Jaceuq 18:41 - Akha

⁴¹ Caw ba laꞈlehˇyawꞈmaꞈguˇ kʼawꞈ, ka kʼoꞈ nehˬ-eu gʼaˬ maˬ jawˇ-a. SahˬpaˬMiˬyehˇ-ahˇguˇgaˬkʼawꞈ, aˬyawꞈmyaˆhaw maˬcawˬnehˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Aqyawfmaf gur-eu khawf, bibuq-ir-eu tiqghaq-iq maqjawr-a; Ya’we Miqyaer-anr kur-eu khawf, aqyawf oq maq toqnaeq-a.

Jaceuq 18:41 交叉參考

Yawˇbaˆ 27:9

Shaˬ-eu zahˬ-eu jeˬ puˬ le ngeh, aˬ yawꞈ maꞈ guˇ-eu teˇ saˇ-ahˇ Miˬyehˇ naˇ haˬ nehˬ tehꞈ-a loˇ.

Jaceuq 118:10

Muiˇ-eu deuˬ ngaˬ-euˬ tiˬ jawˬ jawˇ luꞈ kʼawꞈ, Sahˬpaˬ Miˬyehˇ-euˬ baoˬ-ahˇ ngaˇ gʼoe-awˇ, aˬ yawꞈ maꞈ-ahˇ laˆ cawˆ nehˬ-euˬ ma.

Jaceuq 118:11

Yawˬ pyawˬ na luꞈ aˬ yawꞈ maꞈ jawˇ jawˬ jiˇ taˬ kʼawꞈ, Sahˬpaˬ Miˬyehˇ-euˬ baoˬ-ahˇ ngaˇ gʼoe-awˇ, aˬ yawꞈ maꞈ-ahˇ laˆ cawˆ nehˬ-euˬ ma.

Jaceuq 50:22

“Miˬyehˇ-ahˇ maˬ taˬ huiˬ-eu tsawˇ haˬ deuˬ-oˇ, gaˇ kawˆ heu naˇ haˬ-awˇ nui ma laꞈ kʼoeˇ juiˇ taˬ-awˬ. Maˬ ngeuˇ naˇ, ngaˬ neh laˆ cawˆ nehˬ-euˬ jeˬ-ahˇ naw maꞈ ya daˬ-awˇ, ka kʼoꞈ nehˬ-eu gʼaˬ maˬ jawˇ ni ya shaˬ tehꞈ-a.

Dawqdaq 1:28

Kʼoeˇ ngeh naw maꞈ ngaˬ-ahˇ kuˇ kʼawꞈ, ngaˇ maˬ naˇ haˬ. Naw maꞈ ngaˬ-ahˇ poˆ sehꞈ leꞈ kʼawꞈ, maˬ poˆ mawˇ nya-aˇ.

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Yeˬlaˬmiˇ 11:11

Kʼoeˇ miˇ neh, aˬ yawꞈ maꞈ maˬ cehˆ dzeuˇ nya-eu luˬ-iˇ seˇ-iˇ-eu jeˬ bi keuˆ le ma lehˇ nymˬ-mˇ aˬ yawꞈ maꞈ-ahˇ ngaˇ ehˇ-eu ma. Caw ba nehˬ laꞈ lehˇ aˬ yawꞈ maꞈ ngaˬ-ahˇ guˇ-awˇ shaˇ kʼawꞈ, ngaˇ maˬ naˇ haˬ nehˬ.

Yeˬlaˬmiˇ 14:12

Aˬ yawꞈ maꞈ maˬ dzaˬ maˬ dawˇ ni lah daw kʼawꞈ, aˬ yawꞈ maꞈ-euˬ shaˇ dawˬ-ahˇ ngaˇ maˬ naˇ haˬ. Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ lawˇ nehˬ laꞈ kʼawꞈ, aˬ yawꞈ maꞈ-ahˇ ngaˇ nui kʼahˇ maˬ shiˇ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.”

Yeˬsaˬgeˬlaˇ 8:18

Ngaˇ nui ma pehˇ saˬ pehˇ li li laˇ-euˬ jeˬ-ahˇ aˬ yawꞈ maꞈ ya daˬ tehꞈ-a. Aˬ yawꞈ maꞈ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Aˬ yawꞈ maꞈ kʼaˇ guˇ coeˇ-eu guˇ-awˇ ngaˬ-ahˇ guiˬ lahˬ shaˇ kʼawꞈ, ngaˇ maˬ naˇ haˬ nehˬ.”

Hawˇseˬ 7:14

Aˬ yawꞈ maꞈ guˇ-awˇ shaˇ-eu dawˬ, nui ma keuˆ-eu dawˬ maˬ ngeuˇ-ehˇ, lawˇ ciꞈ zaˬ deuˬ jahˇ-eu loꞈ-ehˇ, coˬ lah coˬ lah-ehˇ guˇ-eu meh. Aˬ gaꞈ dzaˇ uiˇ hawˇ-eu cehˇ-ahˇ, aˬ yawꞈ maꞈ za ni shaˇ laˇ ngeh, lawˇ ciꞈ zaˬ deuˬ jahˇ-eu loꞈ-ehˇ, yawˬ ha gʼawˇ mawˇ-ahˇ laˆ naˇ-eu, ngaˬ-ahˇ puiˬ-eu tsawˇ haˬ deuˬ meh.

Miˇkaˬ 3:4

Naw maꞈ Sahˬpaˬ Miˬyehˇ-ahˇ ngoeˇ ngoeˇ-ehˇ ya shaˇ-eu aˇ yamˬ peh le luꞈ meh. Ehˇ kʼawꞈ, naw maꞈ-ahˇ aˬ yawꞈ dawˬ maˬ ngehˬ cawˬ-a. Naw maꞈ maˬ muiˬ maˬ jaˬ-eu jeˬ mˇ-eu miˇ neh, naw maꞈ-euˬ shaˇ dawˬ-ahˇ aˬ yawꞈ maˬ naˇ haˬ-a.

Zaˬkaˬliˇ 7:13

Ngaˬ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ-euˬ miˇ neh, aˬ yawꞈ maꞈ-euˬ guiˬ lahˬ shaˇ dawˬ-ahˇ ngaˇ maˬ naˇ haˬ.

Luˇkaꞈ 13:25

Nymˇ sahˇ gʼaˬ tuˇ le-awˇ laˇ gʼoˆ piˬ tehˬ shaw naˇ, naw maꞈ laꞈ nyiˇ paw yawꞈ-awˇ, laˇ gʼoˆ-ahˇ kʼoˆ kʼoˆ-ehˇ, ‘Sahˬpaˬ-oˇ, laˇ gʼoˆ pah nehˬ laꞈ sheˇ’ lehˇ ehˇ ehˇ-ehˇ ya shaˬ tehꞈ-a. Kʼoeˇ ngeh, ‘Naw maꞈ aˬ gaˇ jawˇ-eu oe-euˬ ngaˇ maˬ siˬ’ lehˇ, aˬ yawꞈ ehˇ tehꞈ-a.

Yawˇshuˆ 10:26

Kʼoeˇ naˇ, sahˬ paˬ kʼoeˇ deuˬ-ahˇ Yawˇshuˆ sehꞈ-awˇ, aˇ bawˇ ngaˬ bawˇ-ahˇ paꞈ gʼeu-awˇ, uˬ ciꞈ paw keuˆ ni bi ga gʼeu-euˬ meh.