Doˆ-iˇ 32:3 - Akha

³ Kʼoeˇ naˇ, tsawˇ haˬ dawˬ tawˆ luꞈ, yawˬ ha kʼaˇ geuꞈ luꞈ-eu shuiˇ naˬ bawˇ naˬ yoˆ deuˬ lehˆ doˆ jiˇ-awˇ, Aˬloˬ jawˇ gaˇ yuˇ laꞈ-euˬ meh.

Doˆ-iˇ 32:3 交叉參考

Aˇ dahˬ 24:22

Leˬbehˇkaꞈ law taw-ahˇ iˇ cuꞈ bi dawˇ gʼaˬ ngeh, zaˬ kʼaˆ kʼoeˇ gʼaˬ zaˬ miˬ zaˬ-euˬ naˇ mehˇ-ahˇ geuꞈ-eu aˇ poeˬ kʼaˆ-eu shuiˇ laꞈ behˬ yuˇ doˆ-awˇ, Leˬbehˇkaꞈ-euˬ naˇ mehˇ-ahˇ bi geuꞈ-euˬ meh. Shuiˇ laꞈ duꞈ nyiˬ duꞈ paˇ yuˇ doˆ-awˇ, Leˬbehˇkaꞈ-euˬ laꞈ du-ahˇ nyehꞈ duꞈ nehˬ-euˬ meh.

Aˇ dahˬ 35:4

Kʼoeˇ ngeh, tahˬ pahˬ aˬ ma mawˇ kawˇ dawˬ tawˆ luꞈ hawˇ-eu, aˬ yawꞈ maꞈ-euˬ naˬ bawˇ naˬ yoˆ deuˬ, Yaˬkoˆ-ahˇ aˬ yawꞈ maꞈ biꞈ nehˬ-euˬ meh. Myawˬ kʼoeˇ deuˬ-ahˇ Yaˬkoˆ yuˇ-awˇ, Sheˬkmˬ meuˬ dawˬ peh bawˇ-eu tsuiꞈ kaˆ aˇ bawˇ dawˬ pehˬ-ahˇ duˬ pahˬ yaꞈ-euˬ meh.

Doˆ-iˇ 32:2

Kʼoeˇ ngeh, “Naw maꞈ-euˬ miˬ zaˬ deuˬ hawˇ-eu aˬ buˇ aˬ li deuˬ geuꞈ luꞈ-eu shuiˇ naˬ bawˇ naˬ yoˆ deuˬ lehˆ doˆ-awˇ, ngaˇ jawˇ gaˇ yuˇ laꞈ-awˬ” lehˇ, aˬ yawꞈ maꞈ-ahˇ Aˬloˬ ehˇ nehˬ-euˬ meh.

Doˆ-iˇ 32:4

Shuiˇ naˬ yoˆ kʼoeˇ deuˬ aˬ yawꞈ puiˆ guiˇ-awˇ, mawˇ neˇ mawˇ gaw mawˇ kawˇ kʼaˇ-euˬ meh. Kʼoeˇ ngeh, “Iˇsaˬleˬlaˆ tsawˇ haˬ deuˬ-oˇ, heu-aˬ, Iˇjiˇtuˆ miˇ kʼahˬ laꞈ kʼoeˇ neh aˬ dui-ahˇ sheuˬ doˆ nehˬ laꞈ-euˬ aˬ dui-euˬ miˬ yehˇ meh” lehˇ aˬ yawꞈ maꞈ ehˇ-eu meh.

Doˆ-iˇ 33:6

Kʼoeˇ miˇ neh, Siˇnaˆ gawˬ jawˬ-ahˇ neh aˬ yawꞈ maꞈ doˆ-iˇ ngeh tiˬ nah neh, aˇ poeˬ kʼaˆ-eu myawˬ guˇ deuˬ aˬ yawꞈ maꞈ maˬ paˇ geuꞈ luꞈ meh.

Iˇsaˬyaˇ 3:19

laꞈ du-ahˇ kʼaˇ duꞈ luꞈ-eu jeˬ maˬ ehˇ, myaˆ pyawˬ-ahˇ tsahˇ kaˬ-eu jeˬ maˬ ehˇ,

Iˇsaˬyaˇ 46:6

Tsawˇ haˬ tiˬ paˆ na deuˬ shuiˇ pehˇ zeuˇ tahˬ kʼaˇ-awˇ, pyuˇ-ahˇ paˆ yawˬ neh saˆ-eu meh. Shuiˇ kʼaˇ-eu tsawˇ haˬ-ahˇ aˇ poeˬ biꞈ-awˇ, tahˬ pahˬ aˬ ma mawˇ kawˇ bi kʼaˇ-awˇ uˬ duˬ tahˬ-eu meh.

Yeˬlaˬmiˇ 10:9

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-aˬ, Saˬbeˬ miˇ kʼahˬ-ahˇ doˆ-eu shuiˇ hawˇ-eu, Uˇpaˆ miˇ kʼahˬ-ahˇ doˆ-eu shuiˇ yaw-awˇ, ba jiˬ deuˬ neh jahˇ taˬ-euˬ mˇ myawˬ meh. Saˬ nmˇ saˬ paˇ nya-eu tsawˇ haˬ deuˬ neh zaꞈ-euˬ, neˇ naˆ neˇ puiˇ puiˇ-eu saˬ paˇ bi dm-euˬ meh.