Maꞈtehˬ 12:10 - Akha

¹⁰ Aˬ laꞈ tiˬ pyawˬ shiˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh. Yeˬsuˇ-ahˇ yaw lehˬ poˆ mawꞈ-eu tsawˇ haˬ deuˬ Yeˬsuˇ-ahˇ ehˇ-eu, “Jawˇ nah-ahˇ naˇ gawˇ laˆ taˬ nehˬ-eu Zahˇ dawˬ kʼoꞈ dawˬ-ahˇ maˬ bahˬ-a loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoergar, aqlaf tiq pyawq shir-euq zaqyo aqli tiq ghaq jawr-eu mae. Tsawrhaq tiqpavnav deuq, Yeqsur-euq yawlaeq pov-awr daqler nya’ni aqyawf-anr narhaq-eu, “Landaw jawrnan ngae nan, nargawr lavsavkhmq mae laq?”

Maꞈtehˬ 12:10 交叉參考

Iˇsaˬyaˇ 32:6

Aˬ dzawˬ dawˬ doeˇ ngehˬ-awˇ, aˇ gah nui noeˬ yaw cawˆ tehꞈ meh. Aˬ dzawˬ aˇ gah mˇ-eu ngehˬ-eu, Sahˬpaˬ Miˬyehˇ-ahˇ yehˬ bawˬ sehˇ lu-ehˇ gʼeh-awˇ, mehꞈ-eu shuꞈ-eu deuˬ-ahˇ bi dzaˬ bi dawˇ-eu maˬ baw-a.

Iˇsaˬyaˇ 59:13

Nawˬ-ahˇ nga maꞈ puiˬ-awˇ byehˇ dzeh yaꞈ-euˬ laꞈ kʼoeˇ, nawˬ-euˬ mehˬ nah maˬ caw teh ni dehꞈ laꞈ-euˬ ma. Aˬ cawˬ-ahˇ nga maꞈ nawˬ dzaˬ kʼaˆ dzaˬ-awˇ, nawˬ-ahˇ nga maꞈ byehˇ dzeh-euˬ ma. Nga maꞈ nui noeˬ noeˬ-euˬ bahˬ-awˇ, nga maꞈ-euˬ dawˬ jaˬ myawꞈ mehˇ shuiˇ tehꞈ ma.

Iˇsaˬyaˇ 59:4

Naw maꞈ yaˇ kʼaˬ daˇ duˬ-ahˇ le-eu kʼawꞈ, yaw tsaˬ yaw dawˇ jeˬ naw maꞈ jawˇ paw maˬ pyawˬ-ehˇ, jaˬ myawꞈ myawꞈ-awˇ gʼaˬ leˇ ni leh jeh-eu laꞈ kʼoeˇ, aˬ cawˬ-ahˇ coeˬ leˇ-eu jeˬ toˆ-eu meh.

Zaˬkaˬliˇ 11:17

Yawˇ yawˇ maꞈ-ahˇ byehˇ dzeh taˬ-eu, doeˇ dui dui-eu yawˇ bo-eu gʼaˬ, shaˬ dui zahˬ dui ya dui tehꞈ-a. Myaˆ nuiˆ aˇ maˇ paw nuiˆ hawˇ-eu, aˬ laꞈ-ahˇ mi cehˇ deuˆ luꞈ-uˇ. Aˬ laꞈ kʼoeˇ koˆ-iˇ buꞈ-iˇ-awˇ, aˇ maˇ paw nuiˆ behꞈ tsehˆ luꞈ-uˇ.”

Maꞈtehˬ 12:2

Paˬliˬsehˇ deuˬ kʼoeˇ gaˇ mawˇ ngeh, Yeˬsuˇ-ahˇ heu loꞈ-ehˇ ehˇ nehˬ-euˬ meh. “Haw sheˇ. Nawˬ-euˬ zaˬ lahˇ deuˬ Jawˇ nah-ahˇ maˬ mˇ kʼmˬ-eu jeˬ mˇ luꞈ ngaˇ.”

