Iˇsaˬyaˇ 1:12 - Akha

¹² Naw maꞈ ngaˬ-ahˇ uˬ duˬ kʼaˇ tahˬ laˇ ngeh, kʼoeˇ loꞈ-ehˇ gʼeh-eu jeˬ yuˇ laꞈ lehˇ aˬ suˇ gʼaˬ ehˇ ta. Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ, aˬ kuiˇ nawˬ nawˬ-ehˇ cah laˇ lehˇ naw maꞈ-ahˇ aˬ suˇ gʼaˬ ehˇ ta.

Iˇsaˬyaˇ 1:12 交叉參考

Jaceuq 40:6

Lawˇ-eu shehˇ-eu nawˇmaˬmawꞈ-a. Miˬdzaˬdzah-awˇlawˇ-eu maˬehˇ, iˬbaˇshawˇ-eu lawˇ-eu maˬehˇ, nawˇgeuꞈmawꞈ-eu jeˬmaˬngeuˇ-a. Ehˇkʼawꞈnaˇhaˬgeuꞈ-eu naˬbawˇ, nawˇngaˬ-ahˇbiꞈnehˬlaꞈ-euˬmeh.

Doˆ-iˇ 23:17

Aˬ yawꞈ kʼoꞈ yawꞈ, bawˬ-iˬ heu smˇ bawˬ-iˬ gʼeh-eu aˇ yamˬ keuˆ laˇ ngeh, kʼaˬ dzeˇ zaˬ dawˬ tawˆ luꞈ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ uˬ duˬ ya tahˬ laˇ meh.

Doˆ-iˇ 34:23

“Iˇsaˬleˬlaˆ tsawˇ haˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˬ-ahˇ, kʼaˬ dzeˇ zaˬ dawˬ tawˆ luꞈ tiˬ kʼoꞈ smˬ poˆ uˬ duˬ ya tahˬ laˇ meh.

Dawˬ tsoˆ 5:1

Uˬ duˬ tahˬ nymˇ nymˇ ma-ahˇ le ngeh, kuiˇ toꞈ ciˬ-eu yahˇ-awˬ. Yaw muiˬ yaw doeˇ maˬ tseˇ paˆ nya-eu aˬ dzawˬ aˇ gah deuˬ jahˇ-eu loꞈ-ehˇ lawˇ-eu shehˇ-eu naˆ maˬ tseˇ, Uˬ duˬ tahˬ nymˇ nymˇ ma-ahˇ naˇ haˬ geuꞈ leˇ-eu muiˬ dzehˬ meh.

Yeˬlaˬmiˇ 7:11

Ngaˬ-euˬ Uˬ duˬ tahˬ nymˇ nymˇ ma heu, smˇ kʼoeˬ tahˇ joe deuˬ-euˬ cehˆ zaꞈ duˬ meh lehˇ naw maꞈ noeˬ te loˇ. Naw maꞈ neh mˇ-euˬ jeˬ ngaˇ mawˇ luꞈ ma.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Zaˬkaˬliˇ 7:5

“Miˇ kʼahˬ zaˬ deuˬ hawˇ-eu piˇ ma deuˬ-ahˇ heu loꞈ-ehˇ ehˇ nehˬ-awˬ. Dzeuˇ laˇ-euˬ heu shiꞈ tseˇ kʼoꞈ aˇ yamˬ laꞈ kʼoeˇ, ba la ngaˬ siˬ tiˬ siˬ hawˇ-eu shiꞈ siˬ tiˬ siˬ-ahˇ, maˬ dzaˬ-eu zahˇ jahˇ-awˇ tsawˇ ngoeˇ ngoeˇ-euˬ-aˬ, ngaˬ-ahˇ taˬ huiˬ-euˬ jeˬ maˬ ngeuˇ-a.

Maꞈtehˬ 23:5

Aˬ yawꞈ maꞈ kʼaˇ mˇ kʼaˇ shaˇ-eu yawˬ jeˬ na luꞈ, aˬ cawˬ haw mawˇ ni mˇ-eu meh. Aˬ yawꞈ maꞈ-euˬ naˇ kʼawˇ hawˇ-eu laꞈ du-ahˇ paꞈ tawꞈ taˬ-euˬ, Jaˇliꞈ aˇ deuˆ boꞈ myahˬ taˬ-euˬ shaˬ kʼoˆ pawˬ behˆ kʼoeˇ deuˬ aˇ naˆ ni guꞈ huiˬ taˬ-euˬ nga lehˇ haw sheˇ. Aˬ yawꞈ maꞈ-euˬ pehˇ kʼahˬ pehˇ dahˬ-ahˇ tsoꞈ-eu dawˬ sheuˇ aˇ mah ni ahˇ nga lehˇ haw sheˇ.

Dawˬmehˬ 16:16

“Baˬsaˬkaˬ Bawˬ-iˬ, Cehˇ laˆ luiˆ-eu Bawˬ-iˬ hawˇ-eu, Sehˬ gʼawˆ-euˬ Bawˬ-iˬ heu smˇ hmˬ laꞈ kʼoeˇ, tiˬ kʼoꞈ smˬ poˆ, naw maꞈ tsawˇ haˬ kʼaˬ dzeˇ zaˬ dawˬ tawˆ luꞈ Sahˬpaˬ Miˬyehˇ-ahˇ uˬ duˬ ya tahˬ laˇ meh. Aˬ yawꞈ gʼaˬ yawꞈ, yawꞈ ngehꞈ-ehˇ maˬ laˇ ni, laꞈ sawˬ ya yuˇ laꞈ meh.