Jaceuq 34:13 - Akha

¹³ Mehˬlaˇyaw doeˇngehˬ-eu yahˇ-awˇ, mehˬluˬjaˬmyawꞈmyawꞈ-eu yahˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawq-euq maeqlar yawdoer maqngaeqni yanr-awr, Nawq-euq maeqluq jaqmyawf maqmyawfni yanr-awq.

Jaceuq 34:13 交叉參考

Yawˇbaˆ 15:13

Nawˇ Miˬyehˇ-ahˇ nui ma pehˇ laˇ taˬ-awˇ, aˬ yawꞈ-ahˇ zaw leˇ-eu dawˬ ngehˬ-eu meh.

Jaceuq 141:3

Sahˬpaˬ Miˬyehˇ-oˇ, ngaˬ-euˬ kʼaˬ meh-ahˇ haw piˇ nehˬ laꞈ-awˇ, ngaˬ-euˬ mehˬ luˬ-ahˇ haw piˇ nehˬ laꞈ.

Jaceuq 39:1

Ngaˇ heu loꞈ-ehˇ ehˇ-euˬ ma. “Mehˬlaˇ iˬbaˇmaˬya mˇni, yahˇ-eu laꞈkʼoeˇyaw dehꞈdehꞈma. Muiˇ-eu deuˬjawˇluꞈ-eu mehˬshi, dawˬmaˬngehˬdoˆni dzahˬtehˬma.

Jaceuq 55:11

Meuˬ meuˬ lah-ehˇ luˬ-iˇ seˇ-iˇ luꞈ-awˇ, gaˇ ma doe ni kʼehˬ-eu kʼaˆ-eu jeˬ hawˇ-eu nawˬ dzaˬ kʼaˆ dzaˬ-eu jeˬ byah luꞈ meh.

Dawqdaq 12:19

Jaˬ myawꞈ myawꞈ-eu uˬ kʼawˇ deuˬ-awˇ, dawˬ muiˬ tmˇ-eu ziˇ baw-eu meh.

Dawqdaq 12:22

Jaˬ myawꞈ myawꞈ-eu mehˬ laˇ-ahˇ Sahˬpaˬ Miˬyehˇ nui daˆ daˆ-awˇ, saˇ jaˇ ziꞈ-eu deuˬ-ahˇ aˬ yawꞈ nui kʼahˇ shiˇ meh.

Dawqdaq 12:7

Haiˬ-eu tsawˇ haˬ-euˬ tsuiꞈ dahˬ-iˇ-awˇ, yaw tsaˬ yaw dawˇ deuˬ zaˬ oeˬ sahˇ le tehꞈ-a.

Dawqdaq 13:3

Yawˬ ha-euˬ mehˬ laˇ-ahˇ bo nya-eu gʼaˬ ziˇ baw-awˇ, dawˬ ja myaˬ-eu tsawˇ haˬ cawˆ-iˇ-eu meh.

Dawqdaq 18:21

Dehꞈ kawˆ shiˇ kawˆ mehˬ laˇ kʼoeˇ taˆ jaˆ-awˇ, yawˬ ha-euˬ dawˬ yawˬ ha-ahˇ yaˇ kʼaˬ daˇ-eu meh.

Dawqdaq 19:9

Tsawˇ kaˬ yaw lehˬ guiˇ oꞈ-awˇ, jaˬ myawꞈ dawˬ lehˬ maˬ zaꞈ byoˆ nya-a.

Dawqdaq 21:23

Shaˬ zahˬ jaw dzeuˇ mawꞈ-eu aˬ cawˇ, dawˬ tmˇ dawˬ ngehˬ yahˇ-awˬ.

Iˇsaˬyaˇ 63:8

Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ tsawˇ jeuˬ ma. ngaˬ-ahˇ jaˬ myawꞈ maˬ myawꞈ-aˇ” lehˇ ehˇ-awˇ, aˬ yawꞈ maꞈ-ahˇ ka kʼoꞈ-euˬ meh.

Aˬmoˆ 5:14

Naw maꞈ yaw dehꞈ ya dehꞈ ni, yaw haiˬ jeˬ maˬ mˇ-ehˇ, yaw tsaˬ yaw dawˇ jeˬ tehꞈ-ehˇ mˇ-eu gʼaˇ duˬ noeˬ tsoˆ taˬ-awˬ. Kʼoeˇ loꞈ-ehˇ jahˇ naˇ, naw maꞈ neh ehˇ-euˬ loꞈ-ehˇ Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ aˬ diˇ aˬ maˇ jawˇ tehꞈ-a.

Gawˇlawˇsehˇ 3:9

Tiˬ gʼaˬ tiˇ gʼaˬ jaˬ myawꞈ taˬ paˇ myawꞈ. Aˬ jeˬ miˇ neh ehˇ naˇ, nui ma yaw oeˇ hawˇ-eu mˇ-eu shaˇ-eu yaw oeˇ jeˬ-ahˇ naw maꞈ lehˆ dzeh gʼaˬ-euˬ meh.

Yaˬkoˆ 1:19

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, gaˇ kawˆ heu deuˬ-ahˇ yaw muiˬ paˬ-ehˇ noeˬ taˬ-awˬ. Tsawˇ haˬ yawˬ gʼaˬ na luꞈ aˬ cawˬ ehˇ gaˇ yaw kawˇ-ehˇ naˇ haˬ-awˬ. Ehˇ kʼawꞈ, dawˬ ngehˬ-eu taˬ tehˬ. Nui ma pehˇ-eu aˬ huˬ taˬ huˬ.

Yaˬkoˆ 1:26

Tsawˇ haˬ tiˬ gʼaˬ na uˬ duˬ tahˬ-eu zahˇ sahˇ kʼoꞈ-ahˇ yaw muiˬ paˬ-ehˇ caw teh luꞈ ma lehˇ noeˬ luꞈ ta loˇ. Yawˬ haˬ-euˬ kʼaˬ meh mehˬ boeˬ-ahˇ yawˬ ha maˬ gʼaˬ leˇ naˇ, aˬ yawꞈ-euˬ uˬ duˬ tahˬ-eu zahˇ sahˇ kʼoꞈ kʼoeˇ aˬ yawꞈ gʼaˇ duˬ gaˇ dahˇ maˬ tsoeˬ-eu uˬ taꞈ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.

1 Beˬtuˆluˆ 2:1

Kʼoeˇ miˇ neh, yaw haiˬ jeˬ dawˬ tawˆ luꞈ-ahˇ byehˇ dzeh-awˬ. Jaˬ myawꞈ myawꞈ-eu maˬ ehˇ, awꞈ-aꞈ tahˬ kʼoˬ loꞈ-ehˇ yaw muiˬ jahˇ geuꞈ-eu maˬ ehˇ, aˬ cawˬ-ahˇ myaˆ naˆ-eu maˬ ehˇ, aˬ cawˬ-ahˇ ja bu ja doeˇ-eu maˬ ehˇ, taˬ paˇ mˇ.

1 Beˬtuˆluˆ 2:22

Aˬ yawꞈ iˬ baˇ tiˬ pawꞈ-iˬ maˬ mˇ haw-aˬ. Aˬ yawꞈ-euˬ kʼaˬ meh-ahˇ jaꞈ myawꞈ myawꞈ-eu dawˬ tiˬ dawˬ-iˬ ma ngehˬ doˆ leꞈ haw-aˬ.