Iˇsaˬyaˇ 10:19 - Akha

¹⁹ Sahˬ kʼaˆ kʼoeˇ naˆ ni gʼeh-eu bi puiˆ byoˆ-awˇ, dzeˇ-eu aˇ bawˇ deuˬ-ahˇ, zaˬ yaw nyiˇ tiˬ gʼaˬ gui jiˇ nya tehꞈ-a.

Iˇsaˬyaˇ 10:19 交叉參考

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Iˇsaˬyaˇ 21:17

Geˬdaˬ tsawˇ jeuˬ kaˆ baꞈ-eu yehˇ deuˬ-aˬ, nui ma kʼaˬ dui dui kʼawꞈ, gʼawˬ mya gʼaˬ maˬ dzeuˇ-iˇ-aˇ lehˇ, Iˇsaˬleˬlaˆ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, ehˇ-eu ma.”

Iˇsaˬyaˇ 32:19

Bawˇ tsahˬ-ahˇ uˬ yehˇ aˇ siˬ ga le-awˇ, meuˬ bi deh meuˇ leꞈ kʼawꞈ,

Yeˬlaˬmiˇ 44:28

Ehˇ kʼawꞈ, heu myaˆ gʼaˬ uˬ kʼawˇ buˬ-iˇ-awˇ, Iˇjiˇtuˆ miˇ kʼahˬ-ahˇ neh Yuˇdaˆ miˇ kʼahˬ-ahˇ gʼoꞈ doˆ laˇ tehꞈ-a. Kʼoeˇ ngeh jawˇ, kʼaˇ dzeuˇ-iˇ-euˬ tsawˇ haˬ kʼoeˇ deuˬ, ngaˬ-euˬ dawˬ tsaˬ nga loˇ, aˬ yawꞈ maꞈ-euˬ dawˬ tsaˬ nga loˇ lehˇ, ya siˬ duˬ tehꞈ-a.

Iˇsaˬyaˇ 13:12

Tsawˇ haˬ zaˬ shuiˇ myaˆ-ehˇ maˬ myaˬ ni bi pyeuꞈ-iˇ-awˇ, Awˇpiˇlaˆ miˇ kʼahˬ-ahˇ jaˆ-eu shuiˇ miˇ tsaˬ zaˬ dawˬ tawˆ luꞈ myaˆ maˬ tseˇ myaˬ tehꞈ-a.