Jaceuq 44:23 - Akha

²³ SahˬpaˬMiˬyehˇ-oˇ, Tuˇ-awˬ. Aˬjeˬmiˇneh nawˇyuꞈluꞈte. Mˬmaˬmaˬbyaˆzaˇziˇjiˇni, nga maꞈ-ahˇtaˬbyehˇdzeh nehˬlaꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Sanqpaq Miqyaer-or! Noeqlar-awq. Nawr aqjeq mirnae yufluf-eu le? Turlar-awq! Li-eu maqbawni, nga’maf-anr taq taedzae naeqlaf.

Jaceuq 44:23 交叉參考

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 35:23

SahˬpaˬMiˬyehˇ tsawˬtuˇlaˇ-awˇ, ngaˇtsaˬmeh lehˇdaˇnehˬlaꞈ-awˬ. Ngaˬ-euˬMiˬyehˇnawˇtuˇlaˇ-awˇ, ngaˬ-euˬgaˇkawˆhaw piˇnehˬlaꞈ.

Jaceuq 44:9

Ehˇkʼawꞈnymˬ-mˇnawˇnga maꞈ-ahˇ, byehˇdzeh-awˇbi shaˬ-eu laꞈkʼoeˇ, aˬcawˬneh bi gʼaˬleˇ-euˬmeh. Guiˇmaꞈdeh uiˬ-awˇdoˆ-iˇngeh, nga maꞈnehˬ-ehˇnawˇmaˬjawˇ-a.

Jaceuq 7:6

SahˬpaˬMiˬyehˇ nui ma pehˇ-awˇ, muiˇ-eu deuˬ kʼaˆluꞈgaˇzuiˆ-awˬ. SahˬpaˬMiˬyehˇ-oˇ, tuˇlaˇ-awˬ. ngaˬ-euˬgʼaˇduˬ yaˇkʼaˬdaˇ-awˬ.

Jaceuq 74:1

Miˬyehˇ-oˇ, aˬ jeˬ miˇ neh nga maꞈ-ahˇ heu loꞈ-ehˇ byehˇ dzeh nehˬ laꞈ te. Nawˬ-euˬ tsawˇ jeuˬ-ahˇ mˬ maˬ maˬ byaˆ zaˇ ziˇ nawˇ nui ma pehˇ-eu gʼeh te loˇ.

Jaceuq 77:7

“Sahˬpaˬ Miˬyehˇ aˬ dui-ahˇ byehˇ tsehˆ tsehˆ tehꞈ-a loˇ. Aˬ yawꞈ aˬ dui-ahˇ nui ma maˬ paˇ tsaˬ meh loˇ.

Jaceuq 78:65

Aˇ saˬ saˬ laˇ ngeh uˬ noeˬ beuˇ laˇ-euˬ loꞈ-ehˇ Miˬyehˇ luˆ laˇ-awˇ, aˬ gaꞈ dzaˇ uiˇ dawˇ beuˇ-euˬ gʼaˬ kʼaˆ dui dui-eu tsawˇ haˬ loꞈ-ehˇ tuˇ laˇ-euˬ meh.

Jaceuq 88:14

Sahˬpaˬ Miˬyehˇ-oˇ, nawˇ ngaˬ-ahˇ aˬ jeˬ miˇ neh byehˇ dzeh te. Aˬ jeˬ miˇ neh ngaˇ maˬ mawˇ gaˇ cah te.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Maˬkuˆ 4:38

Yeˬsuˇ-aˬ, lawˬ-euˬ naˇ kʼah paw uˬ gʼmˬ gʼmˬ-awˇ yuꞈ kʼaˆ taˬ-euˬ meh. Zaˬ lahˇ deuˬ aˬ yawꞈ-ahˇ laˆ noeˬ-awˇ, “Saˬ laˬ-oˇ, nga maꞈ shiˇ jiˇ-eu keuˆ laˇ-euˬ nawˬ-ahˇ kʼahˬ maˬ lahˇ nya loˇ” lehˇ ehˇ nehˬ-euˬ meh.