Jaceuq 37:13 - Akha

¹³ Ehˇkʼawꞈhaiˬ-eu tsawˇhaˬdeuˬ-ahˇ, SahˬpaˬMiˬyehˇuiˇhaw-eu meh. Aˬyawꞈmaꞈcawˆ-iˇ-eu aˇ nah, keuˆle-eu aˬyawꞈsiˬnya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Sanqpaq Miqyaer, aqyawf-euq arnan keuvle luf-eu gar mawrnya-eu mirnae, aqyawf-anr uir-eu mae.

Jaceuq 37:13 交叉參考

Jaceuq 2:4

Aˬyawꞈmaˬ-euˬ bawˬtoˆkʼoeˇ-ahˇ, mˬtaˆ dzoeˬdzaˬnuiˇmahˬdziˬ-eu, Sahˬpaˬ Miˬyehˇ uiˇyoeˇ-eu meh.

Dawqdaq 1:26

Naw maꞈ shaˬ zahˬ naꞈ ngeh ngaˇ uiˇ haw-awˇ, guˆ-eu gaˆ-eu jeˬ keuˆ le ngeh naˬ gʼa ma.

1 Saˬmeuˬlaˆ 26:10

Daˬbiˇ paˇ ehˇ-eu, “Shiˇ yamˬ tsaˬ laˇ ngeh maˬ ngeuˇ naˇ, guiˇ deuˆ luꞈ ngeh Sawˇluˆ-ahˇ Sahˬpaˬ Miˬyehˇ bi shiˇ tehꞈ-a lehˇ, dehꞈ luꞈ-eu Sahˬpaˬ Miˬyehˇ laꞈ kʼoeˇ ngaˇ siˬ nya ma.

Daˬyeˬlaˇ 5:26

Ehˇ mawꞈ-eu dawˬ tsuiꞈ-aˬ, heu loꞈ-ehˇ meh. MEˬNEˬ lehˇ ehˇ-eu-aˬ, naˬ baꞈ-ahˇ ehˇ-eu meh. Dawˬ tsuiꞈ-aˬ, nawˬ-euˬ miˇ kʼahˬ-euˬ aˇ nah aˇ yamˬ-ahˇ Miˬyehˇ gui taˬ-awˇ, aˇ saˬ saˬ-eu aˇ nah bi keuˆ le-eu lehˇ gʼeh-eu meh lehˇ ehˇ mawꞈ-eu meh.

Yeˬsaˬgeˬlaˇ 21:29

Naw maꞈ neh yaw sahˇ laꞈ kʼoeˇ ya mawˇ-euˬ jeˬ maˬ tsaˬ-ehˇ, naw maꞈ neh ngehˬ dah ehˇ dah taˬ-eu jeˬ jaˬ myawꞈ tehꞈ meh. Naw maꞈ-aˬ, maˬ muiˬ-eu haiˬ-eu tsawˇ haˬ pyeuꞈ-awˇ, naw maꞈ-ahˇ aˇ saˬ saˬ-eu poˆ kʼehˬ nehˬ-eu aˇ nah keuˆ le luꞈ meh. Naw maꞈ-euˬ kawˬ lahˇ-ahˇ mi cehˇ keuˆ le luꞈ meh.

Yeˬsaˬgeˬlaˇ 21:25

“Iˇsaˬleˬlaˆ miˇ kʼahˬ-ahˇ uˆ lahˇ luꞈ-eu maˬ muiˬ maˬ shawˇ-eu tsawˇ haˬ yaw haiˬ gʼaˬ-oˇ, nawˬ-ahˇ aˇ saˬ saˬ-eu poˆ kʼehˬ-eu aˇ nah keuˆ le luꞈ meh.

Yeˬlaˬmiˇ 50:27

Aˬ yawꞈ maꞈ-euˬ yehˇ deuˬ-ahˇ jeˬ zaˬ sehꞈ-eu loꞈ-ehˇ sehꞈ gahˬ gʼeh-awˬ. Baˬbuˇloˬ tsawˇ haˬ kʼoeˇ taˆ yaw cawˆ jeˬ keuˆ le-euˬ meh. Aˬ yawꞈ maꞈ-ahˇ yaw kʼaˆ-ehˇ kʼehˬ nehˬ-eu aˇ yamˬ tsaˬ laˇ taˬ-euˬ meh.”

Yawˇbaˆ 18:20

Nahˇ ma doˆ kʼehˬ-ahˇ neh nahˇ ma ga kʼehˬ-ahˇ doˆ ni, aˬ yawꞈ gaˇ kawˆ kʼaˇ ya gaˬ-eu tsawˇ haˬ deuˬ, tsawˬ guˆ-iˇ-awˇ yaw dzuˬ dzuˬ tehꞈ-a.

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.