Maꞈtehˬ 11:21 - Akha

²¹ “Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ “Kawrlaqseq-or! Nawr ghawqshar shaq-aer ya ghaesaef taef-a. Baeqdzerdaq-or! Nawr ghawqshar shaq-aer ya ghaesaef taef-a. Aqjeq mirnae aernar-aq, nawmaf-euq lafkhoer mr-euq baoq huiq-eu gardeuq, Durlu meuq hawr-eu Sirdoq meuq-euq lafkhoer mr-euq lawnmr-aq, aqyawfmaf arhu nae guqdar paerzeur dm-awr, khaqlaer tawvdav tawvdav-aer noeqpov noeqpar taef-a.

Maꞈtehˬ 11:21 交叉參考

Yawˇbaˆ 42:6

Kʼoeˇ miˇ neh ngaˬ neh kʼaˇ ngehˬ kʼaˇ tmˇ dzeuˇ-euˬ jeˬ-ahˇ ngaˇ shaꞈ dawˇ-eu laꞈ kʼoeˇ, kʼaˬ puiˬ kʼaˬ lehˇ tsahˬ-ahˇ jawˇ-awˇ iˬ baˇ noeˬ poˆ-eu ma.”

Yeˬlaˬmiˇ 13:27

Aˬ yawꞈ bye-eu jeˬ naw maꞈ mˇ luꞈ gaˇ, aˬ yawꞈ haw dehˆ laꞈ taˬ-euˬ meh. Aˬ cawˬ miˬ zaˬ-ahˇ bahˬ-eu kʼaˬ dzeˇ zaˬ loꞈ-ehˇ, mahˬ ma mehˬ nah teh-eu mahˬ paˬ yaw gʼeh loꞈ-ehˇ, gawˬ jawˬ gawˬ duˇ hawˇ-eu deh ga doe ni, lawˇ ciꞈ zaˬ-euˬ miˬ yehˇ-ahˇ naw maꞈ caw teh gaˇ, aˬ yawꞈ haw dehˆ laꞈ-euˬ meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ shaˬ zahˬ ya mˇ dui dui tehꞈ-a. Aˬ myah muiˬ laˇ shawˇ laˇ-eu lehˇ gʼeh te.

Yawˇlaˆ 3:4

“Duˇlu meuˬ, Siˇdoˬ meuˬ hawˇ-eu, Piˇliˇtiˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ-oˇ, naw maꞈ ngaˬ-ahˇ aˬ jeˬ jahˇ-eu lehˇ gʼeh te. Naw maꞈ ngaˬ-ahˇ tiˬ jeˬ paˬ jahˇ kʼoꞈ-eu lehˇ gʼeh te loˇ. Jahˇ kʼoꞈ ma lehˇ ngeuˇ naˇ, naw maꞈ neh kʼaˇ jahˇ-euˬ jeˬ naw maꞈ-euˬ uˬ duˬ kʼoeˇ taˆ yaw kawˇ-ehˇ paˇ keuˆ le ni ngaˇ jahˇ poˆ ma.

Aˬmoˆ 1:9

Sahˬpaˬ Miˬyehˇ ehˇ-eu, “Duˇlu meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni Eˬdoˬ miˇ kʼahˬ-ahˇ aˬ yawꞈ maꞈ nyehꞈ byoˆ gʼeh-awˇ, cawˬ cawˬ taꞈ ma lehˇ aˬ yawꞈ maꞈ neh saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ dehꞈ-a.

Maꞈtehˬ 11:22

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Yaˇ kʼaˬ daˇ-eu Aˇ nah keuˆ le ngeh, Duˇlu meuˬ hawˇ-eu Siˇdoˬ meuˬ naˆ maˬ tseˇ, naw nyaꞈ-ahˇ Miˬyehˇ kʼehˬ nehˬ laꞈ tehꞈ-a.

Maꞈtehˬ 15:21

Yeˬsuˇ jawˇ duˬ kʼoeˇ tsahˇ-ahˇ neh doˆ-iˇ-awˇ, Duˇlu meuˬ hawˇ-eu Siˇdoˬ meuˬ-euˬ gahˬ kaˬ-ahˇ iˇ-euˬ meh.

Maꞈtehˬ 18:7

Tsawˇ haˬ zaˬ-euˬ jah-eu nui ma byoˆ-iˇ ni jahˇ-eu gʼawˬ mya jeˬ jaˆ-eu baˬ da neh, miˇ tsaˬ tahˬ kʼawˇ heu aˇ naˆ ni guˆ laˇ paˬ-ehˇ gʼeh-eu nga. Kʼoeˇ loꞈ-ehˇ gʼeh-eu jeˬ aˬ myah luꞈ jaˆ luꞈ meh. Ehˇ kʼawꞈ, kʼoeˇ loꞈ-ehˇ gʼeh-eu jeˬ bi doˆ laˇ ni mˇ-eu tsawˇ haˬ deuˬ ya noeˬ shaˬ dui dui tehꞈ-a.

