Daˬyeˬlaˇ 5:7 - Akha

⁷ Nyiˇ paˬ shaˆ ma deuˬ hawˇ-eu mah loˬ ja maw deuˬ kuˇ laꞈ-eu gʼaˇ duˬ aˬ yawꞈ dawˬ biꞈ-euˬ meh. Aˬ yawꞈ maꞈ laˇ keuˆ ngeh, heu loꞈ-ehˇ ehˇ nehˬ-euˬ meh. “Heu gaˇ boꞈ taˬ-euˬ gaˇ kawˆ heu gui doˆ nya-awˇ, ngaˬ-ahˇ kʼaˇ dzawˇ poˆ nehˬ laꞈ nya-eu gʼaˬ-ahˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, kawˬ lahˇ-ahˇ taˬ huiˬ taˬ mahˇ-eu shuiˇ shuiˇ caˆ bi dah-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-ma.”

Daˬyeˬlaˇ 5:7 交叉參考

Aˇ dahˬ 41:8

Uˬ bya bya laˇ ngeh, sahˬ paˬ noeˬ shaˬ dui dui-eu miˇ neh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu nyiˇ paˬ shaˆ ma deuˬ hawˇ-eu, zaˬ siˬ tsawˇ gahˇ ahˇ-eu tsawˇ haˬ deuˬ-ahˇ bi kuˇ uiˬ-euˬ meh. Aˬ yawꞈ neh yuꞈ maˆ maˆ mawˇ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ mehˬ nehˬ kʼawꞈ, tiˬ gʼaˬ-iˬ dawˬ tsuiꞈ maˬ yuˇ doˆ nehˬ nya-a.

Iˇsaˬtaˆ 3:1

Aˇ yamˬ ui cuiˆ myahˇ laˇ ngeh jawˇ, sahˬ paˬ Dzeuˬsehˆ-aˬ, Haˬmaˬ lehˇ kuˇ-euˬ gʼaˬ-ahˇ sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, aˬ cawˬ naˆ maˬ tseˇ huiˬ-eu aˇ yaˬ biꞈ nehˬ-euˬ meh. Haˬmaˬ-aˬ, Aˬgaˆ -euˬ aˇ jeuˬ Haˬmeˬdaˬtaˬ-euˬ aˬ li pyeuꞈ-eu meh.

Doˆ-iˇ 7:11

Kʼoeˇ ngeh, sahˬ paˬ kʼoeˇ gʼaˬ, mah loˬ nya-eu deuˬ hawˇ-eu, zaˬ siˬ nui gahˇ ahˇ dui dui-eu aˬ yawꞈ-euˬ tsawˇ haˬ deuˬ kuˇ uiˬ-awˇ, tsawˇ haˬ kʼoeˇ deuˬ kʼawꞈ, aˬ yawꞈ maꞈ-euˬ mah loˬ loˬ-eu tsawˇ gahˇ-ahˇ gʼoe-awˇ, Aˬloˬ neh mˇ-euˬ jeˬ mˇ mehˬ nehˬ-euˬ meh.

Dawqdaq 1:9

Dawˬ kʼoeˇ deuˬ nawˬ-euˬ uˬ duˬ-ahˇ geuꞈ luꞈ-eu aˇ yehˆ hawˇ-eu, nawˬ-euˬ kawˬ lahˇ-ahˇ dah luꞈ-eu lahˇ dah loꞈ-ehˇ, nawˬ-ahˇ bi haw jaˬ-eu meh.

Dawˬ caˇ 1:10

Nawˬ-euˬ baˬ ba kʼoeˇ taˆ jaˆ-eu uˬ duˬ tsehˇ kahˇ muiˬ dui dui-awˇ, shuiˇ caˆ sehˇ caˆ loꞈ-ehˇ kawˬ lahˇ kʼoeˇ taˆ ga gʼeu-eu meh.

