Jaceuq 46:10 - Akha

¹⁰ “Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ciqcurni jawr-awr, ngar-aq, Miqyaer nga laer siqnya-awq; Tsawrjeuq tsawrca deuq, ngaq-anr ciqpoeq ciqgor taef-a; Mirtsaq-euq khoertav ngaq-anr ciqpoeq ciqgor taef-a.

Jaceuq 46:10 交叉參考

1 Sahˬpaˬ 18:36

Nahˇ ma nahˇ dahˬ yawˬ-iˇ-awˇ, lawˇ-eu shehˇ-eu jeˬ mˇ-eu aˇ yamˬ tsaˬ laˇ ngeh, Miˬyehˇ gʼaˇ duˬ ngehˬ dah-eu Eˇliˇyaˆ gʼaˬ lawˇ duˬ dawˬ peh le-awˇ, heu loꞈ-ehˇ guiˬ lahˬ shaˇ-euˬ meh. “Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ-euˬ Miˬyehˇ pyeuꞈ-awˇ, ngaˇ nawˬ-ahˇ uˬ duˬ tahˬ-awˇ, nawˬ neh kʼaˇ bi mˇ-euˬ loꞈ-ehˇ nymˬ-mˇ ngaˇ mˇ luꞈ-eu gaˇ kawˆ bi siˬ bi mawˇ-awˬ.

2 Sahˬpaˬ 19:12

Goˇzaˬ meuˬ, Haˬlaˬ meuˬ, Yeˬzehˇ meuˬ heu deuˬ-ahˇ ngaˬ-euˬ aˬ poeˬ aˬ bawˇ deuˬ neh laˆ luˬ laˆ seˇ nehˬ-awˇ, Teˬlaˬsaˬ meuˬ-ahˇ jawˇ-eu Behˬteˬdeˬ tsawˇ haˬ deuˬ-ahˇ sehꞈ-euˬ kʼawꞈ, meuˬ kʼoeˇ deuˬ-euˬ miˬ yehˇ tiˬ gʼaˬ-iˬ aˬ yawꞈ-euˬ tsawˇ haˬ deuˬ-ahˇ maˬ ka kʼoꞈ nehˬ nya-aˬ.

2 Sahˬpaˬ 6:23

Kʼoeˇ ngeh, Iˇsaˬleˬlaˆ sahˬ paˬ neh aˬ yawꞈ maꞈ-ahˇ dzaˬ byawˇ byawˇ ma liˬ nehˬ-awˇ, aˬ yawꞈ maꞈ dzaˬ yehꞈ dawˇ yehꞈ gʼaˬ ngeh, Suˇliˆ sahˬ paˬ jawˇ gaˇ pyehˬ kʼoꞈ gʼeh-euˬ meh. Kʼoeˇ ngeh neh naˇ, Suˇliˆ tsawˇ haˬ deuˬ Iˇsaˬleˬlaˆ miˇ kʼahˬ-ahˇ guiˇ maˬ paˇ deuˆ le ni byehˇ-euˬ meh.

1 Laˬsaˬbaˬ 29:11

Baoˬ maˬ ehˇ, yaw shehꞈ kʼahˬ sehˇ maˬ ehˇ, huiˬ dui mahˇ dui dui-eu jeˬ maˬ ehˇ, gʼaˬ leˇ-eu jeˬ maˬ ehˇ, zahˬ dui dui leˇ paˬ-ehˇ gʼeh-eu jeˬ maˬ ehˇ, dawˬ tawˆ luꞈ nawˬ-euˬ laꞈ kʼoeˇ byah luꞈ meh. Mˬ hawˇ-eu miˇ kʼoeˇ taˆ kʼaˇ jaˆ-eu yawˬ jeˬ na luꞈ nawˬ-euˬ pyeuꞈ-awˇ, dawˬ tawˆ kʼoeˇ taˆ uˆ lahˇ-eu huiˬ dzehˬ-eu sahˬ paˬ nawˇ meh.

Jaceuq 100:3

Sahˬpaˬ Miˬyehˇ-aˬ, Miˬyehˇ meh lehˇ noeˬ siˬ-awˬ. Aˬ yawꞈ aˬ dui-ahˇ beh-awˇ, aˬ dui aˬ yawꞈ-euˬ ma. Aˬ dui aˬ yawꞈ-euˬ tsawˇ haˬ pyeuꞈ-awˇ, aˬ yawꞈ-euˬ yawˇ yawˇ maꞈ pyeuꞈ-eu ma.

