Naˬhmˬ 1:4 - Akha

⁴ Laˆ shaˆ-ahˇ aˬ yawꞈ dawˬ biꞈ-awˇ, laˆ shaˆ iˇ cuꞈ bi gui-iˇ-awˇ, lawˇ baˬ iˇ cuꞈ gui jiˇ-eu meh. Gaˬlaˬmeˬlaˇ gawˬ jawˬ koˆ-iˇ, Baˬshaˬ deh ga gui-iˇ jiˇ-awˇ, Leˬbaˬnoˬ gawˬ jawˬ-ahˇ poˬ-eu, aˇ yehˆ nyoeˬ jiˇ koˆ jiˇ-eu meh.

Naˬhmˬ 1:4 交叉參考

Aˇ dahˬ 8:1

Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ-eu jeˬ zaˬ deuˬ-ahˇ Miˬyehˇ maˬ ngehˇ-a. Aˬ yawꞈ jaˬ lehˇ bi baw laˇ-awˇ, iˇ cuꞈ bi aw-iˇ-euˬ meh.

2 Saˬmeuˬlaˆ 22:16

Aˬ yawꞈ-ahˇ muiˇ-eu tsawˇ haˬ-ahˇ, Sahˬpaˬ Miˬyehˇ lmˬ doˆ laˇ-awˇ, naˇ mehˇ naˇ saꞈ baw dzeh leꞈ ngeh, laˆ shaˆ duˬ kʼawꞈ mawˇ jiˇ laˇ-awˇ, miˇ tsaˬ dawˬ peh duˬ puˇ dawˬ tawˆ, neˇ myawˆ ni mawˇ jiˇ laˇ tehꞈ-a.

Yawˇbaˆ 38:11

Iˬ ma laˆ shaˆ iˇ cuꞈ aˬ geu gaˇ keuˆ ni ya dahˬ keuˆ-awˇ, iˇ luˆ dzeh keuˆ nya-eu jawˇ duˬ ngaˇ mehˬ duˬ taˬ-euˬ ma.

Jaceuq 104:7

Iˇ cuꞈ-ahˇ nawˇ dehˬ ngeh iˇ cuꞈ cehˆ byoˆ-awˇ, nawˇ yaw kʼaˆ-ehˇ guˇ-awˇ dawˬ biꞈ ngeh cehˆ byaˆ jiˇ-eu meh.

Jaceuq 106:9

Iˬ ma laˆ shaˆ yaw neˇ-ahˇ aˬ yawꞈ dawˬ biꞈ-awˇ, gui coˇ ni bi pyeuꞈ-iˇ-eu laꞈ kʼoeˇ, aˬ yawꞈ-euˬ tsawˇ haˬ deuˬ-ahˇ sheuˬ doˆ gʼeh-euˬ meh.

Jaceuq 114:3

Iˬ ma laˆ shaˆ yaw neˇ ciˬ pyawˇ-awˇ cehˆ-euˬ meh. Yawˇdaˬ lawˇ baˬ gawˆ mehˇ paw yoeˇ daˆ leꞈ-euˬ meh.

Jaceuq 114:5

Iˬ ma laˆ shaˆ-oˇ, aˬ jeˬ miˇ neh nawˬ ya cehˆ yawˬ ta. Yawˇdaˬ lawˇ baˬ-oˇ, aˬ jeˬ miˇ neh nawˇ tahˬ poˆ-ehˇ ya yoeˇ kʼoꞈ ta.

Jaceuq 18:16

Yaw goˇjawˇ-eu SahˬpaˬMiˬyehˇ, ngaˇjawˇgaˇjeh miˇkeuˆle-awˇ, iˇcuꞈnaꞈgaˇgʼeu doˆ-euˬmeh.

Jaceuq 74:15

Lawˇ kʼmˬ lawˇ gawˆ-ahˇ nawˇ iˇ cuꞈ bi yoeˇ-awˇ, Lawˇ baˬ baˬ ma deuˬ-ahˇ iˇ cuꞈ bi guiˇ-iˇ-eu meh.

Iˇsaˬyaˇ 33:9

Miˇ kʼahˬ ngoeˇ doˆ laˇ-awˇ gʼaˬ baˬ-iˇ luꞈ meh. Leˬbaˬnoˬ sahˬ kʼaˆ nyoeˬ-iˇ-awˇ, miˇ muiˬ muiˬ-eu Shaˬloˬ deh kʼawꞈ, kʼaˇ shuiꞈ deh yaˇ pyeuꞈ-iˇ-euˬ meh. Baˬshaˬ miˇ tsaˬ hawˇ-eu Gaˬlaˬmeˬlaˇ gawˬ jawˬ, aˇ bawˇ aˇ paꞈ ga jiˇ-euˬ meh.