Iˇsaˬyaˇ 47:13

Nawˬ-ahˇ nui noeˬ nui duˇ biꞈ-eu jawˇ kʼawꞈ, nawˇ gʼaˬ tiˬ pawꞈ-iˬ maˬ ahˇ-a. Ja maw nya-eu deuˬ mehˬ shi kuˇ doˆ-awˇ, nawˬ-ahˇ bi ka kʼoꞈ-awˬ. Aˬ guiˇ gaˇ kawˆ dzaw nya taˬ-awˇ, mˬ-ahˇ daˇ dza dehˬ jiˇ nya-eu, ba la aˬ yawꞈ siˬ yawꞈ kʼaˇ pyeuꞈ laˇ-eu gaˇ kawˆ, nawˬ-ahˇ ehˇ mehˬ nya-eu tsawˇ haˬ kʼoeˇ deuˬ, nawˬ-ahˇ bi ka kʼoꞈ-awˬ.

Yeˬlaˬmiˇ 50:35

Sahˬpaˬ Miˬyehˇ ehˇ-eu, “Baˬbuˇloˬ-ahˇ mi cehˇ keuˆ le luꞈ-uˇ. Aˬ yawꞈ-euˬ tsawˇ haˬ deuˬ hawˇ-eu, sahˬ paˬ sahˬ ma, zaˬ siˬ tsawˇ siˬ dawˬ tawˆ kʼoeˇ taˆ, mi cehˇ keuˆ le luꞈ-uˇ.

Yeˬsaˬgeˬlaˇ 16:11

Myawˬ guˇ deuˬ bi geuꞈ-awˇ, laꞈ duꞈ lahˇ dah nyehꞈ duꞈ nyehꞈ dah nehˬ-euˬ ma.

Daˬyeˬlaˇ 1:20

Sahˬ paˬ neh kʼaˇ naˇ haˬ-euˬ dawˬ deuˬ hawˇ-eu, zaˬ siˬ tsawˇ gahˇ kʼaˇ pyehˆ tseˇ haw-euˬ yawˬ jeˬ na luꞈ laꞈ kʼoeˇ, miˇ kʼahˬ kʼoeˇ kʼahˬ-ahˇ kʼaˇ jawˇ-eu nyiˇ paˬ shaˆ ma dawˬ tawˆ luꞈ naˆ maˬ tseˇ, aˬ ha oeˬ gʼaˬ tseˇ bymˇ nya dzehˬ gaˇ ya mawˇ-euˬ meh.

Daˬyeˬlaˇ 1:4

Aˬ yawꞈ maꞈ-aˬ, sahˬ paˬ-euˬ hawˇ nymˇ laꞈ kʼoeˇ gaˇ mˇ nya ni, tsawˇ haˬ aˇ gʼehˇ muiˬ-awˇ, zaˬ siˬ nui gahˇ ahˇ-eu uˬ taꞈ, dzaw bym taˬ-euˬ deuˬ ya bi pyeuꞈ-awˇ, kʼaˇ mehˬ nehˬ-eu jeˬ-ahˇ yaw kawˇ-ehˇ gʼoˆ siˬ gʼoˆ shaw nya-eu tsawˇ haˬ ya bi pyeuꞈ-eu meh. Kʼoeˇ uˬ taꞈ, pyawˬ naˬ mawˇ do ehˇ kʼaˇ maˬ za-eu tsawˇ haˬ ya biˬ pyeuꞈ-eu meh. Aˬ yawꞈ maꞈ Baˬbuˇloˬ dawˬ boꞈ nya gui nya laˇ ni, Aˬshaˇpeˬnaˆ ya mehˬ meh lehˇ ehˇ taˬ-euˬ meh.

Daˬyeˬlaˇ 2:2

Kʼoeˇ miˇ neh, ja maw mah loˬ nya-eu deuˬ hawˇ-eu, nyiˇ paˬ shaˆ ma deuˬ-ahˇ aˬ yawꞈ bi kuˇ laˬ-iˇ-awˇ, yuꞈ maˆ dawˬ tsuiꞈ bi yuˇ doˆ-euˬ meh. Tsawˇ haˬ kʼoeˇ deuˬ laˇ keuˆ-awˇ, sahˬ paˬ-euˬ mehˬ shi yawꞈ luꞈ-eu meh.

Daˬyeˬlaˇ 2:27

Kʼoeˇ ngeh, Daˬyeˬlaˇ heu loꞈ-ehˇ ehˇ-eu meh. “Sahˬ paˬ-oˇ, gaˇ kawˆ heu nawˬ-ahˇ ehˇ nehˬ nya-eu nyiˇ paˬ shaˆ ma hawˇ-eu mah loˬ ja maw nya-eu tsawˇ haˬ maˬ jawˇ-a.