Maꞈtehˬ 19:3

Paˬliˬsehˇ tiˬ paˆ na deuˬ aˬ yawꞈ jawˇ gaˇ laˇ-awˇ, aˬ yawꞈ-ahˇ lahˇ ju kʼmˇ mawꞈ-eu miˇ neh heu loꞈ-ehˇ naˇ haˬ-euˬ meh. “Aˬ jeˬ gaˇ kawˆ baˬ da neh maˬ kaˬ, kʼaˬ dzeˇ zaˬ tiˬ gʼaˬ yawˬ ha-euˬ miˬ zaˬ-ahˇ kʼoꞈ naˇ, Zahˇ dawˬ kʼoꞈ dawˬ-ahˇ tsaˬ meh loˇ.”

Maˬkuˆ 3:2

Jawˇ nah ngeh nah tsawˇ haˬ kʼoeˇ gʼaˬ-ahˇ Yeˬsuˇ laˆ taˬ nehˬ nga loˇ lehˇ haw duˬ-awˇ, Yeˬsuˇ-euˬ yaw lehˬ poˆ-eu lehˇ noeˬ gahˇ taˬ-euˬ tsawˇ haˬ tiˬ deuˬ kʼawꞈ, kʼoeˇ gaˇ jawˇ-eu meh.

Luˇkaꞈ 11:54

aˬ yawꞈ dawˬ ngehˬ bahˬ ni, dawˬ lahˇ ju kʼmˇ-eu lehˇ leh jeh-eu meh.

Luˇkaꞈ 13:14

Uˬ duˬ tahˬ nymˇ kʼoeˇ nymˇ-ahˇ uˆ lahˇ-eu aˬ yuiꞈ geuꞈ-eu gʼaˬ, Yeˬsuˇ Jawˇ nah ngeh nah naˇ gawˇ laˆ taˬ nehˬ-euˬ gaˇ nui ma pehˇ-awˇ ehˇ-eu, “Gaˇ mˇ nya-eu aˇ nah koꞈ nah jaˆ meh. Kʼoeˇ koꞈ nah laꞈ kʼoeˇ laˇ-awˇ naˇ gawˇ bi laˆ saˆ laˇ-awˬ. Jawˇ nah-ahˇ teu loꞈ-ehˇ taˬ jahˇ.”

Luˇkaꞈ 20:22

Loˇmaˆ sahˬ paˬ-ahˇ kawˬ doˆ nehˬ-eu, aˬ dui-euˬ Zahˇ dawˬ kʼoꞈ dawˬ-ahˇ bahˬ meh loˇ, maˬ bahˬ-a loˇ lehˇ tiˬ poˆ ehˇ nehˬ laꞈ sheˇ.”

Luˇkaꞈ 23:14

Aˬ yawꞈ maꞈ-ahˇ aˬ yawꞈ ehˇ nehˬ-eu, “Tsawˇ haˬ heu gʼaˬ miˇ kʼahˬ zaˬ deuˬ-ahˇ gaˇ ma sheuˬ bahˬ-euˬ meh lehˇ naw maꞈ ehˇ-awˇ ngaˇ jawˇ gaˇ sheuˬ laꞈ-euˬ meh. Naw maꞈ-euˬ mehˬ shi aˬ yawꞈ-ahˇ ngaˇ naˇ haˬ-awˇ pyehˆ tseˇ haw ngeh, naw maꞈ ehˇ-eu loꞈ-ehˇ lehˬ-eu ca-eu ngaˇ maˬ mawˇ-aˬ.

Luˇkaꞈ 23:2

Aˬ yawꞈ maꞈ Yeˬsuˇ-ahˇ iˬ baˇ poˆ-awˇ ehˇ-eu, “Tsawˇ haˬ heu gʼaˬ nga maꞈ-euˬ tsawˇ jeuˬ-ahˇ gaˇ ma sheuˬ bahˬ-awˇ, sahˬ paˬ Gehˇsaˬ-ahˇ kawˬ taˬ doˆ nehˬ lehˇ nga maꞈ-ahˇ laˆ tsoeˬ-eu uˬ taꞈ, yawˬ haˇ yawˬ ha Ka li lehˇ kuˇ-eu sahˬ paˬ ma lehˇ ehˇ-eu nga maꞈ mawˇ-euˬ ma.”

