Jaceuq 84:12 - Akha

¹² Baoˬ huiˬ-eu Miˬyehˇ-oˇ, nawˬ-ahˇ gʼoe-eu tsawˇ haˬ deuˬ aˇ naˆ ni laˬ kʼaˬ ya cehˇ-eu nga.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Guirmaf-euq Ya’we Miqyaer-or! Nawq-anr ghoe-eu tsawrhaq-aq, guiqlanq huiq-eu mae.

Jaceuq 84:12 交叉參考

Jaceuq 125:4

Sahˬpaˬ Miˬyehˇ-oˇ, muiˬ-eu jaˬ-eu deuˬ-ahˇ yaw muiˬ jeˬ mˇ nehˬ-awˬ. Nawˬ-euˬ dawˬ naˇ haˬ geuꞈ-eu deuˬ-ahˇ yaw muiˬ jeˬ mˇ nehˬ-awˬ.

Jaceuq 3:4

Caw ba nehˬ laꞈlehˇ ngaˇguˇngeh, gawˬjawˬyaw shawˇkʼoeˇtaˆ jawˇ-eu, SahˬpaˬMiˬyehˇ naˇhaˬ-eu meh.

Jaceuq 34:8

SahˬpaˬMiˬyehˇmuiˬdui dui-eu, yaw muiˬpaˬ-ehˇpyehˆtseˇduˬ-awˬ. Aˬyawꞈ-ahˇtahˬshaˇleˇ-eu deuˬ, laˬkʼaˬcehˇ-eu jeˬ oꞈ-eu meh.

Jaceuq 62:8

Ngaˬ-euˬ tsawˇ haˬ deuˬ-oˇ, Miˬyehˇ-ahˇ aˬ myah luꞈ gʼoe-awˬ. Naw maꞈ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-awˬ. Aˬ yawꞈ-aˬ, aˬ dui-euˬ gʼoe duˬ meh.

Iˇsaˬyaˇ 30:18

Naw maꞈ-ahˇ gʼawˬ shaˬ gaˬ nehˬ-eu gʼaˇ duˬ, Sahˬpaˬ Miˬyehˇ loꞈ luꞈ-eu meh. Aˬ yawꞈ aˬ myah luꞈ yaw tsaˬ yaw dawˇ miˇ neh, naw maꞈ-ahˇ gʼawˬ shaˬ gaˬ-eu lehˬ hmˬ taˬ-euˬ meh. Sahˬpaˬ Miˬyehˇ-ahˇ gʼoe-eu tsawˇ haˬ guiˬ lahˬ huiˬ-eu meh.

Iˇsaˬyaˇ 50:10

Naw maꞈ laꞈ kʼoeˇ Sahˬpaˬ Miˬyehˇ-ahˇ guˆ-eu siˬ nya-awˇ, aˬ yawꞈ-euˬ zaˬ kʼaˆ ehˇ dawˬ naˇ haˬ-eu deuˬ dawˬ tawˆ luꞈ, naw maꞈ cah-eu gaˇ ma zahˇ dui dui meh. Ehˇ kʼawꞈ Sahˬpaˬ Miˬyehˇ-ahˇ naw maꞈ jah-awˇ, Miˬyehˇ-ahˇ gʼoe-eu jeˬ-ahˇ taˬ ngehˇ.

Iˇsaˬyaˇ 60:19

“Nah gʼahˇ paw nahˇ ma yaw shehꞈ-ahˇ nawˇ maˬ paˇ ya gʼoe-ehˇ, uˬ ciꞈ paw ba la yaw shehꞈ-ahˇ nawˇ maˬ paˇ ya gʼoe meh. Sahˬpaˬ Miˬyehˇ pyeuꞈ-eu ngaˇ-aˬ, mˬ maˬ maˬ byaˆ zaˇ ziˇ nawˬ-euˬ yaw shehꞈ pyeuꞈ ma. Ngaˬ-euˬ yaw shehꞈ kʼahˬ sehˇ nawˬ-euˬ kʼoeˇ taˆ bya ma.