Gʼaˬkʼehˇ 10:25 - Akha

²⁵ Beˬtuˆluˆ iˇ kahˇ laꞈ kʼoeˇ uˇ leˇ-eu lehˇ gʼeh ngeh, aˬ yawꞈ-euˬ aˬ kuiˇ dawˬ peh Gawˬneˬliˇ pawˬ tsuiꞈ pawˬ dmˬ dmˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Beqtuvluv urler-euq naeq-aer, Gorneqlir, aqyawf-anr mawr-awr, aqyawf-euq aqkuir-euq maeqshi awbyav-awr uqduq tanq-eu mae.

Gʼaˬkʼehˇ 10:25 交叉參考

Daˬyeˬlaˇ 2:30

Naꞈ dui dui-eu gaˇ kawˆ heu-euˬ dawˬ tsuiꞈ, nymˬ-mˇ ngaˬ-ahˇ pah mehˬ nehˬ laꞈ-euˬ meh. Aˬ cawˬ naˆ maˬ tseˇ ngaˇ zaˬ siˬ tsawˇ gahˇ ahˇ dzehˬ-eu miˇ neh, ngaˬ-ahˇ heu loꞈ-ehˇ pah mehˬ nehˬ laꞈ-euˬ maˬ ngeuˇ-a. Ehˇ kʼawꞈ, sahˬ paˬ nawˇ nawˬ-euˬ yuꞈ maˆ dawˬ tsuiꞈ siˬ nya-awˇ, nawˬ-euˬ nui ma-ahˇ pyeuꞈ doˆ laˇ-euˬ nui noeˬ-euˬ dawˬ tsuiꞈ nawˇ ya siˬ ni, ngaˬ-ahˇ heu loꞈ-ehˇ pah mehˬ nehˬ laꞈ-euˬ meh.

Daˬyeˬlaˇ 2:46

Sahˬ paˬ Neˬbuˬkaˬneˬzaˬ miˇ tsa awˆ byaˆ-awˇ, Daˬyeˬlaˇ-ahˇ lawˇ nehˬ shehˇ nehˬ-eu gʼaˇ duˬ dawˬ biꞈ-euˬ meh.

Maꞈtehˬ 14:33

Kʼoeˇ naˇ, lawˬ laꞈ kʼoeˇ uˇ luꞈ-eu zaˬ lahˇ deuˬ Yeˬsuˇ-ahˇ uˬ duˬ tahˬ-euˬ meh. Aˬ yawꞈ maꞈ ehˇ-eu, “Nawˇ-aˬ, maˇ maˇ ni Miˬyehˇ-euˬ Zaˬmaˇ ngaˇ.”

Maꞈtehˬ 8:2

Kʼoeˇ ngeh, coiˬ doi naˇ-eu tsawˇ haˬ tiˬ gʼaˬ aˬ yawꞈ jawˇ gaˇ laˇ-awˇ, pawˬ tsuiꞈ pawˬ dmˬ dmˬ-awˇ, “Sahˬ paˬ-oˇ, nawˇ mˇ mawꞈ naˇ, ngaˇ muiˬ laˇ shawˇ laˇ ni mˇ nya meh” lehˇ ehˇ-eu meh.

Panmaeq 19:10

Mˬ taˆ gʼaˬ kʼehˇ kʼoeˇ gʼaˬ-euˬ mehˬ shi ngaˇ ga byaˆ-awˇ uˬ duˬ tahˬ-eu lehˇ gʼeh-euˬ ma. Ehˇ kʼawꞈ, aˬ yawꞈ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ deuˬ hawˇ-eu Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ kʼaˇ tuˆ tehˬ luꞈ-eu deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.” Aˬ jeˬ miˇ neh ehˇ naˇ, Yeˬsuˇ neh pah mehˬ-euˬ yaw tsaˬ yaw dawˇ kʼoeˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ neh bi noeˬ doˆ-euˬ yaw tsaˬ yaw dawˇ kʼoeˇ meh.