Neˬhaˬmiˇ 4:11 - Akha

¹¹ Aˬ yawꞈ maꞈ nga maꞈ jawˇ gaˇ oe tehˬ leꞈ-awˇ, nga maꞈ-ahˇ sehꞈ-awˇ nga maꞈ-euˬ gaˇ heu maˬ paˇ mˇ nya ni ya naˬ leˇ ngeh maˬ ngeuˇ naˇ, aˬ yawꞈ maꞈ-ahˇ nga maꞈ maˬ mawˇ nya-ehˇ, aˬ jeˬ keuˆ le luꞈ-eu gaˇ kawˆ maˬ siˬ nya-aˇ lehˇ nga maꞈ-ahˇ muiˇ-eu deuˬ noeˬ luꞈ meh.

Neˬhaˬmiˇ 4:11 交叉參考

2 Saˬmeuˬlaˆ 17:2

Nymˇ ciꞈ Daˬbiˇ-euˬ mehˬ nah ngaˇ caw teh-iˇ ma. Aˬ yawꞈ gʼaˬ doeˇ doeˇ-awˇ nui ma cawˆ dui dui luꞈ ngeh, ngaˇ aˬ yawꞈ-ahˇ guiˇ deuˆ ma. Aˬ yawꞈ tsawˬ guˆ-iˇ-awˇ, aˬ yawꞈ-euˬ tsawˇ haˬ deuˬ cehˆ byoˆ jiˇ tehꞈ-a. Sahˬ paˬ-ahˇ tehꞈ-ehˇ ngaˇ sehꞈ ma.

Neˬhaˬmiˇ 4:10

Yuˇdaˆ tsawˇ haˬ deuˬ heu loꞈ-ehˇ caˇ dawˬ tiˬ bymˇ caˇ-euˬ meh. 2 “Kʼaˆ behˆ baꞈ-eu maˬ gʼaˬ leˇ nya. 2 Meu lahˇ coˬ pyaˆ taˬ-awˇ jaˆ-eu, yaw cawˆ maˬ baꞈ dzeh jiˇ coeˇ nya. 2 Iˬ nah meuˬ lahˇ aˬ joˇ gawˬ nmˇ.”

Neˬhaˬmiˇ 4:12

Nga maꞈ-ahˇ muiˇ-eu tsawˇ haˬ deuˬ nga maꞈ-ahˇ kʼoeˇ loꞈ-ehˇ jahˇ laˇ-eu lehˇ lehˬ hmˬ luꞈ-eu gaˇ kawˆ, muiˇ-eu tsawˇ haˬ kʼoeˇ deuˬ nehˬ-ehˇ jawˇ luꞈ-eu Yuˇdaˆ tsawˇ haˬ deuˬ tiˬ poˆ saˇ-iˬ tiˬ poˆ ehˇ gaˬ laˇ tehˇ tehˬ-eu meh.

Neˬhaˬmiˇ 4:9

Ehˇ kʼawꞈ, nga maꞈ Miˬyehˇ-ahˇ guiˬ lahˬ shaˇ-awˇ, aˬ yawꞈ maꞈ laˇ gaˇ uˬ ciꞈ nah gʼahˇ maˬ ehˇ bi loꞈ-euˬ ma.

Jaceuq 56:6

Aˬ yawꞈ maꞈ tiˬ kawˆ loꞈ-ehˇ lehˬ hmˬ-eu laꞈ kʼoeˇ, ngaˇ kʼaˇ mˇ kʼaˇ shaˇ-eu jeˬ-ahˇ kʼoeˬ sho haw luꞈ meh.

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Gʼaˬkʼehˇ 23:12

Uˬ bya bya laˇ ngeh, Yuˇdaˆ tsawˇ haˬ tiˬ deuˬ tahˬ dzoeˇ-awˇ, Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ saˇ jaˇ dzaˬ-euˬ meh.

Gʼaˬkʼehˇ 23:21

Ehˇ kʼawꞈ, aˬ yawꞈ maꞈ ehˇ gaˇ taˬ naˇ haˬ. Aˬ jeˬ miˇ neh ehˇ naˇ, tsawˇ haˬ oeˬ tseˇ gʼaˬ dzehˬ ni dzuˇ zaꞈ-awˇ loꞈ luꞈ-eu meh. Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ aˬ yawꞈ maꞈ saˇ jaˇ dzaˬ tsehˆ taˬ-euˬ meh. Nymˬ-mˇ aˬ yawꞈ maꞈ lehˬ hmˬ dah jiˇ taˬ-awˇ nawˬ neh ngehˬ tsehˆ ehˇ tsehˆ-euˬ dawˬ-ahˇ loꞈ luꞈ-eu tehꞈ meh.”

1 Teˇsaˬloˇni 5:2

Aˬ jeˬ miˇ neh ehˇ naˇ, Sahˬpaˬ Yeˬsuˇ-euˬ Aˇ nah-aˬ, uˬ ciꞈ sehˇ gʼahˇ smˇ kʼoeˬ tahˇ joe oe-eu loꞈ-ehˇ maˬ noeˬ maˬ duˇ-ehˇ jawˇ ngeh keuˆ le tehꞈ-a lehˇ naw maꞈ siˬ duˬ taˬ-euˬ meh.