Jaceuq 21:13

SahˬpaˬMiˬyehˇ-oˇ, nawˇgʼaˬkʼaˆgaˇja ceuˬ-eu ma. Huiˬdui dui-eu nawˬ-euˬbaoˬ-ahˇ, nga maꞈcaˇ-awˇja ceuˬ-eu ma.

Jaceuq 37:15

Ehˇkʼawꞈ yawˬha-euˬmi cehˇneh, yawˬha nui ma bi tsawˆpaˆ-awˇ, kaˆmyaˬkʼehꞈjiˇkʼoeˆjiˇtehꞈ-a.

Jaceuq 57:5

Miˬyehˇ-oˇ, nawˇ huiˬ-eu mahˇ-eu gaˇ kawˆ mˬ kʼoeˇ taˆ pah mehˬ-awˇ, nawˬ-euˬ yaw shehꞈ kʼahˬ sehˇ miˇ kʼahˬ doe ni bi bya le-awˬ.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

Doˆ-iˇ 18:11

Sahˬpaˬ Miˬyehˇ-aˬ, miˬ yehˇ dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu nymˬ-mˇ ngaˇ ya siˬ-euˬ ma. Aˬ jeˬ miˇ neh ehˇ naˇ, Iˇjiˇtuˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ taˬ nyiˇ-awˇ, yehˬ bawˬ sehˇ lu-ehˇ jahˇ nehˬ ngeh, aˬ yawꞈ heu loꞈ-ehˇ mˇ-euˬ meh.”

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 2:17

Tsawˇ haˬ zaˬ nui ma huiˬ-eu jeˬ bi dehˬ awˆ-awˇ, jahˇ gʼeh haw-eu nui ma bi gʼeu ka tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 2:4

Miˇ kʼahˬ tsawˇ jeuˬ yaw kaˬ-ahˇ aˬ yawꞈ yaˇ kʼaˬ daˇ-awˇ, miˇ tsaˬ zaˬ-ahˇ aˬ yawꞈ laˆ tsaˬ laˆ tsahˇ nehˬ tehꞈ-a. Guiˇ deuˆ-eu mi cehˇ-ahˇ aˬ yawꞈ maꞈ nyoˬ tsehˬ tehˆ pyeuꞈ-awˇ, guiˇ deuˆ-eu gahˬ-ahˇ yehˬ kʼoꞈ tehˆ pyeuꞈ tehꞈ-a. Tsawˇ jeuˬ tiˬ jeuˬ tiˇ jeuˬ guiˇ maˬ paˇ deuˆ-ehˇ, guiˇ deuˆ-eu gaˇ kawˆ maˬ mehˬ maˬ sawˇ ni byehˇ tehꞈ-a.

Iˇsaˬyaˇ 5:16

Ehˇ kʼawꞈ Baoˬ huiˬ-eu Sahˬpaˬ Miˬyehˇ yaw tsaˬ yaw dawˇ jeˬ mˇ-awˇ, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a. Aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu laꞈ kʼoeˇ, aˬ yawꞈ muiˬ-eu shawˇ-eu gaˇ kawˆ bi mawˇ tehꞈ-a.

Yeˬlaˬmiˇ 49:35

Sahˬpaˬ Miˬyehˇ ehˇ-eu, “Eˇlamˬ miˇ kʼahˬ-euˬ baoˬ pyeuꞈ-eu, kaˆ yuˇ-awˇ guiˇ deuˆ-eu tsawˇ haˬ kʼoeˇ deuˬ-ahˇ ngaˇ sehꞈ jiˇ ma.

Yeˬsaˬgeˬlaˇ 30:8

Iˇjiˇtuˆ-ahˇ ngaˇ dzah puiˆ-awˇ, caw ba le-eu deuˬ coˬ jiˇ ngeh, ngaˇ Sahˬpaˬ Miˬyehˇ ngeuˇ ngaˇ lehˇ, aˬ yawꞈ maꞈ ya siˬ duˬ tehꞈ-a.

Yeˬsaˬgeˬlaˇ 38:23

Ngaˇ huiˬ dui mahˇ dui dui-awˇ muiˬ-eu shawˇ-eu gʼaˬ pyeuꞈ-eu gaˇ kawˆ, tsawˇ jeuˬ dawˬ tawˆ luꞈ-ahˇ kʼoeˇ ngeh nah bi siˬ duˬ ma. Ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ-ahˇ siˬ duˬ leˇ tehꞈ-a.”

