Daˬyeˬlaˇ 3:14 - Akha

¹⁴ Aˬ ha smˇ gʼaˬ-ahˇ sahˬ paˬ ehˇ nehˬ-eu, “Shaˬdaˬlaˆ, Meˬshaˆ hawˇ-eu Aˬbeˬdaˬneˬgoˬ-oˇ, nawˬ ha smˇ gʼaˬ ngaˬ-euˬ miˬ yehˇ-ahˇ uˬ duˬ maˬ tahˬ-ehˇ, ngaˬ neh ka tuˇ taˬ-euˬ shuiˇ mawˇ kawˇ-ahˇ uˬ duˬ maˬ tahˬ-aˬ lehˇ ehˇ-eu ngeuˇ meh loˇ.

Daˬyeˬlaˇ 3:14 交叉參考

Iˇsaˬyaˇ 46:1

“Baˬbuˇloˬ miˬ yehˇ deuˬ gʼaˇ duˬ aˇ saˬ saˬ-eu aˇ yamˬ keuˆ le-euˬ meh. Beˇleˇ hawˇ-eu Neˬboˬ-ahˇ yaw beh uˬ duˬ tahˬ-euˬ kʼawꞈ, nymˬ-mˇ mahˬ tahˬ laˆ-ahˇ bi kaꞈ daˆ-awˇ, jeˬ zaˬ-euˬ daˇ tsuiꞈ-ahˇ kʼaˆ behˆ laˆ kah nehˬ-euˬ tehꞈ meh.

Yeˬlaˬmiˇ 50:2

“Miˇ kʼahˬ tsawˇ jeuˬ dawˬ tawˆ luꞈ-ahˇ, gaˇ kawˆ heu dzawˇ gaˬ-awˇ. Gaˇ kawˆ tiˬ jeˬ-iˬ maˬ zaꞈ ni, paˇ loˬ paˇ lehˇ baꞈ tuˇ-awˇ guˇ gaˬ-awˬ. Baˬbuˇloˬ meuˬ bi deuˆ gʼaˬ-awˇ, Maˬduˆ miˬ yehˇ nui ma cawˆ luꞈ-eu meh. Baˬbuˇloˬ tahˬ pahˬ aˬ ma deuˬ daˬ ga daˬ nyoeˇ kuˇ ni, kʼehꞈ jiˇ kʼoeˆ jiˇ-euˬ meh.

Daˬyeˬlaˇ 3:1

Sahˬ paˬ Neˬbuˬkaˬneˬzaˬ-aˬ, yaw goˇ paw koꞈ tseˇ caˆ byah-awˇ, yaw huiˬ paw koꞈ caˆ byah-eu shuiˇ mawˇ kawˇ tiˬ kawˇ jahˇ-awˇ, Baˬbuˇloˬ meuˬ-euˬ gahˬ kaˬ-ahˇ jaˆ-eu Duˇlaˬ deh ga-ahˇ ka tuˇ taˬ-euˬ meh.

Daˬyeˬlaˇ 4:8

Kʼoeˇ naˇ, Daˬyeˬlaˇ laˇ keuˆ-euˬ meh. (Aˬ yawꞈ-ahˇ ngaˬ-euˬ miˬ yehˇ-euˬ tsawˇ myahˇ pyeuꞈ-eu Beˬteˬshaˬzaˬ lehˇ kʼawꞈ kuˇ-eu meh.) Muiˬ-eu shawˇ-eu miˬ yehˇ-euˬ yaw sahˇ aˬ yawꞈ-euˬ laꞈ kʼoeˇ jawˇ-eu meh. Kʼoeˇ ngeh, ngaˬ neh yuꞈ maˆ maˆ-euˬ gaˇ kawˆ aˬ yawꞈ-ahˇ dzawˇ nehˬ-euˬ ma. Aˬ yawꞈ-ahˇ ngaˇ heu loꞈ-ehˇ ehˇ nehˬ-euˬ ma.