Maꞈtehˬ 26:24

Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-euˬ kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Maˬkuˆ 3:8

Iˇduˇmehˇ miˇ kʼahˬ-ahˇ jawˇ-eu tsawˇ haˬ deuˬ, Yawˇdaˬ lawˇ baˬ nahˇ ma doˆ kʼehˬ paw kʼahˬ-ahˇ jawˇ-eu tsawˇhaˬ deuˬ hawˇ-eu, Duˇlu meuˬ hawˇ-eu Siˇdoˬ meuˬ-euˬ gahˬ kaˬ-ahˇ jawˇ-eu tsawˇ haˬ deuˬ kʼawꞈ caw teh luꞈ-eu meh. Yeˬsuˇ neh mˇ-euˬ gaˇ deuˬ gaˇ kawˆ aˬ yawꞈ maꞈ ya gaˬ-euˬ miˇ neh, Yeˬsuˇ jawˇ gaˇ aˬ yawꞈ maꞈ oe-euˬ meh.

Maˬkuˆ 6:45

Yeˬsuˇ tsawˇ haˬ aˇ maꞈ-ahˇ bi gʼoꞈ-iˇ luꞈ ngeh, aˬ yawꞈ-euˬ zaˬ lahˇ deuˬ-ahˇ tiˬ poˆ tehˬ-ehˇ lawˬ laꞈ kʼoeˇ bi uˇ-iˇ-awˇ, lah nui baˬ-ahˇ jaˆ-eu Behˬdzeˇdaˬ meuˬ-ahˇ bi iˇ tawˬ-euˬ meh.

Maˬkuˆ 7:24

Kʼoeˇ naˇ, Yeˬsuˇ kʼoeˇ gaˇ neh doˆ-iˇ-awˇ, Duˇlu meuˬ dawˬ peh jaˆ-eu miˇ kʼahˬ-ahˇ iˇ gʼeh-euˬ meh. Aˬ yawꞈ nymˇ tiˬ nymˇ-ahˇ uˇ-iˇ-awˇ, aˬ yawꞈ kʼoeˇ gaˇ jawˇ-eu gaˇ kawˆ tsawˇ haˬ tiˬ gʼaˬ-iˬ maˬ bi siˬ mawꞈ-a. Ehˇ kʼawꞈ, aˬ yawꞈ maˬ jawˇ zaꞈ nya-a.

Maˬkuˆ 7:31

Kʼoeˇ naˇ, Duˇlu gahˬ kaˬ-ahˇ neh Yeˬsuˇ doˆ-iˇ-awˇ, Siˇdoˬ meuˬ-ahˇ neh Meuˬ tseˇ meuˬ miˇ kʼahˬ lehˇ kuˇ-eu paw iˇ gʼeh-awˇ, Gaˬliˬlehˇ lah-ahˇ iˇ doˆ-euˬ meh.

Maˬkuˆ 8:22

Kʼoeˇ naˇ, Behˬdzeˇdaˬ meuˬ-ahˇ aˬ yawꞈ maꞈ iˇ keuˆ-euˬ meh. Tsawˇ haˬ tiˬ deuˬ Yeˬsuˇ jawˇ gaˇ myaˆ behꞈ tiˬ gʼaˬ sheuˬ laꞈ-awˇ, tiˬ poˆ toeˬ ciˆ nehˬ-eu gʼaˇ duˬ, Yeˬsuˇ-ahˇ shaˇ-eu meh.

Luˇkaꞈ 4:26

Ehˇ kʼawꞈ, Eˇliˇyaˆ-ahˇ nui gʼaˬ jawˇ gaˇ maˬ kʼehˇ gʼeh-ehˇ, Siˇdoˬ miˇ kʼahˬ Zaˬleˇpaˇ meuˬ-ahˇ jawˇ-eu miˬ coeˬ miˬ ma tiˬ gʼaˬ jawˇ gaˇ tehꞈ-ehˇ kʼehˇ gʼeh-euˬ meh.

Luˇkaꞈ 6:17

Yeˬsuˇ aˬ yawꞈ-euˬ gʼaˬ kʼehˇ deuˬ nehˬ-ehˇ gawˬ jawˬ-ahˇ neh zaꞈ ka le-awˇ, myaˬ dui dui-eu zaˬ lahˇ deuˬ nehˬ-ehˇ deh ga-ahˇ yawꞈ luꞈ-eu meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, iˬ ma laˆ shaˆ lawˇ deh-ahˇ jaˆ-eu Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ uˬ taꞈ, Yuˇdaˆ miˇ kʼahˬ kʼahˬ lah ni jawˇ-eu tsawˇ haˬ deuˬ uiˬ laˇ-awˇ, tsawˇ haˬ myaˬ dui dui-eu meh. Aˬ yawꞈ mehˬ nehˬ tsoˆ nehˬ gaˇ naˇ haˬ-eu gʼaˇ duˬ hawˇ-eu, aˬ yawꞈ neh naˇ gawˇ bi laˆ taˬ-eu gʼaˇ duˬ, aˬ yawꞈ maꞈ uiˬ laˇ taˬ-euˬ meh.

