Gʼaˬkʼehˇ 18:12 - Akha12 Gaˬliˬoˬ lehˇ kuˇ-eu gʼaˬ, Aˬgaˬyaˇ miˇ kʼahˬ-ahˇ uˆ lahˇ luꞈ ngeh, Yuˇdaˆ tsawˇ haˬ deuˬ gm leˇ-awˇ Pawˇluˆ-ahˇ nyehꞈ-awˇ, yaˇ kʼaˬ daˇ-eu saˇ naˇ-ahˇ sheuˬ gʼeh-euˬ meh. 參見章節Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq12 Aqgaqyar mirkhanq-anr Gaqliqoq sanrmrluf ngae, Yurdav tsawrhaq nuima tiqgar gm-awr, Pawrluv-anr muirni turlar-awr, aqyawf-anr yarkhaq dar-eu nuirmanq-anr sheughae-awr, 參見章節 |
Gʼaˬkʼehˇ 18:12
27 交叉參考
Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.
Kʼoeˇ naˇ, Aˬgaˬyaˇ miˇ kʼahˬ-ahˇ iˇ-eu gʼaˇ duˬ Aˬpawˇluˆ noeˬ tsehˆ-euˬ meh. Kʼoeˇ miˇneh, Aˬgaˬyaˇ miˇ kʼahˬ-ahˇ jawˇ-eu jah-eu tsawˇ haˬ deuˬ aˬ yawꞈ-ahˇ ha geuꞈ ni, Eˇpeˇsu meuˬ-ahˇ jawˇ-eu jah-eu tsawˇ haˬ deuˬ neh sahˬ boꞈ boꞈ ahˇ nehˬ-awˇ, aˬ yawꞈ-ahˇ caw ba nehˬ-euˬ meh. Aˬ yawꞈ kʼoeˇ gaˇ iˇ keuˆ ngeh, Miˬyehˇ-euˬ guiˬ lahˬ baˬ da neh jah-eu tsawˇ haˬ pyeuꞈ laˇ-euˬ deuˬ gʼaˇ duˬ gaˇ dahˇ tsoeˬ dui dui leˇ-euˬ meh.
Miˬyehˇ nui kʼahˇ shiˇ-eu laꞈ kʼoeˇ Yeˬsuˇ ka li-euˬ gʼaˬ kʼehˇ pyeuꞈ laˇ-euˬ ngaˇ Pawˇluˆ hawˇ-eu, aˬ dui-euˬ aˬ yuiꞈ aˬ nyiˇ Tiˆmoˇseˬ nga nyaꞈ, Gawˇliˬtu meuˬ-ahˇ jawˇ-eu Miˬyehˇ-euˬ Ka li zaˬ aˇ muˇ hawˇ-eu Aˬgaˬyaˇ miˇ kʼahˬ doe ni jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ leꞈ-eu ma.
Ngaˇ tiˬ kʼehˬ maˬ taˬ ni gaˇ ma doˆ-iˇ-eu laꞈ kʼoeˇ, gʼawˬ mya jeˬ-ahˇ guˆ kʼaˇ za za-ehˇ cah-euˬ ma. Lawˇ baˬ huiˬ le gaˇ maˬ ehˇ, tahˇ joe joe laˇ gaˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ kʼehˬ laˇ gaˇ maˬ ehˇ, guˆ guˆ-ehˇ cah-euˬ ma. Meuˬ laꞈ kʼoeˇ maˬ ehˇ, bawˇ tsahˬ bawˇ dahˇ-ahˇ maˬ ehˇ, iˬ ma laˆ shaˆ kʼoeˇ taˆ maˬ ehˇ, guˆ-eu gaˆ-eu jeˬ-ahˇ ya tahˬ puˬ-eu uˬ taꞈ, maˬ ngeuˇ-eu Ka li zaˬ deuˬ yehˬ bawˬ-ehˇ jahˇ laˇ gaˇ guˆ guˆ-ehˇ shaˬ haw-euˬ ma.
Naw maꞈ caw ba mawꞈ-eu nui ma ahˇ meh lehˇ ngaˇ siˬ nya-awˇ, Maˬgeˬdawˇniˆˆ miˇ kʼahˬ-ahˇ jawˇ-eu Ka li zaˬ deuˬ-ahˇ naw maꞈ-euˬ gaˇ kawˆ ngaˇ kʼahˬ sehˇ jehˆ mehˬ gʼaˬ-euˬ ma. “Aˬgaˬyaˇ miˇ kʼahˬ-ahˇ jawˇ-eu Ka li zaˬ deuˬ-aˬ, miˇ nui kʼoꞈ ba neh caw ba nehˬ-eu gʼaˇ duˬ lehˬ hmˬ dah taˬ-euˬ meh” lehˇ ngaˇ ehˇ nehˬ-euˬ ma. Naw maꞈ nui ma keuˆ-eu gaˇ kawˆ ya gaˬ ngeh, aˬ yawꞈ maꞈ dawˬ tawˆ luꞈ ehˇ gʼaˬ ni nui ma keuˆ laˇ-euˬ meh.
Nga maꞈ-euˬ aˬ yuiꞈ aˬ nyiˇ Ka li zaˬ deuˬ-oˇ, Yuˇdaˆ miˇkʼahˬ laꞈ kʼoeˇ jawˇ-eu Ka li zaˬ aˇ muˇ deuˬ hawˇ-eu kʼoeˇ gaˇ jawˇ-eu Yeˬsuˇ Ka li-euˬ tsawˇ haˬ deuˬ koeˇ taˆ keuˆ le-euˬ jeˬ, nymˬ-mˇ naw maꞈ kʼoeˇ taˆ keuˆ le-euˬ meh. Yuˇdaˆ tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ loꞈ-ehˇ, naw maꞈ kʼawꞈ, yawˬ ha nehˬ-ehˇ tiˬ kʼahˬ-ahˇ jawˇ luꞈ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ ya daˬ-euˬ meh.
Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.
廣告