ tsaˬ bi pyeuꞈ-iˇ-awˇ, aˬ dui-euˬ aˬ poeˬ aˬ bawˇ deuˬ lawˇ baˬ baˬ ma-ahˇ aˬ kuiˇ neh tsehˆ-euˬ meh. Aˬ yawꞈ neh mˇ-euˬ gaˇ baˬ da neh, kʼoeˇ gaˇ aˬ dui laˬ kʼaˬ cehˇ-euˬ ma.

Jaceuq 78:13

Iˬ ma laˆ shaˆ-ahˇ aˬ yawꞈ dehˬ paˆ-awˇ, aˬ yawꞈ maꞈ-ahˇ sheuˬ doˆ nehˬ-eu laꞈ kʼoeˇ, iˇ cuꞈ-ahˇ kaˇ pyawˇ loꞈ-ehˇ aˬ yawꞈ bi jaˆ-euˬ meh.

Doˆ-iˇ 14:14

Naw maꞈ tiˬ jeˬ-iˬ jahˇ-eu maˬ loˬ-a. Naw maꞈ gʼaˇ duˬ Sahˬpaˬ Miˬyehˇ guiˇ deuˆ tehꞈ-a.”

Doˆ-iˇ 14:25

Aˬ yawꞈ maꞈ-euˬ mahˬ laˆ lawˬ aˇ beuˆ suꞈ-iˇ-awˇ, maˬ teh gahˇ nya ni bi pyeuꞈ-iˇ-euˬ meh. “Sahˬpaˬ Miˬyehˇ Iˇsaˬleˬlaˆ tsawˇ haˬ paw jawˇ-awˇ, aˬ dui-ahˇ guiˇ deuˆ luꞈ-eu nga. Aˬ dui maꞈ heu gaˇ neh doˆ-iˇ kaˇ-euˇ” lehˇ, Iˇjiˇtuˆ tsawˇ haˬ deuˬ ehˇ-eu meh.

Doˆ-iˇ 14:29

Ehˇ kʼawꞈ, Iˇsaˬleˬlaˆ tsawˇ haˬ deuˬ-aˬ, kaˇ pyawˇ loꞈ-ehˇ nyiˬ paw paˆ luꞈ iˇ cuꞈ dahˬ goˇ taˬ-euˬ gʼahˇ ceh, gui coˇ ni gʼeh-eu miˇ tsaˬ-ahˇ nawˬ-awˇ, iˬ ma laˆ shaˆ cehˆ doˆ-euˬ meh.

Yeˬlaˬmiˇ 32:20

Aˇ hu ba Iˇjiˇtuˆ miˇ kʼahˬ laꞈ kʼoeˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ nawˇ mˇ-euˬ loꞈ-ehˇ, nymˬ-mˇ kʼawꞈ, Iˇsaˬleˬlaˆ miˇ kʼahˬ hawˇ-eu miˇ kʼahˬ nui deuˬ laꞈ kʼoeˇ nawˇ kʼoeˇ loꞈ-ehˇ mˇ luꞈ-eu miˇ neh, mˬ dzeˇ miˇ dzeˇ keuˆ ni nawˬ-ahˇ siˬ nya luꞈ meh.

1 Gawˇliˬtu 10:1

Aˬ yuiꞈ aˬ nyiˇ Ka li zaˬ deuˬ-oˇ, Moˇseˬ-euˬ mehˬ nah caw teh-euˬ aˬ dui-euˬ aˬ poeˬ aˬ bawˇ deuˬ aˬ joˆ-ehˇ pyeuꞈ yaꞈ-euˬ gaˇ kawˆ naw maꞈ bi noeˬ mawˇ mawꞈ miˇ-a. Aˬ yawꞈ maꞈ dawˬ tawˆ luꞈ-ahˇ mˬ dmˇ dehˬ kaˬ nehˬ-awˇ, Iˬ ma laˆ shaˆ Yaw neˇ-ahˇ bi tsehˆ doˆ-euˬ meh.

HeˬByehˇ 11:29

Iˇsaˬleˬlaˆ tsawˇ haˬ deuˬ Iˬ ma laˆ shaˆ Yaw neˇ nyiˬ tsehˆ-ehˇ gui coˇ ni gʼeh-eu miˇ tsaˬ-ahˇ nawˬ-awˇ tsehˆ doˆ nya-euˬ kʼoeˇ-aˬ, jah-eu jeˬ baˬ da neh meh. Iˇjiˇtuˆ tsawˇ haˬ deuˬ kʼoeˇ loꞈ-ehˇ tsehˆ doˆ-eu lehˇ leh jeh ngeh, iˇ cuꞈ neh bi dahˬ pymˬ sehꞈ jiˇ-euˬ meh.

Panmaeq 18:21

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ lo lehˬ hui ni ahˇ-eu kʼaˬ lo tiˬ siˬ iˬ ma laˆ shaˆ-ahˇ baꞈ puꞈ gʼeh-awˇ, heu loꞈ-ehˇ ehˇ-eu meh. “Huiˬ dui dui-eu Baˬbuˇloˬ meuˬ, heu loꞈ-ehˇ bi baꞈ dzeh gʼeh-awˇ, tiˬ jawˇ-iˬ maˬ paˇ ya mawˇ-aˇ.