Jaceuq 83:14 - Akha

¹⁴ Yaˇ saˬ-ahˇ miˬ dzaˬ puiˆ-eu loꞈ-ehˇ maˬ ehˇ, gawˬ jawˬ-ahˇ miˬ dzaˬ puiˆ daˆ leꞈ-eu loꞈ-ehˇ maˬ ehˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Arbawr yarsaq-anr miqdzaq puiv-eu lof-aer hawr-eu, Gawqjawq-anr miqdzaq dofler-awr miqlmr nyaev-eu lof-aer,

Jaceuq 83:14 交叉參考

Yawˇbaˆ 21:18

jaˬ lehˇ neh bi hehˇ dzaˬ gʼeh-euˬ gʼo yoeˬ loꞈ-ehˇ bi baw byoˆ gʼeh-awˇ, jaˬ lehˇ lehˇ ma neh bi baw ha gʼeh-euˬ kʼaˬ lehˇ loꞈ-ehˇ jahˇ nehˬ-euˬ jaˆ ta loˇ.

Iˇsaˬyaˇ 17:13

Iˇ cuꞈ iˇ kʼawˇ oe-eu loꞈ-ehˇ, miˇ kʼahˬ tsawˇ jeuˬ deuˬ oe leꞈ kʼawꞈ, Miˬyehˇ aˬ yawꞈ maꞈ-ahˇ lmˬ ngeh, naˇ kʼah paw cehˆ gʼoꞈ-awˇ, gawˬ jawˬ uˬ du jaˆ-eu kʼaˬ lehˇ, jaˬ lehˇ neh bi baw byoˆ-eu loꞈ-ehˇ, jaˆ guˬ jaˆ gaˆ-ahˇ jaˬ lehˇ lehˇ ma hehˇ dzaˬ gʼeh-eu loꞈ-ehˇ, bi teh byoˆ jiˇ tehꞈ-a.

Iˇsaˬyaˇ 30:33

Aˬshuˇliˆ miˇ kʼahˬ-ahˇ miˬ dzaˬ yaw kʼaˆ-ehˇ bi puiˆ-eu gʼaˇ duˬ, aˇ hu ba neh lehˬ hmˬ taˬ-euˬ jawˇ duˬ jaˆ-eu meh. Kʼoeˇ-aˬ, naꞈ dui jeˇ dui dui-eu miˬ dzaˬ jehˆ bymˇ bymˇ ma meh. Miˬ dzaˬ jehˆ bymˇ kʼoeˇ bymˇ-ahˇ, miˬ dzaˬ miˬ lmˇ ahˇ-eu Sahˬpaˬ Miˬyehˇ-euˬ saꞈ neh baw-awˇ bi puiˆ tehꞈ-a.

Iˇsaˬyaˇ 9:18

Yaw haiˬ jeˬ miˬ dzaˬ doꞈ doˆ laˇ-awˇ, aˬ gah baw duˆ hawˇ-eu yaˇ saˬ-ahˇ puiˆ tehꞈ-a. Sahˬ kʼaˆ ma-ahˇ doꞈ nyawˬ leˇ-awˇ, uˬ kʼoeˬ mˬ-ahˇ lehˬ yoˆ daˆ leꞈ tehꞈ-a.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.