Iˇsaˬyaˇ 21:4 - Akha

⁴ Ngaˬ-euˬ nui ma cehˇ tahˬ tahˬ-awˇ, yaw dzuˬ dzuˬ dui dui nya. Uˬ ciꞈ ciꞈ le gaˇ noeˬ tmˬ kʼawꞈ, ciꞈ le ngeh guˆ dzehˬ laˇ-eu nya.

Iˇsaˬyaˇ 21:4 交叉參考

1 Sahˬpaˬ 1:49

Kʼoeˇ ngeh, Aˬdawˇniˇyaˆ neh kuˇ taˬ-euˬ daˬ yah deuˬ guˆ laˇ-awˇ, tiˬ gʼaˬ tiˬ paw tsawˬ tuˇ-awˇ cehˆ jiˇ-euˬ meh.

Iˇsaˬtaˆ 5:12

Aˬ yawꞈ paˇ ehˇ-eu, “Aˬ jeˬ ehˇ kʼaˇ paˇ za nmˇ. Sahˬ paˬ miˬ zaˬ Iˇsaˬtaˆ gʼaˬ aˬ cawˬ tiˬ gʼaˬ-ahˇ-iˬ maˬ kuˇ ni, sahˬ paˬ nga nyaꞈ-ahˇ tehꞈ-ehˇ kuˇ-awˇ hawˬ byawˇ lawˇ nehˬ laꞈ-euˬ meh. Ni shawˬ uˬ ciꞈ kʼawꞈ tiˬ poˆ paˇ kuˇ taˬ-aˬ siˬ.

Jaceuq 55:5

Guˆ-awˇ yaw dzuˬ dzuˬ-eu jeˬ ngaˬ-ahˇ zuiˆ gʼaˬ-awˇ, laˇ baˇ-iˇ miˇ-a.

Jaceuq 55:6

Kʼaˬ kʼoeˬ loꞈ-ehˇ aˬ dahˇ tsoꞈ law nmˇ-aˬ, zaw byoˆ gʼeh-awˇ gʼaˬ naˬ naˬ-iˇ ma.

Yeˬlaˬmiˇ 4:19

Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Yeˬlaˬmiˇ 51:39

Aˬ yawꞈ maꞈ aˇ dzehˬ-ehˇ smˇ ta loˇ. Aˬ yawꞈ maꞈ gʼaˇ duˬ ngaˇ dzaˬ byawˇ shaˇ dahˇ nehˬ-awˇ, bi dzaˬ bi dawˇ yehꞈ-awˇ laˬ kʼaˬ bi cehˇ ma. Aˬ yawꞈ maꞈ yuꞈ kʼaˆ-awˇ, tiˬ jawˇ-iˬ maˬ paˇ noeˬ laˇ-aˇ.

Yeˬlaˬmiˇ 51:57

Aˬ yawꞈ maꞈ-euˬ sahˬ paˬ sahˬ ma hawˇ-eu, zaˬ siˬ tsawˇ gahˇ byah loꞈ-eu deuˬ, aˬ yuiꞈ aˬ tsu hawˇ-eu yehˇ deuˬ, jiˇ baˬ dawˇ yehꞈ ni ngaˇ jahˇ ma. Aˬ yawꞈ maꞈ yuꞈ kʼaˆ-awˇ maˬ paˇ noeˬ laˇ meh lehˇ, dzoeˬ dzaˬ sahˬ paˬ pyeuꞈ-eu ngaˇ ehˇ-eu ma. Ngaˇ-aˬ, Baoˬ huiˬ-eu Sahˬpaˬ Miˬyehˇ ma.

Daˬyeˬlaˇ 5:1

Tiˬ miˇ keuˆ laˇ ngeh, sahˬ paˬ Beˬlaˇshaˬzaˬ-aˬ, aˬ yawꞈ-euˬ gaˇ mˇ-eu sahˬ paˬ sahˬ ma tiˬ heˇ gʼaˬ-ahˇ kuˇ-awˇ dzaˬ byawˇ lawˇ-eu laꞈ kʼoeˇ, tiˬ kawˆ loꞈ-ehˇ aˬ gaꞈ dzaˇ uiˇ dawˇ-euˬ meh.

Daˬyeˬlaˇ 5:30

Kʼoeˇ ngeh miˇ, Baˬbuˇloˬ sahˬ paˬ Beˬlaˇshaˬzaˬ-ahˇ aˬ cawˬ sehꞈ-euˬ meh.

Daˬyeˬlaˇ 5:5

Ja pyuˬ ni, tsawˇ haˬ-euˬ aˬ laꞈ tiˬ laꞈ doˆ le-awˇ, sahˬ paˬ hawˇ nymˇ-euˬ kaˇ pyawˇ-ahˇ, tsiˇ kʼmˬ yaw shehꞈ bya dzehˬ-awˇ mawˇ duˬ laˇ dzehˬ gaˇ, sahˬ boꞈ boꞈ le-euˬ meh. Aˬ laꞈ kʼoeˇ laꞈ kʼoeˇ loꞈ-ehˇ sahˬ boꞈ boꞈ luꞈ gaˇ sahˬ paˬ mawˇ-euˬ meh.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Dawˬmehˬ 28:67

Kʼaˇ ya mawˇ-euˬ yawˬ jeˬ na luꞈ-ahˇ, nawˇ guˆ-awˇ nui ma cehˇ tahˬ tahˬ tehꞈ-a. Yawˬ shawˬ na luꞈ uˬ ciꞈ bi ciꞈ le mawꞈ-awˇ, yawˬ miˇ na luꞈ uˬ bya bi bya laˇ mawꞈ tehꞈ-a.

Dawˬmehˬ 32:11

Dzeˇ ma aˬ dahˇ uˬ moˆ dzeˇ zaˬ, zaw nya ni hehˇ tehˇ-euˬ loꞈ-ehˇ, Iˇsaˬlaˬleˇ tsawˇ haˬ deuˬ-ahˇ, Sahˬpaˬ Miˬyehˇ hehˇ tehˇ-euˬ meh.