Yeˬsaˬgeˬlaˇ 39:3

Aˬ yawꞈ-euˬ aˇ caˇ laꞈ-ahˇ tuˆ tehˬ luꞈ-eu kaˆ ngaˇ deh dzeh-awˇ, aˇ maˇ laꞈ-ahˇ tuˆ tehꞈ taˬ-euˬ kaˆ myaˬ deuˬ ngaˇ tehˆ dzeh jiˇ ma.

Miˇkaˬ 4:3

Miˇ kʼahˬ tsawˇ jeuˬ dawˬ ja doˆ gaˇ, aˬ yawꞈ laˆ tsaˬ laˆ tsahˇ tehꞈ-a. Dawˬ peh gaˇ mahˇ gʼaˬ kʼaˆ luꞈ-eu, baoˬ huiˬ-eu miˇ kʼahˬ deuˬ-ahˇ kʼawꞈ, aˬ yawꞈ ngehˬ tsehˆ daˇ tsehˆ tehꞈ-a. Miˇ kʼahˬ tsawˇ jeuˬ guiˇ maˬ deuˆ-ehˇ, guiˇ mˇ-eu jeˬ maˬ paˇ baw-aˇ.

Haˬbaˬkuˆ 2:20

Ehˇ kʼawꞈ huiˬ-eu Sahˬpaˬ Miˬyehˇ, yawꞈ-euˬ muiˬ-eu nymˇ shawˇ pyeuꞈ-eu, Uˬ duˬ tahˬ nymˇ laꞈ kʼoeˇ jawˇ meh. Miˇ tsaˬ zaˬ yawˬ gʼaˬ yawˬ na luꞈ, aˬ yawꞈ mehˬ shi ciˬ cuˇ jawˇ-awˬ.

Zaˬkaˬliˇ 2:13

Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.

Yawˇshuˆ 11:6

Yawˇshuˆ-ahˇ Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ taˬ guˆ. Ni shawˬ nah heu yamˬ-ahˇ, Iˇsaˬleˬlaˆ tsawˇ jeuˬ gʼaˇ duˬ, aˬ yawꞈ maꞈ dawˬ tawˆ luꞈ-ahˇ ngaˇ sehꞈ ma. Naw maꞈ aˬ yawꞈ maꞈ-euˬ mahˬ deuˬ-ahˇ kuiˇ guˬ yuˇ-awˇ, aˬ yawꞈ maꞈ-euˬ mahˬ laˆ lawˬ deuˬ-ahˇ miˬ dzaˬ ya keuˬ dzeh meh.”

Yawˇshuˆ 11:9

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ kʼoeˇ deuˬ-ahˇ Yawˇshuˆ jahˇ nehˬ-euˬ meh. Aˬ yawꞈ maꞈ-euˬ mahˬ deuˬ-ahˇ kuiˇ guˬ yuˇ-awˇ, aˬ yawꞈ maꞈ-euˬ mahˬ laˆ lawˬ deuˬ-ahˇ miˬ dzaˬ keuˬ puiˆ dzeh-euˬ meh.

1 Saˬmeuˬlaˆ 17:46

Iˬ nah Sahˬpaˬ Miˬyehˇ-aˬ, nawˬ-euˬ gʼawˇ mawˇ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ tehꞈ-a. Nawˬ-ahˇ ngaˇ deuˆ gʼaˬ-awˇ, nawˬ-euˬ uˬ duˬ ngaˇ toˆ tsehˆ ma. Kʼoeˇ naˇ, shiˇ taˬ-awˇ ga-eu Piˇliˇtiˆ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ deuˬ-ahˇ ngaˇ bi dzaˬ ma. Kʼoeˇ ngeh, Iˇsaˬleˬlaˆ tsawˇ jeuˬ nehˬ-ehˇ Miˬyehˇ jawˇ-eu gaˇ kawˆ, miˇ kʼahˬ dawˬ tawˆ luꞈ ya siˬ tehꞈ-a.

1 Saˬmeuˬlaˆ 2:4

Gʼaˬ kʼaˆ-eu yehˇ deuˬ-euˬ kaˆ poˆ, kʼehꞈ-iˇ kʼoeˆ-iˇ jiˇ gaˇ keuˆ-awˇ, gʼaˬ baˬ-euˬ deuˬ gʼaˬ kʼaˆ laˇ meh.