Miˇkaˬ 1:9 - Akha

⁹ Saˬmaˬliˆ meuˬ-euˬ naˇ gawˇ maˬ paˇ laˆ saˆ nya-ehˇ, Yuˇdaˆ miˇ kʼahˬ kʼawꞈ kʼoeˇ loꞈ-ehˇ duˇ ni ya naˇ ya gawˇ-eu keuˆ le taˬ-euˬ meh. Ngaˬ-euˬ tsawˇ haˬ deuˬ jawˇ-eu Yeˬluˇsaˬlehˬ meuˬ-euˬ lahˇ kʼehˬ-ahˇ, luˬ-iˇ seˇ-iˇ-eu jeˬ keuˆ le taˬ-euˬ meh.”

Miˇkaˬ 1:9 交叉參考

Iˇsaˬyaˇ 3:26

Meuˬ meuˬ lahˇ tsawˇ ngoeˇ ngoeˇ-awˇ, meuˬ-euˬ jawˬ gʼehˇ dzawˇ ngeh, neˇ myawˆ ni miˇ tsa nuiˇ-eu zaˬ miˬ zaˬ-ahˇ duˇ tehꞈ-a.

Iˇsaˬyaˇ 36:1

Yuˇdaˆ miˇ kʼahˬ-ahˇ Heˬsaˬgiˇ uˆ lahˇ-eu tseˇ oeˬ kʼoꞈ tiˬ kʼoꞈ-ahˇ, Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni gʼeh-eu meuˬ deuˬ-ahˇ Aˬshuˇliˆ sahˬ paˬ Saˬneˬkaˬliˇ deuˆ gʼaˬ-euˬ meh.

Iˇsaˬyaˇ 36:2

Kʼoeˇ naˇ, aˬ yawꞈ-euˬ guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ-ahˇ, guiˇ maꞈ maꞈ ma sheuˬ-awˇ Laˬkiˇshaˆ meuˬ-ahˇ neh Yeˬluˇsaˬlehˬ meuˬ-ahˇ sahˬ paˬ Heˬsaˬgiˇ jawˇ gaˇ bi iˇ-euˬ meh. Laꞈ taˆ paw-euˬ lah-ahˇ neh meuˬ-ahˇ iˇ cuꞈ yuˇ ahˇ-euˬ uiˇ kʼehˬ dawˬ peh, saˬ nmˇ saˬ paˇ mˇ-eu jawˇ duˬ-ahˇ jaˆ-eu gaˇ jawˬ-ahˇ, yaw huiˬ yaw mahˇ kʼoeˇ gʼaˬ jawˇ naˬ-euˬ meh.

Yeˬlaˬmiˇ 15:18

Aˬ jeˬ miˇ neh ngaˬ-euˬ naˇ gawˇ taˬ leˇ-euˬ maˬ baw ta. Jawˇ la yamˬ-ahˇ gui-iˇ-eu lawˇ gawˆ loꞈ-ehˇ, nawˇ ngaˬ-ahˇ bi shaˬ-eu gʼeh te loˇ.”

Yeˬlaˬmiˇ 46:11

Iˇjiˇtuˆ tsawˇ haˬ-oˇ, Giˇlaˆ miˇ kʼahˬ-ahˇ jaˆ gʼaˬ poˆ leˇ sheˇ. Naw maꞈ-euˬ jaˆ gʼaˬ deuˬ gaˇ dahˇ maˬ paˇ tsoeˬ-ehˇ, naw maꞈ naˇ gawˇ maˬ paˇ yaˇ taˬ nya meh.

Miˇkaˬ 1:12

Luˬ-iˇ seˇ-iˇ-eu jeˬ Sahˬpaˬ Miˬyehˇ neh Yeˬluˇsaˬlehˬ meuˬ-euˬ lahˇ kʼehˬ-ahˇ tehˬ ni bi keuˆ le taˬ-euˬ miˇ neh, Maˬyawˆ meuˬ-ahˇ jawˇ-eu tsawˇ haˬ deuˬ noeˬ shaˬ dui dui-eu laꞈ kʼoeˇ saꞈ gʼawˇ daˆ-awˇ, buˬ-iˇ-eu gaˇ ma dahˇ-eu maˬ siˬ lehˇ noeˬ kʼoeˬ-awˇ gʼaˬ doeˇ doeˇ dui dui luꞈ meh.

Miˇkaˬ 6:13

Naw maꞈ-euˬ iˬ baˇ baˬ da neh naw maꞈ ya piˬ ya byoˆ-iˇ ni ngaˇ mˇ dahˬ beh gʼaˬ-euˬ ma.

Naˬhmˬ 3:19

Nawˬ-euˬ maˇ kʼehˬ maˇ naˇ yaw naꞈ, tiˬ jeˬ-iˬ maˬ laˆ taˬ nya-a. Nawˬ neh kʼehˬ nehˬ kʼaˆ nehˬ-euˬ gaˇ, maˬ daˬ haw ni dehꞈ dzeuˇ nya-euˬ, tiˬ gʼaˬ-iˬ maˬ jawˇ-eu miˇ neh, nawˬ-euˬ guiˬ lahˬ doeˇ-eu gaˇ kawˆ, kʼaˇ ya gaˬ-euˬ tsawˇ haˬ dawˬ tawˆ, laꞈ kʼawˆ tehˆ-awˇ cehˇ gʼa tehꞈ-a.