Daˬyeˬlaˇ 2:48

Kʼoeˇ naˇ, sahˬ paˬ neh Daˬyeˬlaˇ-ahˇ yaw huiˬ yaw mahˇ bi keuˆ leˇ-awˇ, muiˬ dui dui-eu laꞈ sawˬ deuˬ biꞈ-euˬ uˬ taꞈ, Baˬbuˇloˬ meuˬ-euˬ gahˬ kaˬ-ahˇ uˆ lahˇ-eu gʼaˬ bi geuꞈ-awˇ, sahˬ paˬ-ahˇ nui noeˬ nui duˇ biꞈ-eu tsawˇ gahˇ ahˇ-eu tsawˇ haˬ dawˬ tawˆ luꞈ kʼoeˇ taˆ bi uˆ lahˇ-euˬ meh.

Daˬyeˬlaˇ 2:6

Ehˇ kʼawꞈ, naw maꞈ ngaˬ-ahˇ yuꞈ maˆ kʼoeˇ hmˬ dzawˇ nehˬ nya-awˇ, dawˬ tsuiꞈ yuˇ doˆ nehˬ laꞈ nya naˇ, naw maꞈ-ahˇ ngaˇ laꞈ sawˬ biꞈ-awˇ, yaw kʼaˆ-ehˇ taˬ huiˬ taˬ mahˇ nehˬ ma. Nymˬ-mˇ poˆ jawˇ-aˬ, yuꞈ maˆ gaˇ kawˆ dzawˇ-awˇ, yuꞈ maˆ dawˬ tsuiꞈ yuˇ doˆ-awˬ.”

Daˬyeˬlaˇ 4:14

Aˬ yawꞈ yaw kʼaˆ-ehˇ guˇ-awˇ heu loꞈ-ehˇ ehˇ-eu meh. Aˇ bawˇ heu bawˇ tuˇ lawˇ-awˇ uˬ laꞈ deuˆ tsehˆ dzeh jiˇ-awˬ. Aˇ paꞈ juˆ dzeh jiˇ-awˇ, aˇ siˬ byaˆ byoˆ jiˇ-awˬ. Aˇ bawˇ dawˬ pehˬ-ahˇ jawˇ-eu jeˬ zaˬ deuˬ teh dzeh jiˇ-awˇ, uˬ laꞈ-ahˇ dawꞈ-eu aˇ jiˇ deuˬ teh zaw jiˇ-awˬ.

Daˬyeˬlaˇ 5:11

Nawˬ-euˬ miˇ kʼahˬ laꞈ kʼoeˇ muiˬ-eu shawˇ-eu Miˬyehˇ-euˬ yaw sahˇ ahˇ-eu tsawˇ haˬ tiˬ gʼaˬ jawˇ meh. Nawˬ da dzoeˬ dzaˬ ngeh, tsawˇ haˬ kʼoeˇ gʼaˬ zaˬ siˬ tsawˇ gahˇ ahˇ dui dui-awˇ, Miˬyehˇ tiˬ gʼaˬ loꞈ-ehˇ siˬ nya mawˇ nya gaˇ ya mawˇ-euˬ meh. Nawˬ da sahˬ paˬ Neˬbuˬkaˬneˬzaˬ neh aˬ yawꞈ-ahˇ, nyiˇ paˬ shaˆ ma hawˇ-eu mah loˬ ja maw dawˬ tawˆ luꞈ kʼoeˇ taˆ huiˬ dzehˬ-eu gʼaˬ bi geuꞈ-euˬ meh.

Daˬyeˬlaˇ 5:15

Ngaˬ-ahˇ nui noeˬ nui duˇ biꞈ-eu deuˬ hawˇ-eu, mah loˬ ja maw nya-eu deuˬ bi sheuˬ laꞈ-awˇ, heu gaˇ boꞈ taˬ-euˬ gaˇ kawˆ heu bi gui haw-awˇ ngaˬ-ahˇ dawˬ tsuiꞈ bi yuˇ doˆ mehˬ-euˬ kʼawꞈ, tiˬ gʼaˬ-iˬ dawˬ tsuiꞈ maˬ poˆ doˆ nya-a.