Iˇsaˬyaˇ 42:15

Gawˬ jawˬ gawˬ duˇ deuˬ-ahˇ ngaˇ laˆ cawˆ-awˇ, sahˬ lahˬ aˇ bawˇ deuˬ bi koˆ-iˇ jiˇ ma. Lawˇ baˬ deh ga deuˬ-ahˇ kʼaˇ shuiꞈ shuiꞈ yaˇ bi pyeuꞈ-iˇ-awˇ, iˇ cuꞈ lah deuˬ bi gui-iˇ ma.

Iˇsaˬyaˇ 44:27

Ngaˇ dawˬ kʼaˆ tiˬ dawˬ biꞈ-awˇ, iˬ ma laˆ shaˆ-ahˇ bi gui-iˇ-euˬ ma.

Iˇsaˬyaˇ 51:10

Nawˬ neh ka kʼoꞈ-euˬ deuˬ tsehˆ doˆ nya ni, iˬ ma laˆ shaˆ gui coˇ ni laˆ pyeuꞈ-awˇ, iˇ cuꞈ gʼahˇ ceh gaˇ jawˬ shaˇ dahˇ-euˬ kʼawꞈ nawˇ meh.

Yeˬsaˬgeˬlaˇ 30:12

Niˬlaˇ lawˇ baˬ ngaˇ laˆ tsiˇ-awˇ, haiˬ-eu tsawˇ haˬ deuˬ-euˬ laꞈ-ahˇ, miˇ kʼahˬ kʼoeˇ kʼahˬ ahˬ ahˇ nehˬ ma. Aˬ cawˬ tsawˇ jeuˬ aˬ laꞈ laꞈ kʼoeˇ, miˇ kʼahˬ kʼoeˇ bi laˆ byoˆ meh lehˇ, Ngaˇ Sahˬpaˬ Miˬyehˇ ehˇ-eu ma.”

Yeˬsaˬgeˬlaˇ 38:20

Ngaˬ shaˬ aˇ jiˇ dawˬ tawˆ luꞈ maˬ ehˇ, jeˬ zaˬ yaw huiˬ yaw nyiˇ yawˬ jeˬ na luꞈ maˬ ehˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ zaˬ dawˬ tawˆ luꞈ maˬ ehˇ, ngaˬ-ahˇ guˆ-awˇ yaw dzuˬ dzuˬ tehꞈ-a. Gawˬ jawˬ coˬ le-awˇ, lo guˇ byaˆ-iˇ-eu uˬ taꞈ, meuˬ lahˇ kʼaˇ ngeuˇ-eu coˬ pyaˆ jiˇ tehꞈ-a.

Aˬmoˆ 1:2

Aˬmoˆ ehˇ-eu, “Ziˇoˬ meuˬ-euˬ gawˬ jawˬ kʼoeˇ taˆ, Sahˬpaˬ Miˬyehˇ lmˬ luꞈ-eu meh. Yeˬluˇsaˬlehˬ meuˬ laꞈ kʼoeˇ neh, yawꞈ-euˬ teˇ saˇ gaˬ doˆ laˇ-eu, mˬ jeˬ tsawˬ tehˆ tehˆ gaˇ duˇ meh. Jeˬ zaˬ gaˆ kʼahˬ gui-iˇ jiˇ-awˇ, Gaˬlaˬmeˬlaˇ gawˬ jawˬ uˬ du, yaˇ moꞈ nyoeˬ jiˇ koˆ jiˇ-euˬ meh.”

Aˬmoˆ 5:8

Sahˬpaˬ Miˬyehˇ aˬ guiˇ beh-awˇ, yaw zahˇ-ahˇ mˬ bi bya laˇ-awˇ, nah gʼahˇ-ahˇ mˬ bi ciꞈ le meh. Laˆ shaˆ iˇ cuꞈ yawꞈ kuˇ daˆ-awˇ, miˇ tsaˬ kʼoeˇ taˆ shehˆ shehˬ-eu meh. Yawꞈ tsawˇ myahˇ Sahˬpaˬ Miˬyehˇ meh.

Maꞈtehˬ 8:26

Yeˬsuˇ ehˇ-eu, “Jah-eu gʼaˬ baˬ dui dui-eu tsawˇ haˬ deuˬ-oˇ, Aˬ jeˬ miˇ neh teu naˆ naˆ-ehˇ guˆ te.” Kʼoeˇ naˇ, aˬ yawꞈ tuˇ-awˇ, jaˬ lehˇ hawˇ-eu lah-ahˇ dehˬ ngeh, ciˬ cuˇ ni pyeuꞈ-iˇ-euˬ meh.

Yawˇshuˆ 3:16

iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.