Jaceuq 126:4 - Akha

⁴ Sahˬpaˬ Miˬyehˇ-oˇ, gui coˇ ni pyeuꞈ-iˇ-euˬ lawˇ baˬ iˇ cuꞈ paˇ yoeˇ le ni, uˬ yehˇ yehˇ le-eu loꞈ-ehˇ, nga maꞈ-ahˇ nga maꞈ-euˬ miˇ kʼahˬ-ahˇ sheuˬ kʼoꞈ gʼeh nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ya’we Miqyaer-or! Lafov paw yoer-eu lawrbaq lof-aer, Bi nyaefbyov ghae-euq nga’maf-euq tsawrhaq sheuqkhof naeqlaf-awq.

Jaceuq 126:4 交叉參考

Jaceuq 126:1

Sahˬpaˬ Miˬyehˇ aˬ dui-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ ngeh, yuꞈ maˆ maˆ gaˇ duˇ miˇ-a.

Jaceuq 85:4

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ sheuˬ kʼoꞈ le nehˬ laꞈ. Nga maꞈ kʼoeˇ taˆ nawˇ nui ma maˬ saˇ-eu jeˬ bi byoˆ-iˇ nehˬ laꞈ.

Iˇsaˬyaˇ 35:6

Kuiˇ shiˇ gaˇ nyeh nyeh nya laˇ-awˇ, aˬ dzawˬ laˬ kʼaˬ cehˇ-eu dawˬ ngehˬ-awˇ guˇ tehꞈ-a. Koˆ kaˆ ni gʼeh-eu kʼaˇ shuiꞈ deh yaˇ-ahˇ, lawˇ baˬ yoeˇ le tehꞈ-a.

Iˇsaˬyaˇ 41:18

Gui coˇ ni gʼeh-eu gawˬ duˇ deuˬ kʼoeˇ taˆ, iˇ cuꞈ lawˇ baˬ bi yoeˇ le ma. Deh kʼawꞈ laꞈ kʼoeˇ lawˇ gawˆ bi yoeˇ le ma. Kʼaˇ shuiꞈ deh-ahˇ iˇ cuꞈ lah bi dahˬ laˇ-awˇ, miˇ tsaˬ gui gaˇ lawˇ gawˆ bi yoeˇ le ma.

Iˇsaˬyaˇ 43:19

Haw yawˬ, nymˬ-mˇ ngaˇ yaw shuiꞈ tiˬ jeˬ paˇ mˇ luꞈ-eu ma. Nymˬ-mˇ pyeuꞈ laˇ luꞈ gaˇ naw maꞈ ya mawˇ tehꞈ-a. Bawˇ tsahˬ bawˇ dahˇ-ahˇ ngaˇ gaˇ ma paˇ shaˇ dahˇ-awˇ, naw maꞈ gʼaˇ duˬ lawˇ gawˆ bi yoeˇ le ma.

Yeˬlaˬmiˇ 29:14

Naw maꞈ ngaˬ-ahˇ poˆ mawˇ-awˇ, naw maꞈ-euˬ miˇ kʼahˬ laꞈ kʼoeˇ, naw maꞈ-ahˇ sheuˬ kʼoꞈ gʼeh nehˬ ma lehˇ ngaˇ ehˇ-eu ma. Naw maꞈ miˇ kʼahˬ aˬ geu kʼahˬ laꞈ kʼoeˇ jawˇ luꞈ-eu maˬ kaˬ, ngaˬ neh teh byaˆ nehˬ-euˬ jawˇ duˬ aˬ geu tsahˇ-ahˇ jawˇ luꞈ-eu maˬ kaˬ, ngaˬ neh naw maꞈ-ahˇ teh doˆ-awˇ maˬ bi nyehꞈ byoˆ gʼeh mi naˆ-ehˇ naw maꞈ jawˇ-euˬ naw maꞈ-euˬ miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ ngaˇ sheuˬ kʼoꞈ keuˆ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.’

Yeˬlaˬmiˇ 30:3

Aˬ jeˬ miˇ neh ehˇ naˇ, ngaˬ-euˬ tsawˇ haˬ pyeuꞈ-eu Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ deuˬ-ahˇ, ngaˇ paˇ sheuˬ kʼoꞈ laꞈ-eu aˇ yamˬ keuˆ le luꞈ meh. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ paˇ sheuˬ kʼoꞈ laꞈ-awˇ, miˇ kʼahˬ kʼoeˇ kʼahˬ aˬ yawꞈ maꞈ paˇ ya geuꞈ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 1:11

Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ paˇ tsaˬ paˇ dzoeˇ leˇ-awˇ, nyiˬ muˇ luꞈ-ahˇ uˆ lahˇ-eu aˬ yuiꞈ aˬ tsu tiˬ gʼaˬ tehꞈ-ehˇ paˇ tseˇ doˆ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ tiˬ poˆ paˇ dehꞈ doˆ dzaˬ laˇ-awˇ, baw le za le tehꞈ-a. Yeˬzaˬleˬlaˇ-euˬ aˇ nah kʼoeˇ nah-aˬ, huiˬ dui dui-eu aˇ nah pyeuꞈ tehꞈ-a.

Yawˇshuˆ 3:16

iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.