Daˬyeˬlaˇ 5:16

Zaꞈ taˬ-euˬ gaˇ kawˆ deuˬ hawˇ-eu, naꞈ dui dui-eu dawˬ tsuiꞈ deuˬ nawˇ yuˇ doˆ nya meh lehˇ ngaˇ ya gaˬ-euˬ ma. Heu gaˇ boꞈ taˬ-euˬ sahˬ boꞈ heu nawˇ gui-awˇ ngaˬ-ahˇ dawˬ tsuiꞈ yuˇ doˆ nehˬ laꞈ nya naˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ nawˬ-euˬ kawˬ lahˇ-ahˇ sheu dah nehˬ-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ dzehˬ-eu sahˬ paˬ smˇ gʼaˬ tiˬ gʼaˬ bi geuꞈ ma.”

Daˬyeˬlaˇ 5:29

Beˬlaˇshaˬzaˬ neh aˬ yawꞈ-euˬ tsawˇ haˬ deuˬ-ahˇ tiˬ poˆ tehꞈ-ehˇ dawˬ biꞈ-awˇ, Daˬyeˬlaˇ-ahˇ sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ kawˬ lahˇ-ahˇ nyehꞈ dah nehˬ-euˬ meh. Kʼoeˇ naˇ, miˇ kʼahˬ kʼoeˇ taˆ aˬ cawˬ naˆ maˬ tseˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-euˬ meh.

Bawˇtsahˬ 22:17

Aˇ poeˬ kʼaˆ dui dui-eu laꞈ sawˬ deuˬ hawˇ-eu nawˇ kʼaˇ shaˇ-eu jeˬ ngaˇ nawˬ-ahˇ biꞈ ma. Laˇ-awˬ. Ngaˬ-euˬ gʼaˇ duˬ tsawˇ haˬ heu deuˬ-ahˇ yaˬ kʼehˇ yaˬ nehˬ laꞈ-awˬ.”

Bawˇtsahˬ 22:7

Kʼoeˇ naˇ, Mawˇbaˆ tsawˇ jeuˬ hawˇ-eu Miˇdiˬyaˬ tsawˇ jeuˬ aˬ yuiꞈ aˬ tsu deuˬ-aˬ, yaˬ kʼehˇ yaˬ poeˬ biꞈ-eu gʼaˇ duˬ laꞈ sawˬ yuˇ-awˇ, Baˬlamˬ jawˇ gaˇ iˇ-awˇ, Baˬlehˇ neh bi tsaꞈ-euˬ dawˬ deuˬ tsaꞈ nehˬ-iˇ-euˬ meh.

Bawˇtsahˬ 24:11

Nymˬ-mˇ nawˇ gʼoꞈ-iˇ-awˬ. Nawˬ-ahˇ laꞈ sawˬ biꞈ ma lehˇ ngaˇ saˇ jaˇ dzaˬ taˬ-euˬ ma. Ehˇ kʼawꞈ, laꞈ sawˬ kʼoeˇ nawˇ maˬ za nya ni Sahˬpaˬ Miˬyehˇ jahˇ-euˬ meh.”

1 Saˬmeuˬlaˆ 17:25

Aˬ yawꞈ maꞈ tiˬ gʼaˬ tiˇ gʼaˬ ehˇ-eu, “Aˬ yawꞈ-ahˇ haw sheˇ. Aˬ yawꞈ guˇ gaˇ naˇ haˬ sheˇ. Sahˬ paˬ Sawˇluˆ heu loꞈ-ehˇ saˇ jaˇ dzaˬ taˬ-euˬ maˬ ngeuˇ-a loˇ. Tsawˇ haˬ teu gʼaˬ-ahˇ kʼaˇ deuˆ sehꞈ nya-eu gʼaˬ-ahˇ huiˬ dui dui-eu laꞈ sawˬ biꞈ-awˇ, aˬ yawꞈ-euˬ aˬ buˇ-ahˇ bi sheuˬ-eu uˬ taꞈ, aˬ yawꞈ-euˬ aˬ da-euˬ nymˇ jiˇ kʼawꞈ doˆ-eu ka-eu jeˬ ma bi baꞈ ni bi dzeuˇ-iˇ ma lehˇ saˇ jaˇ dzaˬ taˬ-euˬ maˬ ngeuˇ-a loˇ.”