Daˬyeˬlaˇ 11:44 - Akha

⁴⁴ Kʼoeˇ naˇ, nahˇ ma doˆ kʼehˬ paw hawˇ-eu laꞈ taˆ paw pyawˬ-ahˇ neh gaˬ le-euˬ dawˬ deuˬ-ahˇ aˬ yawꞈ tsawˬ guˆ-iˇ-awˇ, guˆ kʼaˬ kʼaˬ-eu laꞈ kʼoeˇ guiˇ deuˆ dui paˇ dui-awˇ, tsawˇ haˬ gʼawˬ mya ni sehꞈ tehꞈ-a.

Daˬyeˬlaˇ 11:44 交叉參考

Daˬyeˬlaˇ 11:11

Iˇjiˇtuˆ sahˬ paˬ nui ma pehˇ laˇ-eu laꞈ kʼoeˇ, Suˇliˆ sahˬ paˬ-ahˇ guiˇ deuˆ-awˇ, huiˬ dui dui-eu guiˇ maꞈ-ahˇ nyehꞈ mi tehꞈ-a.

Daˬyeˬlaˇ 11:30

Loˇmaˆ tsawˇ haˬ deuˬ saˇ baoˬ dziˬ-awˇ oe-awˇ, aˬ yawꞈ-ahˇ ciˬ daˬ le-eu miˇ neh, aˬ yawꞈ guˆ dui dui-iˇ tehꞈ-a. “Kʼoeˇ naˇ, aˬ yawꞈ nui ma pehˇ dui dui-eu laꞈ kʼoeˇ jeˬ nah paw gʼoꞈ kʼoꞈ laˇ-awˇ, Miˬyehˇ-euˬ tsawˇ haˬ deuˬ-euˬ uˬ duˬ tahˬ-eu zahˇ sahˇ kʼoꞈ-ahˇ laˆ cawˆ-eu lehˇ leh jeh tehꞈ-a. Uˬ duˬ tahˬ-eu zahˇ sahˇ kʼoꞈ kʼoeˇ hmˬ-ahˇ byehˇ dzeh-euˬ tsawˇ haˬ deuˬ-ahˇ aˬ yawꞈ gʼaˬ baꞈ baꞈ tehꞈ-a.

Daˬyeˬlaˇ 11:43

Iˇjiˇtuˆ tsawˇ haˬ deuˬ neh jeˬ hmˬ taˬ-euˬ shuiˇ deuˬ, pyuˇ deuˬ hawˇ-eu, aˇ poeˬ kʼaˆ-eu pyuˇ shuiˇ myawˬ gahˬ deuˬ aˬ yawꞈ deuˆ za geuꞈ tehꞈ-a. Liˆbyaˇ miˇ kʼahˬ hawˇ-eu Suˬdaˬ miˇ kʼahˬ-ahˇ kʼawꞈ, aˬ yawꞈ deuˆ gʼaˬ tehꞈ-a.

Daˬyeˬlaˇ 11:45

Iˬ ma laˆ shaˆ hawˇ-eu Uˬ duˬ tahˬ nymˇ nymˇ ma tsoˆ taˬ-euˬ gawˬ jawˬ yaw kaˬ-ahˇ, sahˬ paˬ-euˬ sehˬ gʼawˆ gʼawˆ ma deuˬ aˬ yawꞈ gʼawˆ tehꞈ-a. Ehˇ kʼawꞈ, aˬ yawꞈ-ahˇ ngehˬ gʼeh nehˬ-eu gʼaˬ maˬ jawˇ-ehˇ pyeuꞈ-iˇ-awˇ, ya shiˇ tehꞈ-a.”

Panmaeq 16:12

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ aˬ yawꞈ-euˬ naˬ bo Uˇpaˬlaˇ lawˇ baˬ baˬ ma-ahˇ shehˆ daˆ-euˬ meh. Kʼoeˇ ngeh, nahˇ ma doˆ kʼehˬ paw neh oe-euˬ sahˬ paˬ deuˬ oe tsehˆ nya ni lawˇ baˬ gui-iˇ-euˬ meh.

Panmaeq 17:13

Sahˬ paˬ heu tseˇ gʼaˬ nui noeˬ tiˬ gaˇ taꞈ-awˇ, aˬ yawꞈ maꞈ-euˬ baoˬ hawˇ-eu uˆ lahˇ-eu aˇ yaˬ, jeˬ zaˬ yaw haiˬ kʼoeˇ mawˇ-ahˇ a nehˬ tehꞈ-a.