Luˇkaꞈ 9:10

Gʼaˬ kʼehˇ deuˬ gʼoꞈ laˇ-awˇ, aˬ yawꞈ maꞈ neh mˇ yaꞈ shaˇ yaꞈ-euˬ gaˇ kawˆ Yeˬsuˇ-ahˇ dzawˇ nehˬ laˇ-euˬ meh. Aˬ yawꞈ maꞈ-ahˇ aˬ yawꞈ sheuˬ ceuˆ doˆ-awˇ, Behˬdzeˇdaˬ meuˬ-ahˇ sheuˬ gʼeh-euˬ meh.

Yoˇhaˬ 1:44

(Piˇliˇpuˆ-aˬ, Aˬdehˬlehˬ hawˇ-eu Beˬtuˆluˆ aˬ nyaꞈ nmˇ jawˇ-eu Behˬdzeˇdaˬ meuˬ-ahˇ jawˇ-eu meh.)

Yoˇhaˬ 12:21

Heˬlaˬsaˇ tsawˇ haˬ kʼoeˇ deuˬ, Gaˬliˬlehˇ miˇ kʼahˬ Behˬdzeˇdaˬ meuˬ-ahˇ jawˇ-euˬ Piˇliˇpuˆ jawˇ gaˇ iˇ-awˇ, “Saˬ laˬ-oˇ, nga maꞈ Yeˬsuˇ-ahˇ mawˇ mawꞈ nya” lehˇ ehˇ nehˬ-euˬ meh.

Gʼaˬkʼehˇ 12:20

Heˬloˆ-aˬ, Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ-ahˇ nui ma pehˇ dui dui-eu meh. Kʼoeˇ miˇ neh, aˬ yawꞈ maꞈ nui maˬ tiˬ siˬ tehꞈ-ehˇ taˬ-eu laꞈ kʼoeˇ, baˬ maꞈ puˇ jeˬ-ehˇ aˬ yawꞈ-ahˇ tahˬ puˬ laˇ-euˬ meh. Sahˬ paˬ-euˬ hawˇ nymˇ-ahˇ aˬ yuiꞈ geuꞈ-awˇ haw-eu pyaˆ-eu gʼaˬ pyeuꞈ-eu Baˬlaˬduˇ-ahˇ jeˬ huˬ ja cawˬ-awˇ, Heˬloˆ nehˬ-ehˇ ja tsaˬ geuꞈ leˇ-euˬ meh. Aˬ jeˬ miˇ neh ehˇ naˇ, sahˬ paˬ Heˬloˆ-euˬ miˇ kʼahˬ-ahˇ aˬ yawꞈ maꞈ dzaˬ dzaˬ dawˇ dawˇ gʼoe luꞈ-eu meh.

Gʼaˬkʼehˇ 27:3

Yawˬ nah yawˬ, Siˇdoˬ meuˬ-ahˇ nga maꞈ iˇ keuˆ-euˬ ma. Yuˇluˆ lehˇ kuˇ-eu yaw huiˬ kʼoeˇ gʼaˬ Pawˇluˆ-ahˇ gʼawˬ shaˬ gaˬ-eu miˇ neh, cawˬ deuˬ-ahˇ tahˬ puˬ leˇ-awˇ kʼaˇ loˬ-eu jeˬ bi caw ba nehˬ-eu gʼaˇ duˬ, Pawˇluˆ-ahˇ aˬ kawˬ-aˬ biꞈ-euˬ meh.

Yuˇdaˆ 1:11

Aˬ yawꞈ maꞈ aˇ naˆ ni ya noeˬ shaˬ paˬ-ehˇ gʼeh-eu nga. A yawꞈ maꞈ-aˬ, Gaˬiˇnaˆ-euˬ kuiˇ toꞈ mehˬ nah caw teh luꞈ-eu meh. Pyuˇ shuiˇ-ahˇ nui kʼahˇ jaˆ-eu laꞈ kʼoeˇ Baˬlamˬ neh mˇ lehˬ-euˬ jeˬ-ahˇ aˬ yawꞈ maꞈ mˇ-eu meh. Gawˇlaˆ neh Miˬyehˇ-ahˇ puiˬ-euˬ loꞈ-ehˇ aˬ yawꞈ maꞈ kʼawꞈ puiˬ-awˇ, Gawˇlaˆ loꞈ-ehˇ laˆ luˬ laˆ seˇ nehˬ-eu jeˬ-ahˇ ya daˬ-euˬ meh.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

Panmaeq 6:12

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ shiꞈ hmˬ tiˬ hmˬ-ahˇ ngawˬ paˆ gaˇ ngaˇ mawˇ-euˬ ma. Kʼoeˇ ngeh, miˇ luˆ luˆ dui dui laˇ-awˇ ‘nahˇ ma myahˬ naˆ-euˬ saˬ paˇ loꞈ-ehˇ zahˇ-iˇ-awˇ, ba la shiˬ loꞈ-ehˇ neˇ laˇ-euˬ meh.