Jaceuq 119:104 - Akha

¹⁰⁴ Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ zaˬ siˬ nui gahˇ za-euˬ miˇ neh, maˬ muiˬ-eu jeˬ-ahˇ ngaˇ bye-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰⁴ Ngar, nawq-euq maeqdawq-euq baqda’nae, ghovshawnya lar-euq mirnae, Ngar, maqtsaq maqdawr-eu garma yawqkanr navluf-anr byae nya.

Jaceuq 119:104 交叉參考

Yawˇbaˆ 32:9

Aˇ kʼoꞈ kʼawˆ laˇ-euˬ baˬ da neh tehꞈ-ehˇ tsawˇ gahˇ ahˇ-awˇ, yaw muiˬ yaw doeˇ tseˇ paˆ nya-eu maˬ ngeuˇ-a.

Jaceuq 101:3

Yaw haiˬ jeˬ-ahˇ ngaˇ maˬ taꞈ. Miˬyehˇ-ahˇ byehˇ dzeh-eu deuˬ mˇ gaˇ shaˇ gaˇ ngaˇ bye-eu ma. Aˬ yawꞈ maꞈ-ahˇ ngaˇ tiˬ jeˬ-iˬ maˬ taꞈ.

Jaceuq 119:100

Nawˬ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ-eu miˇ neh, tsawˇ mawˬ deuˬ naˆ maˬ tseˇ ngaˇ zaˬ siˬ nui gahˇ byah-eu ma.

Jaceuq 119:128

Kʼoeˇ miˇ neh, nawˬ neh mehˬ nehˬ tsoˆ nehˬ laꞈ-euˬ loꞈ-ehˇ ngaˇ dehꞈ-awˇ, maˬ tsaˬ maˬ dawˇ-eu jeˬ-ahˇ ngaˇ bye-eu ma.

Jaceuq 119:163

Jaˬ myawꞈ myawꞈ-eu jeˬ-ahˇ ngaˇ nui daˆ daˆ-awˇ bye-eu ma. Ehˇ kʼawꞈ, nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu ma.

Jaceuq 119:34

Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.

Jaceuq 119:98

Nawˬ-euˬ zahˇ dawˬ kʼoꞈ dawˬ ngaˬ nehˬ-ehˇ aˬ myah luꞈ jaˆ-awˇ, ngaˬ-ahˇ muiˇ-eu deuˬ naˆ maˬ tseˇ tsawˇ gahˇ bi ahˇ laꞈ-eu meh.

Jaceuq 36:4

Yuꞈzaˇlaꞈkʼoeˇ yaw cawˆbymˬ-awˇ, iˬbaˇgaˇjawˬ tiˬ li iˇ-awˇ, yaw haiˬ-ahˇnui daˆmaˬdaˆ-a.

Jaceuq 97:10

Yaw haiˬ jeˬ-ahˇ bye-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh. Aˬ yawꞈ-euˬ tsawˇ haˬ deuˬ maˬ ya luˬ ma ya seˇ-iˇ ni, aˬ yawꞈ haw piˇ-eu meh. Haiˬ-eu tsawˇ haˬ deuˬ-euˬ laꞈ-ahˇ, aˬ yawꞈ maꞈ-ahˇ ka kʼoꞈ nehˬ-eu meh.

Dawqdaq 14:12

Dehꞈ-eu gaˇ ma duˇ-euˬ gaˇ muiˬ, shiˇ-eu gaˇ ma ngeuˇ law ma jeˇ.

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Aˬmoˆ 5:15

Yaw haiˬ jeˬ-ahˇ bye-awˇ, yaw muiˬ jeˬ-ahˇ gaˬ-eu laꞈ kʼoeˇ, yaˇ kʼaˬ daˇ-eu saˇ naˇ-ahˇ yaw tsaˬ yaw dawˇ jeˬ bi doˆ laˇ-awˬ. Miˇ kʼahˬ heu kʼahˬ laꞈ kʼoeˇ maˬ shiˇ-ehˇ kʼaˇ dzeˇ yaꞈ-euˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ nehˬ laꞈ-eu duˇ.

Maꞈtehˬ 7:13

“Gʼoˆ kʼehˬ yaw suꞈ-ahˇ uˇ leˇ-awˬ. Luˬ-iˇ seˇ-iˇ-eu gaˇ ma-euˬ gʼoˆ kʼehˬ-aˬ, jeˇ dui dui-awˇ, gaˇ ma saˇ lehˆ ni dahˇ-eu miˇ neh, uˇ leˇ-eu tsawˇ haˬ yaw myaˬ meh.

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.