Yoˇhaˬ 5:10

Kʼoeˇ miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ naˇ gawˇ taˬ leˇ-euˬ tsawˇ haˬ kʼoeˇ gʼaˬ-ahˇ ehˇ nehˬ-eu,“Iˬ nah Jawˇ nah pyeuꞈ-eu miˇ neh, nawˬ-euˬ gawˬ pu baꞈ-awˇ cah-eu teu zahˇ dawˬ kʼoꞈ dawˬ-ahˇ bahˬ-eu meh.”

Yoˇhaˬ 5:3

Myaˆ behꞈ deuˬ, kuiˇ kuˆ deuˬ, kuiˇ shiˇ laꞈ shiˇ shiˇ-eu deuˬ ahˇ leˇ-ehˇ, naˇ-eu tsawˇ haˬ gʼawˬ mya ni sehˬ gʼawˆ kʼoeˇ deuˬ laꞈ kʼoeˇ yuꞈ luꞈ-eu meh.

Yoˇhaˬ 7:23

Jawˇ nah ngeh nah aˬ li tiˬ li-ahˇ baˆ kʼoˆ mehˬ dzaˬ yehˬ-euˬ kʼoeˇ Zahˇ dawˬ kʼoꞈ dawˬ-ahˇ maˬ bahˬ-a lehˇ ngeuˇ naˇ, Jawˇ nah ngeh nah tsawˇ haˬ tiˬ gʼaˬ-euˬ gʼawˇ mawˇ mawˇ lah-ehˇ muiˬ laˇ ni ngaˬ neh laˆ taˬ nehˬ-euˬ gaˇ, naw maꞈ aˬ jeˬ miˇ neh nui ma pehˇ te.

Yoˇhaˬ 8:6

Aˬ yawꞈ maꞈ Yeˬsuˇ-ahˇ lahˇ ju kʼmˇ paꞈ-awˇ, yaˇ kʼaˬ ja mawꞈ-eu miˇ neh, kʼoeˇ loꞈ-ehˇ ehˇ-eu meh. Ehˇ kʼawꞈ, Yeˬsuˇ awˆ kʼoꞈ taˬ-awˇ, laꞈ noeˇ neh miˇ tsaˬ-ahˇ kawˆ boꞈ kawˆ boꞈ-ehˇ jawˇ-eu meh.

Yoˇhaˬ 9:16

Paˬliˬsehˇ tsawˇ haˬ tiˬ paˆ na deuˬ ehˇ-eu, “Myaˆ nuiˆ mawˇ laˇ ni jahˇ nehˬ-euˬ kʼoeˇ gʼaˬ Miˬyehˇ jawˇ gaˇ neh oe-euˬ tsawˇ haˬ maˬ ngeuˇ luꞈ-a. Aˬ jeˬ miˇ neh ehˇ naˇ, Jawˇ nah-ahˇ ya lah ya daw-eu zahˇ sahˇ kʼoꞈ-ahˇ maˬ caw teh ni, maˬ mˇ kʼmˬ-eu jeˬ aˬ yawꞈ mˇ-euˬ nga.” Ehˇ kʼawꞈ, tiˬ paˆ na deuˬ ehˇ-eu, “Iˬ baˇ zaˬ tiˬ gʼaˬ heu naˆ naˆ-ehˇ zahˬ lehˇ paˬ-ehˇ gʼeh-eu jeˬ aˬ joˆ-ehˇ mˇ nya ta.” Aˬ yawꞈ maꞈ kʼoeˇ loꞈ-ehˇ tiˬ gʼaˬ tiˬ jeˬ noeˬ-eu meh.